Farhan Akhtar Birthday : 148 कोटींचा मालक, महागड्या गाड्या; फरहान अख्तर एका चित्रपटासाठी घेतो एवढे मानधन

Farhan Akhtar Birthday : बॉलिवूड अभिनेता फरहान अख्तर याचा आज 9 जानेवारी 2022 रोजी 48 वा वाढदिवस आहे.

Farhan Akhtar

Farhan Akhtar Birthday : बॉलिवूड अभिनेता फरहान अख्तर याचा आज 9 जानेवारी 2022 रोजी 48 वा वाढदिवस आहे. फरहान अख्तरने बॉलिवूडमध्ये अनेक हिट चित्रपट दिले आहेत. मल्टिटॅलेंटेड अभिनेता फरहान अभिनयासोबतच अख्तर पटकथा लेखन आणि दिग्दर्शनही करतो. बॉलीवूडचा अष्टपैलू खेळाडू म्हणून ओळखल्या जाणाऱ्या फरहान अख्तरने मेहनत आणि क्षमतेच्या जोरावर चित्रपटसृष्टीत आपली वेगळी ओळख निर्माण केली आहे. फरहान अख्तरने मेहनतीच्या जोरावर करोडोंची संपत्ती कमावली आहे. 

फरहान अख्तर हा प्रसिद्ध गीतकार आणि लेखक जावेद अख्तर यांचा मुलगा आहे. स्टार किड असूनही फरहानने आपल्या मेहनतीने चाहत्यांच्या मनावर छाप पाडली. मीडिया रिपोर्ट्सनुसार, फरहान अख्तर 148 कोटींच्या मालमत्तेचा मालक आहे. फरहान एका चित्रपटासाठी तीन ते चार कोटी रुपये मानधन घेतो. फरहानचे वार्षिक उत्पन्न सुमारे 22 कोटी रुपये आहे. त्याशिवाय फरहान जाहिरातींसाठीही मोठी रक्कम आकारतो.

फरहान अख्तर शिबानी दांडेकरला डेट करत असून मागील अनेक वर्षांपासून एकमेकांना डेट करत आहेत. दरम्यान आज फरहानच्या वाढदिवसाच्या दिवशीच या दोघांच्या लग्नाचा मुहूर्त ठरण्याची शक्यता आहे. मीडिया रिपोर्टनुसार, फरहान आणि शिबानी लवकरच लग्न करणार असून तारीख जाहीर करणार असल्याची चर्चा आहे.

फरहान अख्तरच्या मालकीचा मुंबईतील वांद्रामध्ये एक आलिशान बंगला आहे. फरहानने परदेशातही मालमत्तांमध्ये गुंतवणूक केली आहे. फरहान अख्तर आलिशान लक्झरी गाड्यांचाही शौकीन आहे. फरहानची सर्वात महागडी कार पोर्श केमन (Porsche Cayman) आहे, ज्याची किंमत 1.07 कोटी रुपये आहे. यासोबतच 54 लाखांची रेंज रोव्हर (Range Rover), मर्सिडीज वेंज (Mercedes Wenge) आणि होंडा सीआरव्ही (Wenge and Honda CRV) आहे. फरहान अख्तरला चैनीने भरलेली जीवनशैली जगणे आवडते. तो अनेकदा परदेशात सुट्टी घालवण्यासाठी जातो.

महत्त्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha