Hrithik Roshan : कोरोनाच्या दुसऱ्या लाटेत ऋतिक रोशनचा पुन्हा एकदा सिंटासाठी मदतीचा हात

बॉलिवूड अभिनेता ऋतिक रोशन (Hrithik Roshan) ने कोरोनाच्या दुसऱ्या लाटेमध्ये पुन्हा एकदा सिंटासाठी मदतीचा हात पुढे केला आहे. ऋतिकने सिने अँड टीवी आर्टिस्ट्स असोसिएशन (CINTAA) ला 20 लाख रुपयांची देणगी दिली आहे. तसेच दारिद्र्य रेषेखालील सदस्यांसाठी रेशन किट देखील देणार आहे.

बॉलिवूड अभिनेता हृतिक रोशन मदतीसाठी सरसावला (File Photo)

मुंबई : देशात कोरोनाच्या दुसऱ्या लाटेचा प्रादुर्भाव दिसून येत आहे. त्यामुळे देशातील अनेक राज्यांत लॉकडाऊन लागू करण्यात आला आहे. त्यामुळे पुन्हा एकदा मनोरंजन क्षेत्रावरही निर्बंध लागू करण्यात आले आहेत. कोरोना आणि लॉकडाऊनमुळे अनेक सिने कलाकारांसह सेटवर काम करणाऱ्या कर्मचाऱ्यांवरही उपासमारीची वेळ आली आहे. अशातच अनेक बड्या सेलिब्रिटींनी अशा कर्मचाऱ्यांसाठी मदतीचा हात पुढे केला आहे. अशातच बॉलिवूड अभिनेता ऋतिक रोशन (Hrithik Roshan) ने पुन्हा एकदा सिने अँड टीवी आर्टिस्ट्स असोसिएशन (CINTAA) सदस्यांच्या मदतीसाठी पुढाकार घेतला आहे. ऋतिकने असोसिएशनला 20 लाख रुपयांची देणगी दिली असून दारिद्र्य रेषेखालील सदस्यांसाठी रेशन किट देखील प्रदान करणार आहे. या मदतीचा फायदा सिंटाच्या 5 हजार सदस्यांना होणार आहे.

या पुढकराविषयी ऋतिक रोशनचे आभार मानताना सिंटा (CINTAA)चे महासचिव, अमित बहल म्हणाले की, "ऋतिक रोशनने मागच्या लॉकडाऊनच्या वेळेस देखील आमची मदत केली होती. या वेळी, त्यांनी केलेल्या मदतीतून असोसिएशनच्या 5000 सदस्यांचे लसीकरण करण्यात येणार असून दारिद्र रेषेखालील सभासदांना रेशन किट पुरवण्यात येणार आहे." 

अभिनेता या संकटकाळात लोकांना सर्वतोपरी मदत करण्याचा कायम प्रयत्न करत आहे. कोविड -19 च्या पहिल्या लाटेत देखील, ऋतिकने सिंटा (CINTAA) साठी 25 लाखाची आर्थिक मदत केली होती, ज्यातून 4 हजार दैनंदिन कारागिरांना आणि त्यांच्या कुटुंबांना मदत करण्यात आली होती.

मुंबई पोलिसांसाठी हँड सॅनिटाइजर्सपासून फ्रंट लाइन वॉरिअर्सच्या आरोग्य सुरक्षेमध्ये योगदान देण्याबरोबरच कोविड-19 रुग्णांसाठी ऑक्सीजन सिलेंडर आणि कंसेंट्रेटर्सपर्यंत, ऋतिक अनेक गरजू लोकांची सक्रियपणे मदत करत आहे.

महत्त्वाच्या इतर बातम्या :