Salman Khan : धमकी प्रकरणानंतर सलमानने विदेशातून मागवली बुलेटप्रूफ कार

Salman Khan : सलमान खानने एक नवी बुलेटप्रूफ कार (Bulletproof Suv) खरेदी केली आहे.

Salman Khan

Salman Khan : बॉलिवूडचा भाईजान सलमान खान (Salman Khan) सध्या धमकीप्रकरणामुळे चर्चेत आहे. गेल्या काही दिवसांपूर्वी अभिनेत्याला धमकीचं पत्र मिळालं आहे. त्यानंतर मुंबई पोलिसांनी त्याच्या सुरक्षेत वाढ केली आहे. पण आता या धमक्यांना सलमान खान घाबरला असल्याचं समोर आलं आहे. भाईजानने आता बुलेटप्रूफ कार (Bulletproof Suv) खरेदी केली आहे. 

सलमानने खरेदी केली बुलेटप्रूफ कार (Salman Khan New Bulletproof Suv)

सलमानने आपल्या ताफ्यात आता निसान पेट्रोल एसयूवीचा (Nissan Patrol Suv) समावेश केला आहे. अद्याप ही गाडी भारतात लॉन्च झालेली नाही. पण सुरक्षेच्या दृष्टाने दबंग खानने ही गाडी विदेशातून मागवली आहे. दक्षिण आशियात या गाडीची चांगलीच क्रेझ आहे. ही बुलेटप्रूफ गाडी असल्याने या कारची किंमत खूपच जास्त आहे.

सलमान खानने खरेदी केलेली बुलेटप्रूफ कार ही पांढऱ्या रंगाची असून खूपच स्टायलिश आहे. एका जपानी कंपनीने या गाडीची निर्मिती केलेली आहे. आंतरराष्ट्रीय पातळीवर या गाडीला चांगल्या प्रतिक्रिया मिळत आहेत. सलमानने बुलेटप्रूफ कार खरेदी केल्यानंतर चाहते सोशल मीडियाच्या माध्यमातून लाडक्या भाईजानला शुभेच्छा देत आहेत. नुकत्याच एका कार्यक्रमात सलमानने या नव्या बुलेटप्रूफ गाडीतून हजेरी लावली होती. त्याचा व्हिडीओ सोशल मीडियावर चांगलाच व्हायरल होत आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Bollywood Bubble (@bollywoodbubble)

सलमानला गेल्या काही दिवसांपूर्वी गॅंगस्टार लॉरेन्स बिश्नोईने जीवे मारण्याची धमकी दिली होती. त्यानंतर त्याला एक धमकीचा ई-मेल पाठवण्यात आला होता. यात लिहिलेलं होतं की, प्रकरण मिटवा, समोरासमोर बोलायचं असेल तर सांगा. वेळीच कळवलं आहे. पुढच्या वेळी झटका बसेल". 

सलमानचे आगामी प्रोजेक्ट (Salman Khan Upcoming Project)

सलमान खान सध्या 'किसी का भाई किसी की जान' (Kisi Ka Bhai Kisi Ki Jaan) या सिनेमामुळे चर्चेत आहे. हा सिनेमा येत्या 21 एप्रिलला सिनेमागृहात प्रदर्शित होणार आहे. या सिनेमात तो दाक्षिणात्य अभिनेत्री पूजा हेगडे, शहनाज गिल आणि पलक तिवारीसोबत झळकणार आहे. तसेच त्याचा 'टायगर 3' हा सिनेमादेखील लवकरच प्रेक्षकांच्या भेटीला येणार आहे. या सिनेमात भाईजान आणि किंग खान स्क्रीन शेअर करताना दिसतील. तसेच त्याचा 'किक 2' हा सिनेमादेखील प्रेक्षकांच्या भेटीसाठी सज्ज आहे. 

संबंधित बातम्या