Fawad Khan, Maula Jatt : अभिनेता फवाद खानच्या ‘मौला जट' चित्रपटाचा पाकिस्तानी बॉक्स ऑफिसवर धुमाकूळ; परदेशातही चित्रपट ठरतोय लोकप्रिय!
Fawad Khan : या पाकिस्तानी चित्रपटाने एक नवा इतिहास रचला असून, ओपनिंग वीकेंडला 50 कोटींची कमाई करणारा हा पहिला पाकिस्तानी चित्रपट ठरला आहे.
Fawad Khan, Maula Jatt : पाकिस्तानी अभिनेता फवाद खान (Fawad Khan) आणि अभिनेत्री माहिरा खान (Mahira Khan) यांचा 'द लीजेंड ऑफ मौला जट' (The Legend of Muala Jatt) हा चित्रपट सध्या बॉक्स ऑफिसवर रेकॉर्डब्रेक कमाई करत असून, आता भारतातही या चित्रपटाची चर्चा होत आहे. फवाद खान अभिनित हा चित्रपट 1979मध्ये आलेल्या युनुस मलिक दिग्दर्शित ‘मौला जट’ चित्रपटाचा रिमेक आहे. फवाद खानच्या चित्रपटाने ओपनिंग वीकेंडला 51 कोटींचे रेकॉर्डब्रेक कलेक्शन केले आहे. यासह या पाकिस्तानी चित्रपटाने एक नवा इतिहास रचला असून, ओपनिंग वीकेंडला 50 कोटींची कमाई करणारा हा पहिला पाकिस्तानी चित्रपट ठरला आहे.
'द लीजेंड ऑफ मौला जट' या पाकिस्तानी चित्रपटाची सध्या जोरदार चर्चा आहे. फवाद खान आणि माहिरा खान स्टारर या चित्रपटाने पाकिस्तानमध्ये बनलेल्या चित्रपटांसाठी एक नवा बेंचमार्क सेट केला आहे. कमाईच्या बाबतीत हा चित्रपट आजपर्यंत पाकिस्तानातील सर्वाधिक कमाई करणारा चित्रपट ठरला आहे. या चित्रपटाने ओपनिंग वीकेंडमध्ये जगभरात 51 कोटींची कमाई केली आहे. पाकिस्तान व्यतिरिक्त अमेरिका, यूके आणि यूएई सारख्या देशांमध्ये या चित्रपटाने दमदार कलेक्शन केले आहे.
ऐतिहासिक कथेवर आधारित चित्रपटात
'द लीजेंड ऑफ मौला जट' हा अॅक्शपट ऐतिहासिक कथेवर आधारित आहे. यात नायक मौला जट (फवाद खान) आणि गँग लीडर नूरी नट (हमजा अली अब्बासी) यांच्यातील वैर दाखवण्यात आले आहे. मौला जटच्या भूमिकेत फवाद खानने आपल्या दमदार अभिनयाने प्रेक्षकांची मने जिंकली आहेत. पंजाबच्या सर्वात भयंकर योद्ध्याचा अवतार घेण्यासाठी फवादने आपल्या शरीरयष्टीवरही खूप मेहनत घेतली आहे.
परदेशातही ठरतोय लोकप्रिय
या चित्रपटाने पहिल्या आठवड्यातच 50 कोटींचा टप्पा पार केला आहे. इतकेच नाही, तर मीडिया रिपोर्टनुसार 'द लीजेंड ऑफ मौला जट' (The Legend of Muala Jatt) यूएई बॉक्स ऑफिसवर पहिल्या क्रमांकावर ट्रेंड करत आहे. याशिवाय फवाद खानचा चित्रपट कॅनडातही टॉप 6 मध्ये पोहोचला आहे. त्याचबरोबर हा चित्रपट ऑस्ट्रेलियात 8व्या तर यूकेमध्ये 9व्या क्रमांकावर ट्रेंड करत आहे. 'द लीजेंड ऑफ मौला जट' हा चित्रपट 25 देशांमध्ये सुमारे 500 स्क्रीनवर प्रदर्शित झाला आहे.
या चित्रपटात फवाद खानसोबत माहिरा खान मुख्य भूमिकेत आहे. 'द लीजेंड ऑफ मौला जट'ने पाकिस्तानमध्ये अनेक विक्रम केले आहेत. चित्रपटाच्या कथेपासून ते स्टारकास्टपर्यंत सर्वत्र कौतुकाचा वर्षाव होत आहे. या चित्रपटाचा ट्रेलर रिलीज होताच 'द लीजेंड ऑफ मौला जट'बद्दल लोकांमध्ये प्रचंड उत्सुकता पाहायला मिळाली होती. या अॅक्शन चित्रपटाचे दिग्दर्शन बिलाल लाशारी यांनी केले आहे. माहिरा आणि फवाद यांच्याशिवाय हुमैमा मलिक आणि हमजा अली अब्बासी यांच्याही महत्त्वाच्या भूमिका आहेत. हा चित्रपट १९७९ साली प्रदर्शित झालेल्या मौला जट चित्रपटाचा रिमेक आहे.
हेही वाचा :
महत्त्वाच्या बातम्या
