Adipurush: 'मंगलमय हर भक्त होगा, जब आदिपुरुष का स्वागत होगा'; आदिपुरुष चित्रपटाच्या पोस्टरनं वेधलं लक्ष
प्रभासनं (Prabhas) 'आदिपुरुष' (Adipurush) या चित्रपटाचं एक पोस्टर सोशल मीडियावर शेअर केलं आहे.
Adipurush: 'आदिपुरुष' (Adipurush) हा चित्रपट लवकरच प्रेक्षकांच्या भेटीस येणार आहे. काही दिवसांपूर्वी या चित्रपटाचा ट्रेलर प्रेक्षकांच्या भेटीस आला. या ट्रेलरला प्रेक्षकांची पसंती मिळाली. आता अभिनेता प्रभासनं (Prabhas) या चित्रपटाचं एक पोस्टर सोशल मीडियावर शेअर केलं आहे. या पोस्टनं अनेकांचे लक्ष वेधले आहे. प्रभासनं या पोस्टरला खास कॅप्शन देखील दिलं आहे.
प्रभासनं शेअर केलं पोस्टर
प्रभासनं सोशल मीडियावर आदिपुरुष या चित्रपटाचं पोस्टर शेअर केलं आहे. या पोस्टरला त्यानं कॅप्शन दिलं, 'मंगलमय हर भक्त होगा, जब आदिपुरुष का स्वागत होगा, One month to go! जय श्री राम' पोस्टरमध्ये प्रभाससोबतच देवदत्त नागे (Devdatta Nage) देखील दिसत आहे. प्रभास आदिपुरुष या चित्रपटात श्री रामाची भूमिका साकारली आहे, तर देवदत्तनं या चित्रपटात हनुमानाची भूमिका साकारली आहे. प्रभासनं शेअर केलेल्या आदिपुरुष चित्रपटाच्या या नव्या पोस्टरला नेटकऱ्यांची पसंती मिळाली आहे.
View this post on Instagram
चित्रपटाची स्टार कास्ट
'आदिपुरुष' हा चित्रपट एक महिन्यानंतर म्हणजेच 16 जून रोजी प्रेक्षकांच्या भेटीस येणार आहे. प्रेक्षक या चित्रपटाची उत्सुकेतेने वाट बघत आहेत. हा चित्रपट प्रेक्षकांना 3D मध्ये पाहता येणार आहे. आदिपुरुष या चित्रपटात प्रभास हा रामाच्या भूमिकेत दिसणार आहे. तर अभिनेत्री कृती सेनन सीता ही भूमिका साकारणार आहे. तसेच या चित्रपटात सनी सिंह हा लक्ष्मण ही भूमिका साकारत आहे. प्रभासचा 'आदिपुरुष' आधी 11 ऑगस्ट 2022 रोजी सिनेमागृहात प्रदर्शित होणार होता. पण काही कारणाने या सिनेमाची रिलीज डेट पुढे ढकलण्यात आली. आता हा सिनेमा येत्या 16 जूनला प्रेक्षकांच्या भेटीला येणार आहे.
'आदिपुरुष' अडकला होता वादाच्या भोवऱ्यात
'आदिपुरुष' या चित्रपटाचा टीझर रिलीज झाल्यानंतर हा चित्रपट वादाच्या भोवऱ्यात अडकला आहे. टीझरमध्ये वापरण्यात आलेल्या व्हीएफएक्सवर मोठ्या प्रमाणात टीका होत आहे. तसेच या चित्रपटातील सैफच्या लूकवरूनही वाद निर्माण झाला. अनेकांनी सैफच्या लूकवर प्रश्न चिन्ह उपस्थित केले होते.
इतर महत्त्वाच्या बातम्या:
महत्त्वाच्या बातम्या
