Cobra Box Office Collection : विक्रमच्या ‘कोब्रा’चा बॉक्स ऑफिसवर मोठा विक्रम, पहिल्याच दिवशी जमवला ‘इतका’ गल्ला!

Cobra Box Office Collection : अभिनेता विक्रम 3 वर्षांच्या ब्रेकनंतर या चित्रपटातून पुन्हा मोठ्या पडद्यावर परतला आहे. 'कोब्रा'ची ओपनिंग अपेक्षेपेक्षा जास्त धमाकेदार झाली आहे.

Cobra Box Office Collection

Cobra Box Office Collection : तमिळ सुपरस्टार चियान विक्रम (Chiyaan vikram) आणि अभिनेत्री श्रीनिधी शेट्टी (Sreenidhi Shetty) स्टारर दिग्दर्शक आर. अजय ज्ञानमुथु यांच्या ‘कोब्रा’ (Cobra) चित्रपटाने पहिल्याच दिवशी धमाकेदार सुरुवात केली आहे. या चित्रपटाला प्रेक्षक आणि समीक्षकांचा संमिश्र प्रतिसाद मिळाला. हा चित्रपट धमाकेदार ओपनिंग मिळवण्यात चित्रपट यशस्वी झाला आहे. अजय गन्नामुथु दिग्दर्शित या चित्रपटात चियान विक्रमसोबत श्रीनिधी शेट्टी मुख्य भूमिकेत आहे. हा या वर्षातील बहुप्रतिक्षित चित्रपटांपैकी एक होता.

अभिनेता विक्रम 3 वर्षांच्या ब्रेकनंतर या चित्रपटातून पुन्हा मोठ्या पडद्यावर परतला आहे. 'कोब्रा'ची ओपनिंग अपेक्षेपेक्षा जास्त धमाकेदार झाली आहे. चित्रपटाने पहिल्याच दिवशी केवळ तामिळनाडूमध्ये 12 कोटी रुपयांची कमाई केली आहे. यासह हा चित्रपट विक्रमच्या करिअरमधील आतापर्यंतचा सर्वात यशस्वी चित्रपट ठरला आहे.

पहिल्याच दिवशी चित्रपटाचा विक्रम!

या चित्रपटाने पहिल्या दिवशी तेलुगू बॉक्स ऑफिसवर 4.25 कोटींचा व्यवसाय केला. या चित्रपटाने कर्नाटकात 2 कोटी आणि केरळमध्ये 1.65 कोटींचा व्यवसाय केला आहे. तर, इतर राज्यांतून या चित्रपटाने एकूण 60 लाख रुपयांचा गल्ला जमवला आहे. यासह चित्रपटाने संपूर्ण बॉक्स ऑफिस कमाईचा आकडा 19.50 कोटी रुपयांचा व्यवसाय केला आहे.

'कोब्रा'ची तगडी स्टार कास्ट

माजी क्रिकेटपटू इरफान पठाण या चित्रपटामधून अभिनय क्षेत्रात पदार्पण करणार आहे. या चित्रपटात चियान विक्रमसोबतच अभिनेत्री श्रीनिधि शेट्टी देखील प्रमुख भूमिका साकारणार आहे. त्याच बरोबर मिया जॉर्ज, रोशन मॅथ्यू, सरजानो खालिद, पद्मप्रिया, मोहम्मद अली बेग, कनिहा, मिरनालिनी रवि, मीनाक्षी आणि के.एस. रविकुमार हे कलाकार देखील या चित्रपटात प्रमुख भूमिका साकारणार आहेत. हा चित्रपट 31 ऑगस्ट रोजी प्रेक्षकांच्या भेटीस येणार आहे. तसेच तमिळ, तेलुगू आणि हिंदी भाषांमध्ये हा चित्रपट रिलीज होणार आहे. आर. अजय. ज्ञानमुथु यांनी या चित्रपटाचं दिग्दर्शन केलं आहे. तर सेव्हेन स्क्रीन स्टुडिओनं या चित्रपटाची निर्मिती केली आहे. हरीश कन्नन यांनी या चित्रपटाची सिनेमॅटोग्राफी केली आहे.

चियान विक्रमचे आगामी चित्रपट

कोब्रा बरोबरच चियान विक्रम चा ‘पोन्नियिन सेल्वन’ हा चित्रपट प्रेक्षकांच्या भेटीस येणार आहे. प्रसिद्ध दिग्दर्शक मणिरत्नम यांनी या चित्रपटाचे दिग्दर्शन केलं आहे. या चित्रपटात ऐश्वर्या राय बच्चन, कार्थी, जयम रवि, तृषा, प्रकाश राज आणि शोभिता धूलिपाला हे कलाकार प्रमुख भूमिका साकारणार आहेत. प्रेक्षक विक्रमच्या आगमी चित्रपटांची वाट उत्सुकतेने बघत आहेत. चियान विक्रमच्या अन्नियान,ढोल, सामी, पिठमागन या चित्रपटांना प्रेक्षकांची विशेष पसंती मिळाली. अन्नियान या चित्रपटातील विक्रमच्या अभिनयाचं अनेकांनी कौतुक केलं.

हेही वाचा :