Selfiee Box Office Collection : अरेरे! अक्षय कुमारचा 'सेल्फी' रिलीजच्या पहिल्याच दिवशी सुपरफ्लॉप; जाणून घ्या बॉक्स ऑफिस कलेक्शन...

Selfiee : अक्षय कुमारचा 'सेल्फी' हा सिनेमा प्रेक्षकांच्या भेटीला आला असून रिलीजच्या पहिल्या दिवशी हा सिनेमा जादू दाखवण्यात कमी पडला आहे.

Selfiee

Selfiee Box Office Collection Day 1 : बॉलिवूडचा खिलाडी कुमार अर्थात अक्षय कुमार (Akshay Kumar) आणि इमरान हाशमीचा (Emraan Hashmi) 'सेल्फी' (Selfiee) हा सिनेमा प्रेक्षकांच्या भेटीला आला आहे. गेल्या काही दिवसांपासून चाहते या सिनेमाची प्रतीक्षा करत होते. पण रिलीजच्या पहिल्याच दिवशी हा सिनेमा जादू दाखवण्यात कमी पडला आहे. 

'सेल्फी'चं बॉक्स ऑफिस कलेक्शन जाणून घ्या... (Selfiee Box Office Collection) 

गेल्या वर्षी अक्षयचे अनेक सिनेमे प्रेक्षकांच्या भेटीला आले असून हे सिनेमे बॉक्स ऑफिसवर फ्लॉप ठरले आहेत. त्यामुळे 'सेल्फी' या सिनेमाकडून खिलाडी कुमारच्या खूप अपेक्षा होत्या. पण या सिनेमाचं ओपनिंग डे बॉक्स ऑफिस कलेक्शन खूपच निराशाजनक आहे. मीडिया रिपोर्टनुसार, अक्षयच्या 'सेल्फी' या सिनेमाने रिलीजच्या पहिल्या दिवशी फक्त 3 कोटींची कमाई केली आहे. 

Collections in national chains for #Selfiee at 11 pm:

Pvr: 62 lacs
Inox: 43 lacs
Cinepolis: 23 lacs
Total: 1.28 crores

Film might struggle to cross 3 cr nett all India! https://t.co/9TKyXk8ouS pic.twitter.com/yaLmfozYXE

— Box Office Worldwide (@BOWorldwide) February 24, 2023

'सेल्फी' हा सिनेमा 'ड्रायव्हिंग लायसेंस' (Driving Licence) या मल्याळम सिनेमाचा हिंदी रिमेक आहे. 150 कोटींच्या बजेटमध्ये या सिनेमाची निर्मिती करण्यात आली आहे. बिग बजेट सिनेमा असल्याने निर्मात्यांच्यादेखील या सिनेमाकडून खूप अपेक्षा होत्या. पण रिलीजच्या पहिल्याच दिवशी हा सिनेमा बॉक्स ऑफिसवर जोरदार आपटला आहे. आता वीकेंडला हा सिनेमा किती कमाई करतो याकडे सर्वांचं लक्ष लागलं आहे. 

'सेल्फी' या सिनेमाचं कथानक काय? (Selfiee Movie Story) 

'सेल्फी' या सिनेमात अक्षय कुमार सुपरस्टार विजय कुमारच्या भूमिकेत आहे. तर इमरान हाशमीने त्याच्या चाहत्याची भूमिका साकारली आहे. सेलिब्रिटीसोबत एक सेल्फी मिळवण्यासाठी वेड्या झालेल्या एका चाहत्याची गोष्ट या सिनेमात दाखवण्यात आली आहे. इमरान हाशमी हा आरटीओ ऑफिसर असून तो अडचणीत सापडलेल्या अक्षय कुमारची म्हणजेच विजय कुमारची कशी मदत करतो याचा गंमतीशीर प्रवास सिनेमात दाखवण्यात आला आहे. पण त्यानंतरही विजय चाहत्याला एक 'सेल्फी' देतो का हे प्रेक्षकांना सिनेमात पाहायला मिळेल. या सिनेमात अक्षय आणि इमरानसह नुसरत भरुचा आणि डायना पेंटीदेखील महत्त्वाच्या भूमिकेत आहेत. राज मेहताने या सिनेमात दिग्दर्शन केलं असून करण जौहरने या सिनेमाची निर्मिती केली आहे. 

संबंधित बातम्या