Ananya Panday On Ambani Wedding : अनंत अंबानीच्या लग्नात हजेरी लावण्यासाठी सेलिब्रिटींना पैसे मिळाले? अभिनेत्री अनन्या पांडेने अखेर मौन सोडले...
Ananya Panday On Ambani Wedding: अनंत अंबानीच्या लग्नात सहभागी होण्यासाठी हाय-प्रोफाइल सेलिब्रिटींना पैसे देण्यात आल्याच्या अफवा पसरल्या होत्या. आता अभिनेत्री अनन्या पांडेने यावर मौन सोडले आहे.
Ananya Panday On Ambani Wedding: रिलायन्स उद्योग समूहाचे सर्वेसर्वा उद्योजक मुकेश अंबानी (Mukesh Ambani) यांचा धाकटा मुलगा अनंत अंबानी (Anant Ambani) याचा 12 जुलै रोजी राधिका मर्चंटसोबत (Radhika Merchant) शाही विवाह सोहळा पार पडला. या शाही लग्न सोहळ्यात बॉलिवूडपासून हॉलिवूडपर्यंतचे सेलिब्रिटी सहभागी झाले होते. अनंत अंबानीच्या लग्नात सहभागी होण्यासाठी हाय-प्रोफाइल सेलिब्रिटींना पैसे देण्यात आल्याच्या अफवा पसरल्या होत्या. आता अभिनेत्री अनन्या पांडेने यावर मौन सोडले आहे.
मॅशेबल इंडियाने (Mashable India) संभाषणादरम्यान, अनन्या पांडेने अनंतच्या लग्नाच्या वरातीत चांगलीच थिरकली होती. तिचे व्हिडीओ सोशल मीडियावरही व्हायरल झाले होते. त्याबाबत तिला विचारण्यात आले. त्यावर बोलताना अनन्याने सांगितले की, अनंत माझा मित्र आहे. माझ्या मित्राच्या लग्नात मी नाचणार नाही का? असा उलट प्रश्नच तिने केला.
अनंत-राधिकाच्या नात्यावर भाष्य...
यादरम्यान अनन्याने अनंत अंबानी आणि राधिका मर्चंट यांच्या नात्याबद्दलही सांगितले. त्याने सांगितले की, 'लग्नाची एक मोठी गोष्ट म्हणजे खूप काही घडत होतं, पण जेव्हाही अनंत आणि राधिकाने एकमेकांना पाहिलं तेव्हा ते निव्वळ प्रेम होतं. त्यांना पाहिलं की, या दोघांच्या मागे व्हायोलिन वाजवल्यासारखं वाटत होतं. अशी काही गोष्ट मला आयुष्यात हवी आहे. आजूबाजूला कितीही अनागोंदी असली तरी तुमचं आणि त्या व्यक्तीचं ते नातं शेअर होतं.
अंबानी कुटुंबाच्या पाहुणाचाराचे केले कौतुक...
अनन्या पांडेने अंबानी कुटुंबाने केलेल्या पाहुणचाराचेही कौतुक केले. तिने सांगितले की, अंबानी कुटुंबीयांकडून सगळ्यांचे स्वागत करण्यात आले. कोणताही कार्यक्रम असो, ते येणाऱ्या पाहुण्यांचे अतिशय प्रेमाने आणि उत्साहाने स्वागत केले. ही अतिशय सुंदर बाब आहे, यामुळे पाहुण्यांना आपण त्या कुटुंबापैकीच एक आहोत, त्यांच्यासाठी खास आहोत ही भावना मनात येते.
View this post on Instagram
अनन्या पांडे ही नुकतीच 'कॉल मी बे' या वेब सीरिजमध्ये झळकली होती. करण जोहर प्रोडक्शन हाऊसच्या बॅनर अंतर्गत या वेब सीरिजची निर्मिती झाली. ही सीरिज प्राईम व्हिडीओवर पाहता येईल.
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
