Chitra Wagh: नाव न घेता चित्रा वाघ यांचा सुषमा अंधारेंवर हल्लाबोल; म्हणाल्या, 'समर्थन करणाऱ्यांच्या डोक्यात प्रकाश पडो...'

आता सुषमा अंधारे (Sushma Andhare) यांच्या पोस्टवर चित्रा वाघ (Chitra Wagh) यांनी नाव न घेता खोचक टीका केली आहे. 

Chitra Wagh, Sushama Andhare

Chitra Wagh: भाजप नेत्या चित्रा वाघ (Chitra Wagh)आणि अभिनेत्री उर्फी जावेद (Urfi Javed)  सोशल मीडियावर वॉर सुरु आहे. चित्रा वाघ यांनी एक ट्वीट शेअर करुन उर्फीच्या कपड्यांवर आक्षेप घेतला होता. त्यानंतर त्या ट्वीटला उर्फीनं प्रत्युत्तर दिलं होतं. या वादादरम्यान आता  ठाकरे गटाच्या फायरब्रँड नेत्या सुषमा अंधारे (Sushama Andhare) यांनी एक पोस्ट शेअर केली. सुषमा अंधारे यांनी कंगना रनौत, अमृता फडणवीस आणि केतकी चितळे यांचे काही फोटो शेअर केले. या फोटोला सुषमा अंधारे यांनी दिलेल्या कॅप्शननं अनेकांचे लक्ष वेधलं. आता सुषमा अंधारे यांच्या पोस्टवर चित्रा वाघ यांनी नाव न घेता खोचक टीका केली आहे. 

चित्रा वाघ यांचे ट्वीट

चित्रा वाघ यांनी ट्विटरवर ट्वीट शेअर केलं आहे. या ट्वीटच्या माध्यमातून त्यांनी सुषमा अंधारे यांच्या पोस्टला त्यांचे नाव न घेतला प्रत्युत्तर दिलं. ट्वीटमध्ये चित्रा वाघ यांनी लिहिलं, 'आपल्या कामाची गरज म्हणून कोणाचा पेहराव तसा असेल तर तो झाला कामाचा भाग यावर माझा किंवा कोणाचाही आक्षेप नाही. पण जिथे आपण समाजात वावरतो, सार्वजनिक ठिकाणी भर वस्ती आणि रस्त्यावर खुल्या वातावरणात आपला पेहराव व्यवस्थित राखणं हे सामाजिक भान आहे. तो जर राखला जात नसेल तर त्याला नंगट मानसिकता का म्हणू नये? व्यक्तीस्वातंत्र्याचा सन्माननं राखता, त्याचा अतिरेक करणाऱ्यांना रोखणं,हा ही धर्म नाही का ?लेकी-बाळी तर आपल्या प्रत्येकाच्याच घरी आहे, त्यांच्यासमोर असे आदर्श असावेत का?'

आपल्या कामाची गरज म्हणून कोणाचा पेहराव तसा असेल तर तो झाला कामाचा भाग यावर माझा किंवा कोणाचाही आक्षेप असायचं कारण नाही पण जिथे आपण समाजात वावरतो,सार्वजनिक ठिकाणी भर वस्ती आणि रस्त्यावर खुल्या वातावरणात आपला पेहराव व्यवस्थित राखणं हे सामाजिक भान आहे…(1/5)

— Chitra Kishor Wagh (@ChitraKWagh) January 3, 2023

पुढील ट्वीटमध्ये चित्रा वाघ यांनी लिहिलं,'स्री शिक्षित व्हाही,सक्षम व्हावी,यासाठी लढा देणाऱ्या सावित्रीमाईंनाही स्वैराचाराला प्रोत्साहन देणाऱ्या अश्या लेकी अभिप्रेत होत्या का ? जिथे समाजस्वास्थ्य महत्वाचं, तिथे राजकारण करण्याची गरज आहे का? माझं आवाहन आहे की हे असे उपदव्याप रोखण्यासाठी एक होऊ या. छत्रपतींचा आदर्श,सावित्रीचे संस्कार जपू या. खऱ्या अर्थानं महिला सक्षमीकरणाचा जागर करू या. हा विषय वाद अथवा राजकारणाचा नक्कीच नाही तर सामाजिक स्वास्थ्य जपण्याचा आहे,ही फक्त माझीच नाही तर आपली सगळ्यांचीच जबाबदारी नाही का? व्यक्ती स्वातंत्र्याच्या नावाखाली स्वैराचार कदापी खपवून घेतला जाणार नाहीच. समर्थन करणाऱ्यांच्या डोक्यात प्रकाश पडो एवढी सदिच्छा आहे.'

वाचा इतर महत्वाच्या बातम्या: