Jaani Accident: 'पछताओगे' फेम प्रसिद्ध पंजाबी गायक-गीतकार जानी यांच्या गाडीचा भीषण अपघात, पोस्ट लिहिती दिली माहिती!

Jaani Accident : प्रसिद्ध पंजाबी गायक आणि गीतकार जानी (Jaani) यांच्या कारला भीषण अपघात झाला आहे.

Jaani

Jaani Accident : प्रसिद्ध पंजाबी गायक आणि गीतकार जानी (Jaani) यांच्या कारला भीषण अपघात झाला आहे. जानी आणि त्यांचा मित्र कामानिमित्ताने प्रवास करत असताना हा अपघात घडला आहे. मोहालीमध्ये त्यांची एसयूव्ही दुसऱ्या एका कारला धडकली आणि पलटी झाली. या अपघातात जानीसह इतर दोन जण जखमी झाले असून, त्यांना जवळच्या रुग्णालयात दाखल करण्यात आले आहे. सध्या या तिघांचीही प्रकृती स्थिर असून, त्यांच्यावर उपचार सुरु आहेत.

दोन गाड्यांमधील ही धडक इतकी जोरदार होती की, जानी यांची कार उलटली झाली. मात्र, एअरबॅग्ज असल्याने त्यांचा जीव वाचला. जानी आणि इतर दोघांना सध्या मोहाली येथील रुग्णालयात नेण्यात आले आहे, तर इतरांना किरकोळ दुखापत झाली आहे. जानी यांच्या मानेला आणि पाठीला दुखापत झाली असली, तरी त्यांची प्रकृती स्थिर आहे. त्याच्यासोबत असलेले अन्य दोघेही जखमी झाले. तर, दुसऱ्या गाडीतील प्रवासी सुखरूप आहेत.

सोशल मीडियावर पोस्ट लिहित दिली माहिती

यानंतर आता स्वत: जानी यांनी त्यांच्या इन्स्टाग्राम हँडलवर अपघाताची बातमी शेअर केली आहे. या भीषण अपघाताचे वर्णन करताना त्यांनी लिहिले की, ‘आज मी माझ्या डोळ्यांनी मृत्यू पाहिला, मग बाबा नानक पाहिले. आज मी देव आणि मृत्यू एकत्र पहिला… मी आणि माझे मित्र ठीक आहोत… फक्त काही किरकोळ जखमा झाल्या आहेत… तुमच्या शुभेच्छा कायम असू द्या’.  या पोस्टनंतर सोशल मीडियावर चाहते त्यांना लवकर बरे वाटावे म्हणून प्रार्थना करत आहेत.

कोण आहेत जानी?

गीतकार जानी यांनी 'पचताओगे' आणि 'बारिश की जाये' सारखी हिट गाणी लिहिली आहेत. त्यांना ‘शांत सिपाही’ या पंजाबी गाण्यासाठी खूप प्रसिद्धी मिळाली. जानी यांची गाणी चाहत्यांना प्रचंड आवडतात. 2013 मधील सुपरहिट 'सोच' हे गाणे देखील जानी यांनीच लिहिले आहे. हे गाणे गायक हार्डी संधूने गायले होते. हेच गाणे पुढे अक्षय कुमारच्या ‘एअरलिफ्ट’ या चित्रपटातही वापरले गेले.

हेही वाचा :