धक्कादायक! वीर पहारियावर विनोद केला म्हणून कॉमेडियन प्रणित मोरेला मारहाण
विनोदवीर प्रणित मोरे याला सोलापुरात मारहाण झाल्याची धक्कादायक घटना घडली आहे. विशेष म्हणजे या घटनेनंतर प्रणित मोरेने पोलिसात तक्रार केली आहे.
Comedian Pranit More Assaulted : विनोदवीर प्रणित मोरे याला संपूर्ण महाराष्ट्र ओळखतो. यूट्यूबवर त्याच्या शोंना लाखोंनी व्ह्यूज असतात. दरम्यान, याच प्रणित मोरेला सोलापूरमध्ये मारहाण झाल्याची धक्कादायक घटना घडली आहे. अभिनेता वीर पाहरिया याच्यावर विनोद केल्यामुळे त्याला ही मारहाण करण्यात आली आहे. या घटनेनंतर वीर पहारियाच्या टीमने मुंबईत ऑलनाईन पद्धतीने पोलिसात तक्रार केली आहे. या घटनेनंतर आता वीर पाहारियानेही यावर प्रतिक्रिया दिली आहे.
प्रणित मोरेने इन्स्टाग्रामवर केली पोस्ट
अभिनेता वीर पहारिया याच्यावर विनोद केल्याने मारहाण झाल्याचा आरोप स्टॅन्डअप कॉमेडीयन प्रणित मोरे याने केलाय. या संदर्भात प्रणित मोरेने इंस्टाग्रामवर पोस्ट केली असून त्याच्या या पोस्टनंतर अभिनेता वीर पहारिया याने देखील प्रतिक्रिया व्यक्त केलीय.
11-12 लोकांच्या गटाने मारहाण केल्याचा आरोप
स्टॅन्डअप कॉमेडीयन प्रणित मोरे याच्या दाव्यानुसार 2 फेब्रुवारी रोजी सोलापुरातल्या एका हॉटेलमध्ये त्याचा स्टॅन्डअप शो झाला. या शो नंतर 11-12 लोकांच्या एका गट फोटोसाठी विनंती करतं पुढे आणि त्यांनी प्रणितला मारहाण केली आणि धमकी दिली. तन्वीर शेख नावाचा व्यक्ती हा ग्रुपचा लीडर होता. प्रणित याने वीर पहारिया बाबतीत केलेल्या विनोदवरून मारहाण केल्याचं म्हटले आहे. धक्कादायक बाब म्हणजे या प्रकरणी पोलीस स्टेशनला तक्रार देण्यासाठी गेल्यानंतर पोलिसांनी तक्रार घेतली नाही असा दावा देखील त्याने आपल्या या पोस्टमध्ये केलंय.
View this post on Instagram
दरम्यान त्याच्या या पोस्टनंतर वीर पहारिया याने देखील इमस्टाग्रामवरून प्रतिक्रिया दिलीय. "प्रणित सोबत घडलेल्या घटनेची माहिती मिळाल्यानंतर आपल्याला धक्का बसला असून या प्रकारचा आपला काहीही संबंध नाही. मी कोणत्याही हिंसेला समर्थन करतं नाही. तरी घडलेल्या प्रकारबद्दल मी प्रणित आणि त्याच्या चाहत्यांची माफी मागतो. दोषीवर कारवाई होईल या बाबतीत मी स्वतः लक्ष घालेन.‘’ अशी पोस्ट त्याने इन्स्टंवर केलीय.
View this post on Instagram
वीर पहारिया याचा स्काय फोर्स हा सिनेमा नुकताच प्रकाशित झाला आहे. वीर पहारिया हा माजी केंद्रीय गृहमंत्री सुशीलकुमार शिंदे यांचा नातू आहे.
हेही वाचा :
स्टाईलच्या बाबतीत आजच्या अभिनेत्रींनाही टक्कर देते; पाहा करिश्मा कपूरचा नवा लूक!
महत्त्वाच्या बातम्या
