Aamir Khan New Look : आमिर खानचा थरकाप उडवणारा लूक! 'मिस्टर परफेक्शनिस्ट'च्या नव्या प्रोजेक्टची चर्चा, नेमकं प्रकरण काय
Aamir Khan New Look : 'मिस्टर परफेक्शनिस्ट' असलेल्या आमिर खानचा थरकाप उडवणारा लूक व्हायरल झाला आहे. यावरून चर्चांना उधाण आले आहे.
Aamir Khan New Look : बॉलिवूडचा 'मिस्टर परफेक्शनिस्ट' असलेला आमिर खानच्या (Aamir Khan) नव्या चित्रपटाची प्रतीक्षा चाहत्यांना लागली आहे. आमिर सध्या नव्या चित्रपटात व्यस्त असल्याची माहिती आहे. याच दरम्यान आता त्याचा नवा लूक सध्या व्हायरल होत आहे. आमिरच्या या नव्या लूकमुळे चाहत्यांच्या अपेक्षा वाढल्या आहेत. 'तारे जमीन पर' या चित्रपटात ईशान अवस्थीची व्यक्तिरेखा साकारणारा दर्शिल सफारीदेखील आमिरसोबत दिसत आहे. दोघेही जण तब्बल 16 वर्षानंतर एकत्र काम करणार आहेत.
या व्हायरल झालेल्या फोटोमध्ये आमिर खानच्या हातात दगडासारखी दिसणारी वस्तू आहे. त्याचा लुक थक्क करणारा आहे. केस लांब आणि विस्कटलेले आहेत. चेहरा अस्वच्छ दिसत आहे. दातही काळे आणि अस्वच्छ आहेत. त्याचा अवतार हा एखाद्या वेडसर व्यक्तीसारखा दिसत आहे.
View this post on Instagram
जाहिरातीमध्ये झळकणार आमिर-दर्शिल?
काही दिवसांपूर्वी दर्शील सफारीनेही आमिर खानसोबतच्या आगामी प्रोजेक्टचा एक फोटो शेअर केला होता. या फोटोची अजूनही चर्चा सुरू आहे. काहींच्या मते हे दोघेजण एकाच चित्रपटात काम करत आहेत. तर, काहींच्या मते ही एखाद्या जाहिरातीचे चित्रीकरण असावे.
View this post on Instagram
आमिरकडून नव्या चित्रपटाची घोषणा
View this post on Instagram
आमिरने अलीकडेच 'सितारे जमीन पर' या चित्रपटाची घोषणा केली होती. त्याची कथाही 'तारे जमीन पर' चित्रपटासारखीच असल्याचे म्हटले गेले. मात्र, हा चित्रपट 'तारे जमीन पर'चा सिक्वेल नसणार असेही स्पष्ट करण्यात आले.