Bhool Bhulaiyaa 3 Box Office Collection Day 11: 'भूल भुलैय्या'ने बॉक्स ऑफिसला झपाटलं, 200 टक्क्यांपेक्षा जास्त कमाई; कार्तिक आर्यन झाला बॉक्स ऑफिसचा किंग!
Bhool Bhulaiyaa 3 Box Office Collection Day 11: कार्तिक आर्यनचा 'भूल भुलैया 3' अवघ्या 11 दिवसांत बॉक्स ऑफिसवर किंग बनला आहे.
Bhool Bhulaiyaa 3 Box Office Collection Day 11: कार्तिक आर्यनच्या (Kartik Aaryan) 'भूल भुलैया 3' (Bhool Bhulaiyaa 3 ) या चित्रपटाने पहिल्या वीकेंडमध्ये बॉक्स ऑफिसवर पकड कायम ठेवली आहे. या चित्रपटाने पहिल्या वीकेंडमध्ये 100 कोटींचा व्यवसाय केला होता.दुसऱ्या वीकेंडपर्यंत चित्रपटाच्या कमाईचे अधिकृत आकडेही आले आहेत. चित्रपटाने दुसऱ्या वीकेंडमध्ये म्हणजेच 10 दिवसांत 200 कोटींहून अधिक कमाई केली.
कार्तिक आर्यनच्या चित्रपटाने 10व्या दिवशी 18.10 कोटींची कमाई केली आणि एकूण 216.76 कोटींची कमाई केली. चित्रपटाच्या 11व्या दिवसाच्या कमाईचे प्रारंभिक आकडेही सॅनसिल्कवर आले आहेत. संध्याकाळी 5:40 वाजेपर्यंत चित्रपटाने 1.9 कोटींची कमाई केली आहे. चित्रपटाची एकूण कमाई 218.66 कोटींवर पोहोचली आहे. हे आकडे अंतिम नाहीत. त्यात आता बदल होऊ शकतात.
'भूल भुलैया 3'चं बजेट आणि नफा
वृत्तानुसार, 'भूल भुलैया 3' 150 कोटी रुपये खर्चून बनवण्यात आला आहे. चित्रपटाच्या जगभरातील कमाईबद्दल बोलायचे झाले तर, सॅकनिल्कच्या मते, 10 दिवसात 314.80 कोटी रुपये झाले आहेत. म्हणजेच चित्रपटाने सुमारे 212% नफा कमावला आहे.या दिवाळीत कार्तिक आर्यनचा भूल भुलैया 3, अजय देवगणचा सिंघम अगेन सोबत रिलीज झाला. या संघर्षाच्या सुरुवातीच्या दिवसांमध्ये अजय देवगणचा चित्रपट पुढे असल्याचे दिसत होते, परंतु जसजसे दिवस पुढे जात होते तसतसे कार्तिक आर्यनच्या चित्रपटाने अजय देवगणच्या चित्रपटाला मागे टाकले.
सिंघम अगेनचे बजेट 350 कोटी आहे आणि सध्या हा चित्रपट जगभरात केवळ 315 कोटी कमवू शकला आहे. म्हणजे जिथे कार्तिकचा चित्रपट 200 टक्क्यांहून अधिक फायदेशीर आहे. तर अजयच्या चित्रपटाला बजेटपर्यंत पोहोचण्यासाठी 35-40 कोटी रुपये कमवावे लागतील. भूल भुलैया 3चे दिग्दर्शन अनीस बज्मी यांनी केले आहे. याआधी त्याने 2022 मध्ये याच फ्रँचायझीचा दुसरा भागही दिग्दर्शित केला होता. या चित्रपटात कार्तिक आर्यनसोबतच तृप्ती डिमरी, विद्या बालन, माधुरी दीक्षित, संजय मिश्रा, विजयराज आणि राजपाल यादव असे अनेक मोठे चेहरे आहेत.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
