बिग बींसोबत काम करण्याची 'या' अभिनेत्रीची नव्हती इच्छा, म्हणून अमिताभ यांनी थेट गुलाबाचा ट्रकच पाठवला
Bollywood Kissa: अमिताभ बच्चन यांच्यासोबत चित्रपटात काम करण्यास श्रीदेवी तयार नव्हती. त्यानंतर बिग बींनी गुलाबांनी भरलेला ट्रक पाठवला. यानंतर श्रीदेवीने या चित्रपटासाठी होकार दिला.
Bollywood Kissa: बॉलिवुडचे शेहनशाह, बिग बी, अँग्री यंग मॅन यांसारख्या नावाने प्रसिद्ध असलेले दिग्गद अभिनेते अमिताभ बच्चन (Amitabh Bachchan) यांच्यासोबत काम करण्याची प्रत्येकाची इच्छा असते. त्यांच्यासोबत एखादा सिनेमा करावा हे प्रत्येक कलाकाराचं स्वप्न असतं. पण एका बॉलिवुड अभिनेत्रीने अमिताभ यांच्यासोबत काम करण्यास थेट नकार दिला होता.
आजही प्रत्येक कलाकाराला अमिताभ बच्चन यांच्यासोबत काम करण्याची इच्छा असते, पण हिंदी चित्रपटसृष्टीतील एक सौंदर्यवती होती जिच्यासोबत बिग बी देखील काम करण्यास उत्सुक होते. बिग बींना कल्पना होती की अभिनेत्री आपल्यासोबत काम करणार नाही, मग अमिताभ बच्चन यांनी असे काही केले ज्याचा विचार अभिनेत्रीनेही केला नव्हता.
श्रीदेवी बिग बींसोबत काम करायला तयार नव्हती
अभिनेत्री श्रीदेवी या अमिताभ यांच्यासोबत काम करायला तयार नव्हत्या.श्रीदेवी बिग बींसोबत 'खुदा गवाह' चित्रपटात काम करण्यास तयार नव्हत्या. त्यानंतर बिग बींनी केलेल्या एका युक्तीमुळे श्रीदेवी या अमिताभ यांच्यासोबत काम करायला तयार झाल्या. याबद्दल 'Sridevi: The Eternal Screen Goddess' या पुस्तकात उल्लेख करण्यात आला आहे.
अमिताभ यांनी श्रीदेवी यांच्यासाठी गुलाबांनी भरलेला ट्रक पाठवला
हा किस्सा सांगत नृत्यदिग्दर्शिका सरोज खान यांनी म्हटलं की, श्रीदेवीला या सिनेमासाठी तयार करण्यासाठी अमिताभने तिच्यासाठी गुलाबांनी भरलेला ट्रक पाठवला होता. त्यानंतर त्या ट्रकमधली फुलं ही श्रीदेवीवर टाकण्यात आली. पण गुलाबांचा पाऊस पाडला तरीही श्रीदेवी या सिनेमात काय करायला तयार नव्हती.त्यानंतर तिने खुदा गवाह या सिनेमाच्या निर्मात्यांपुढे एक अट ठेवली. ती म्हणजे या सिनेमा आई आणि मुलगी या दोन्ही व्यक्तीरेखा साकारेन. त्यानंतर तिची ही अट मान्य करण्यात आली आणि श्रीदेवी-अमिताभ यांची जोडी झळकली होती.
ही बातमी वाचा :
महत्त्वाच्या बातम्या
ट्रेंडिंग न्यूज
