Aathva Rang Premacha : 'आठवा रंग प्रेमाचा' सिनेमातील रिंकू राजगुरुचा लूक रिव्हील; ट्रेलर आऊट

Aathva Rang Premacha : 'आठवा रंग प्रेमाचा' हा सिनेमा 17 जूनला प्रेक्षकांच्या भेटीला येणार आहे.

आठवा रंग प्रेमाचा

Aathva Rang Premacha : काळ कितीही आधुनिक झाला, तरी स्त्रियांवरील अत्याचार हा सामाजिक प्रश्न आजही कायम आहे. स्त्रियांवरील अत्याचाराचा प्रश्नाबरोबरच एका प्रेमकहाणीवर आधारित 'आठवा रंग प्रेमाचा' (Aathva Rang Premacha) या सिनेमाचा ट्रेलर रिलीज झाला आहे. 17 जूनला प्रदर्शित होणाऱ्या या सिनेमात रिंकू राजगुरूनं अॅसिड व्हिक्टिमची भूमिका करत पहिल्यांदाच प्रोस्थेटिक मेकअप केला आहे.  

मकरंद देशपांडे, रिंकू राजगुरू प्रमुख भूमिकेत 

ज्येष्ठ अभिनेते मकरंद देशपांडे, रिंकू राजगुरू आणि विशाल आनंद या सिनेमाच्या माध्यमातून सिनेसृष्टीत पदार्पण करत आहे. खुशबू सिन्हा यांनी दिग्दर्शकीय पदार्पणातच वेगळ्या धाटणीचा सिनेमा केला आहे. ज्येष्ठ अभिनेते मकरंद देशपांडे, रिंकू राजगुरू यांच्या सिनेमात प्रमुख भूमिका आहेत, तर विशाल आनंद हा नवा अभिनेता या चित्रपटातून पदार्पण करत आहे.  

सिनेमाची कथा, दिग्दर्शन खुशबू सिन्हा यांचे असून त्यांचा हा पहिलाच सिनेमा आहे. सिनेमाची पटकथा, संवाद समीर कर्णिक यांचे आहे. तर सिनेमातील सुमधुर गाणी कुणाल गांजावाला, सोनू निगम, आदर्श शिंदे, शाहिद मल्ल्या, साक्षी होळकर यांनी गायली आहेत. या सिनेमाची प्रेक्षक प्रतीक्षा करत आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Rinku Mahadeo Rajguru (@iamrinkurajguru)

चित्रपटाचा टीजर काही दिवसांपूर्वी लाँच करण्यात आला होता. रिंकू राजगुरूचा ग्लॅमरस लूक, विशाल आनंदचा आश्वासक अभिनय यामुळे टीजरनं दमदार प्रतिसाद मिळवला होता. त्यानंतर आता चित्रपटाचा ट्रेलर लाँच करण्यात आला. 

रिंकू राजगुरू अॅसिड व्हिक्टिमच्या भूमिकेत

प्रेमकथेसह स्त्रियांच्या अत्याचार, अॅसिड हल्ला असे गंभीर मुद्दे या चित्रपटातून हाताळण्यात आल्याचं दिसतं. रिंकू राजगुरूनं या चित्रपटात अॅसिड व्हिक्टिमची भूमिका केली आहे. त्यामुळे रिंकूनं या भूमिकेसाठी पहिल्यांदाच प्रोस्थेटिक मेकअप केला आहे. रिंकूनं आजवर केलेल्या भूमिकांमध्ये ही भूमिका खूपच वेगळी असल्यानं खास उत्सुकता आहे. तसंच लक्षवेधी टीजर आणि ट्रेलरमुळे आता 'आठवा रंग प्रेमाचा' या सिनेमाविषयी असलेली उत्सुकता आणखी वाढली आहे. त्यामुळे आता प्रेक्षकांना 17 जूनची प्रतीक्षा आहे.

रिंकूने शेअर केला ट्रेलर

'आठवा रंग प्रेमाचा' या सिनेमाचा ट्रेलर शेअर करत रिंकूने लिहिले आहे, तुझ्या प्रश्नाचं मी उत्तर, अन् माझ्या आयुष्यात दरवळणारं तू सुगंधी अत्तर...प्रेमाचा अनोखा रंग घेऊन येत आहे आज 'आठवा रंग प्रेमाचा' चित्रपटाचा ट्रेलर!

संबंधित बातम्या