Bhool Bhulaiyaa 2 BO Collection : बॉक्स ऑफिसवर दिसली कार्तिक आर्यनची जादू, ‘भूल भुलैया 2’ने पार केला 100 कोटींचा टप्पा!

Bhool Bhulaiyaa 2 : रिलीजच्या अवघ्या 9व्या दिवशी हा चित्रपट 100 कोटींच्या क्लबमध्ये सामील झाला आहे.

Bhool Bhulaiyaa 2

Bhool Bhulaiyaa 2 Box Office Collection : बॉलिवूडचा चॉकलेट बॉय कार्तिक आर्यन (Kartik Aaryan) आणि अभिनेत्री कियारा अडवाणी (Kiara Advani) यांचा चित्रपट ‘भूल भुलैया 2’ (Bhool Bhulaiyaa 2) बॉक्स ऑफिसवर चांगली कमाई करत आहे. या चित्रपटाची जादू बॉक्स ऑफिसवर दिसत आहे. अनेक चित्रपटांना मागे टाकत आता भूल भुलैया 2 यशस्वी कमाई करत आहे. ‘भूल भुलैया 2’ने आता नवा विक्रम आपल्या नावावर केला आहे. रिलीजच्या अवघ्या 9व्या दिवशी हा चित्रपट 100 कोटींच्या क्लबमध्ये सामील झाला आहे.

या चित्रपटाने शनिवारी 11.35 कोटी रुपयांचे कलेक्शन केले आहे. यासह चित्रपटाने रिलीजच्या अवघ्या 9 दिवसांत 100 कोटींचा टप्पा पार केला आहे. ‘भूल भुलैया 2’ने आतापर्यंत एकूण 109.92 कोटींची कमाई केली आहे. हा चित्रपट कार्तिक आर्यनच्या हिट चित्रपटांपैकी एक ठरला आहे.

पहिल्या दिवसापासून जबरदस्त कलेक्शन

‘भूल भुलैया 2’ पहिल्या दिवसापासून रेकॉर्डब्रेक कमाई करत आहे. ‘भूल भुलैया 2’ने पहिल्या दिवशी 14.11 कोटी कमाई करत बॉक्स ऑफिसवर कल्ला केला होता. पहिल्या दिवसापासून आतापर्यंत हा चित्रपट बॉक्स ऑफिसवर धमाकेदार कमाई करत असून, तुफान वेगाने पुढे जात आहे. 'भूल भुलैया 2'च्या क्रेझसमोर कंगना रनौतचा ‘धाकड’ मात्र फिका पडला आहे. कंगनाचा बहुप्रतीक्षित ‘धाकड’ हा चित्रपट बॉक्स ऑफिसवर सपाटून आपटला आहे. 

कार्तिक आणि कियारा यांचा हॉरर कॉमेडी चित्रपट ‘भूल भुलैया 2’ बॉक्स ऑफिसवर अपेक्षेपेक्षा दुप्पट कामगिरी करत आहे. या चित्रपटाला प्रेक्षकांचा उदंड प्रतिसाद मिळत आहे. चित्रपटाचे बहुतांश शो हाऊसफुल्ल जात आहेत. कार्तिक आणि कियारा देखील त्यांच्या चित्रपटाच्या यशामुळे खूप खुश आहेत.

सेलिब्रिटींकडून चित्रपटाचे कौतुक

'भूल भुलैया 2' मध्ये कार्तिक आर्यन हा रूह बाबा ही भूमिका साकारली आहे. ही भूमिका साकारण्यासाठी कार्तिकने 15 कोटी मानधन घेतले आहे. तर, कियारा आडवाणीने या चित्रपटामध्ये रीत ठाकुर ही भूमिका साकारली आहे. कियाराने या चित्रपटासाठी दोन कोटी रूपये मानधन घेतले आहे. अनेक सेलिब्रिटींनी या चित्रपटाचे कौतुक केले आहे. अभिनेत्री कंगना रनौतने सोशल मीडियावर पोस्ट शेअर करुन या चित्रपटाचे कौतुक केले आहे.

हेही वाचा :