Kesariya Song Released: आलिया-रणबीरच्या प्रेमाची कहाणी, ‘ब्रह्मास्त्र’चं ‘केसरिया’ गाणं प्रेक्षकांच्या भेटीला!
Kesariya Song Released: ‘ब्रह्मास्त्र’ चित्रपटातील ‘केसरिया’ हे पहिले गाणे आज (17 जुलै) रिलीज झाले आहे. या गाण्यात आलिया-रणबीरची ऑनस्क्रीन केमिस्ट्री पाहायला मिळत आहे.
Kesariya Song Released: बॉलिवूड अभिनेत्री आलिया भट्ट (Alia Bhatt) आणि अभिनेता रणबीर कपूर (Ranbir Kapoor) यांचा 'ब्रह्मास्त्र'(Brahmastra) हा चित्रपट प्रदर्शनाच्या तयारीत आहे. 'ब्रह्मास्त्र' या चित्रपटासोबतच त्याच्या 'केसरिया' (Kesariya) गाण्याचीही चर्चा बऱ्याच दिवसांपासून सुरू आहे. या गाण्याची छोटीशी झलक या आधीच रिलीज करण्यात आली होती. याला चाहत्यांचा आणि प्रेक्षकांचा उदंड प्रतिसाद लाभला होता. लोकांना या गाण्याची असलेली क्रेझ पाहून आता हे संपूर्ण गाणे रिलीज करण्यात आले आहे. या गाण्याची झलक पाहिल्यानंतर हे गाणे लवकरात लवकर रिलीज करावे अशी मागणी प्रेक्षक करत होते.
‘ब्रह्मास्त्र’ चित्रपटातील ‘केसरिया’ हे पहिले गाणे आज (17 जुलै) रिलीज झाले आहे. या गाण्यात आलिया-रणबीरची ऑनस्क्रीन केमिस्ट्री पाहायला मिळत आहे. बनारसमधील काशी विश्वनाथ मंदिराच्या परिसरात या गाण्याचे काही भाग शूट करण्यात आले आहेत. ‘ब्रह्मास्त्र’ हा चित्रपट 9 सप्टेंबर 2022 रोजी प्रदर्शित होणार आहे. याआधी या गाण्याचा टीझर रणबीर कपूर आणि आलिया भट्टच्या लग्नादरम्यान रिलीज करण्यात आला होता. त्याला दोन कोटींहून अधिक व्ह्यूज मिळाले होते.
पाहा गाणे :
‘केसरिया’ हे गाणे लोकप्रिय गायक अरिजित सिंह याने गायले आहे. त्याचबरोबर या गाण्याचे संगीत प्रीतमने दिले आहे. या गाण्याचे बोल अमिताभ भट्टाचार्य यांनी लिहिले आहेत. या गाण्यात दोघेही बनारसच्या मंदिर परिसरात फिरताना दाखवले आहेत. याशिवाय त्यांनी गंगा नदीत नौका विहार देखील केला आहे. यादरम्यान दोघेही काशी विश्वनाथ मंदिरात भगवान शंकराचे दर्शन घेताना दिसत आहेत.
मल्टीस्टारर चित्रपटात दिग्गजांचा सहभाग
‘ब्रह्मास्त्र’ चित्रपटातील ‘केसरिया’ गाण्याचे पहिले गाणे रिलीज झाले आहे. अशा परिस्थितीत चाहतेही ‘ब्रह्मास्त्र’ चित्रपटाची आतुरतेने वाट पाहत आहेत. ‘ब्रह्मास्त्र’ 9 सप्टेंबरला सिनेमागृहात रिलीज होणार आहे. बॉलिवूड स्टार रणबीर कपूर, आलिया भट्ट, अमिताभ बच्चन, मौनी रॉय आणि दाक्षिणात्य सिनेसृष्टीतील दिग्गज अभिनेता नागार्जुन यांचाही या मल्टीस्टारर चित्रपटात समावेश आहे. या चित्रपटातून रणबीर आणि आलियाची जोडी पहिल्यांदाच मोठ्या पडद्यावर एकत्र दिसणार आहे.
हेही वाचा:
महत्त्वाच्या बातम्या
