Sita Ramam : 'सीता रामम' चा हिंदी ट्रेलर प्रदर्शित; रश्मिका मंदाना, दुलकर सलमान अन् मृणालच्या अभिनयानं वेधलं लक्ष
दुलकर सलमान, पुष्पा फेम अभिनेत्री रश्मिका मंदना (Rashmika Mandanna) आणि मृणाल ठाकुर (Mrunal Thakur) यांच्या 'सीता रामम' (Sita Ramam) या चित्रपटाचा हिंदी ट्रेलर रिलीज झाला आहे.
Sita Ramam : दाक्षिणात्य चित्रपटसृष्टीतील प्रसिद्ध अभिनेता दुलकर सलमान (Dulquer Salmaan), पुष्पा फेम अभिनेत्री रश्मिका मंदना (Rashmika Mandanna) आणि बॉलिवूडमधील प्रसिद्ध अभिनेत्री मृणाल ठाकुर (Mrunal Thakur) यांच्या 'सीता रामम' (Sita Ramam) या चित्रपटाचा हिंदी ट्रेलर रिलीज झाला आहे. या चित्रपटाचे कथानक सीता आणि राम या भूमिकांच्या आयुष्यावर आधारित आहे. या चित्रपटामध्ये 60 ते 70 दशकातील लव्ह स्टोरी प्रेक्षकांना बघायला मिळणार आहे. या दाक्षिणात्य चित्रपटाच्या हिंदी व्हर्जनची प्रेक्षक उत्सुकतेने वाट बघत आहेत.
तेलुगु सिनेमात पदार्पण करणाऱ्या बॉलीवूड सुपरस्टार मृणालने या चित्रपटाबद्दल एका मुलाखतीत सांगितलं, "मी दाक्षिणात्य चित्रपटसृष्टीत पदार्पण करण्यासाठी हा चित्रपट निवडला याचा मला आनंद आहे. मला जे प्रेम मिळत आहे ते अविश्वसनीय आहे. सर्वात महत्त्वाचे म्हणजे, ही एक सुंदर कथा आहे आणि मला आनंद आहे की हा चित्रपट हिंदीत डब झाल्यामुळे तो अधिक लोकांपर्यंत पोहोचणार आहे. '
पाहा ट्रेलर:
View this post on Instagram
चित्रपट रिलीज कधी होणार?
5 ऑगस्ट रोजी हा चित्रपट तेलुगू, तमिळ आणि मल्याळम भाषेमध्ये रिलीज झाला. या चित्रपटाचं हिंदी व्हर्जन आज (2 सप्टेंबर) प्रेक्षकांच्या भेटीस येणार आहे. हनु राघवपुडी हे या चित्रपटाचे फिल्ममेकर आहेत. ट्रेलरमधील कलाकरांच्या अभिनयाला प्रेक्षकांची विशेष पसंती मिळत आहे. रश्मिका मंदना सध्या तिच्या बॉलिवूड एन्ट्रीची जोरदार तयारी करत आहे. लवकरच ती 'मिशन मजनू या चित्रपटातून हिंदी चित्रपटसृष्टीत पाऊल ठेवणार आहे.
सीता रामम या चित्रपटामध्ये मृणालनं सीता आणि दुलकरनं राम ही भूमिका साकारली आहे. तर रश्मिका मंदनानं आफरीन ही भूमिका साकारली आहे. चित्रपटामधील मृणाल आणि दुलकर सलमान यांच्या केमिस्ट्रीनं अनेकांचे लक्ष वेधले आहे. रश्मिकाला पुष्पा या चित्रपटामुळे विशेष लोकप्रियता मिळाली. आता तिच्या या आगामी चित्रपटाची वाट प्रेक्षक उत्सुकतेने बघत आहेत.
वाचा इतर महत्त्वाच्या बातम्या :
महत्त्वाच्या बातम्या
ट्रेंडिंग न्यूज
