Aamir Khan Next Movie : ‘लाल सिंग चड्ढा’ नंतर 'या' चित्रपटात दिसणार आमिर खान; वाचा सविस्तर

Aamir Khan Next Movie Update: लाल सिंग चड्ढा या चित्रपटानंतर आमिर खान एका नव्या भूमिकेत दिसणार आहे.

Aamir Khan

Aamir Khan Next Movie Update : बॉलिवूडचा मिस्टर परफेक्शनिस्ट आमिर खान सध्या त्याच्या आगामी ‘लाल सिंग चड्ढा’ या चित्रपटात व्यस्त आहे. हा चित्रपट 11 ऑगस्ट रोजी थिएटरमध्ये प्रदर्शित होणार आहे. मात्र, हा चित्रपट प्रेक्षकांपर्यंत पोहोचण्याआधीच आता आमिर खानच्या पुढील प्रोजेक्टची बातमी समोर आली आहे. विविध भूमिका साकारल्यानंतर आमिर खान आता एका स्पोर्ट्स ड्रामामध्ये दिसण्यासाठी सज्ज झाला आहे.

ई टाइम्सच्या वृत्तानुसार, आमिर खान 'शुभ मंगल सावधान'चे दिग्दर्शक आर.एस प्रसन्ना दिग्दर्शित होणाऱ्या स्पोर्ट्स ड्रामामध्ये दिसणार आहे. आमिरचा हा पुढचा प्रोजेक्ट असेल. या वृत्तात म्हटले आहे की, आमिरने या चित्रपटासाठी प्राथमिक तयारी सुरू केली आहे. त्याचे शूटिंग ऑक्टोबरपर्यंत सुरू होण्याची शक्यता आहे. लाल सिंग चड्ढा रिलीज झाल्यानंतर आमिर या चित्रपटाची तयारी सुरू करणार आहे.

आमिर खानला अनेक दिवसांपासून तरुण चित्रपट निर्मात्यांबरोबर काम करण्याची इच्छा होती. प्रसन्ना यांच्याशी आमिर बऱ्याच दिवसांपासून संपर्कात होता. अद्वैत चंदनने 'लाल सिंग चड्ढा' या चित्रपटाचे दिग्दर्शनही केले आहे. अद्वैतने याआधी आमिर खान आणि झायरा वसीम यांच्या सिक्रेट सुपरस्टार चित्रपटाचे दिग्दर्शनही केले होते. या चित्रपटाची निर्मिती आमिर आणि किरण राव यांनी केली होती.

आगामी प्रोजेक्ट कधी रिलीज होणार ? 

आमिर खानचा स्पोर्ट्स ड्रामा पुढील वर्षी 2023 मध्ये रिलीज होण्याची शक्यता आहे. रिपोर्ट्सनुसार, असे म्हटले आहे की या चित्रपटाचे निर्माते पुढील वर्षाच्या शेवटी हा चित्रपट प्रदर्शित करण्याचा विचार करत आहेत. या चित्रपटा संदर्भात अद्याप अधिकृत घोषणा झाली नाही. 

लाल सिंह चड्ढा यांच्याबद्दल काय म्हणाला आमिर?

आमिर खानच्या लाल सिंग चड्ढाच्या अनेक रिलीज तारखा पुढे ढकलण्यात आल्या आहेत. आता हा चित्रपट 11 ऑगस्टला प्रदर्शित होणार आहे. या चित्रपटाची टक्कर अक्षय कुमार आणि भूमी पेडणेकर यांच्या 'रक्षाबंधन'सोबत होणार आहे. 

महत्वाच्या बातम्या :