Aamir Khan : आमिर खानने कमबॅकबद्दल केलं मोठं वक्तव्य; म्हणाला,"अजून मानसिक तयारी झाली नाही"

Aamir Khan : आमिर खानने नुकत्याच एका मुलाखतीत सिनेसृष्टीतील कमबॅकबद्दल भाष्य केलं आहे.

Aamir Khan

Aamir Khan ON Films : बॉलिवूडचा 'मिस्टर परफेक्शनिस्ट' आमिर खान (Aamir Khan) गेल्या काही दिवसांपासून सिनेसृष्टीपासून दूर आहे. आता नुकत्याच एका मुलाखतीत त्याने सिनेसृष्टीतील कमबॅकबद्दल भाष्य केलं आहे. तो म्हणाला,"अजून मानसिक तयारी झालेली नाही". 

आमिर खानने 'लाल सिंह चड्ढा' या सिनेमाच्या माध्यमातून सिनेसृष्टीत कमबॅक केलं होतं. आमिर आणि करिनाची मुख्य भूमिका असलेला हा सिनेमा बॉक्स ऑफिसवर मात्र फ्लॉप झाला. 'लाल सिंह चड्ढा' या सिनेमाकडून आमिरला खूप अपेक्षा होत्या. पण हा सिनेमा प्रेक्षकांच्या पसंतीस न उतरल्याने त्याला धक्का बसला आणि पुन्हा काही दिवस सिनेसृष्टीपासून ब्रेक घेण्याचा त्याने निर्णय घेतला. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

सध्या कुटुंबियांसोबत जास्तीत जास्त वेळ घालवतोय : आमिर खान

आमिरने गिप्पी ग्रेवाल आणि सोनम बाजवाच्या 'कॅरी ऑन जट्टा 3' या सिनेमाच्या ट्रेलर लॉन्च कार्यक्रमाला हजेरी लावली होती. दरम्यान आमिरने सिनेसृष्टीतील कमबॅकबद्दल भाष्य केलं. मिस्टर परफेक्शनिस्ट म्हणाला,"अद्याप कोणताही सिनेमा करण्याचा निर्णय घेतलेला नाही. सध्या कुटुंबियांसोबत जास्तीत जास्त वेळ घालवण्याचा मी प्रयत्न करत आहे. मुलांसोबत वेळ घालवायला मला आवडत आहे. सिनेसृष्टीत कमबॅक करण्याची अजून माझी मानसिक तयारी झाली नाही. जेव्हा मी पूर्णपणे तयार असेल तेव्हा नक्कीच मी एखादं चांगले कथानक असेल अशा सिनेमाची निवड करेल". 

आमिरच्या वक्तव्याने चाहते नाराज 

आमिर खानच्या आगामी सिनेमाची चाहते आतुरतेने वाट पाहत आहेत. दरम्यान आमिरच्या "अजून मानसिक तयारी झालेली नाही" या वक्तव्यामुळे चाहते मात्र नाराज झाले आहेत. अत्यंत वाईट बातमी, कृपया असं करू नका...आम्हाला तुमच्या सिनेमांची प्रतीक्षा आहे". काजोलच्या 'सलाम वैंकी' या सिनेमात आमिर शेवटचा दिसला होता. 

आमिर खान तिसऱ्यांदा बोहल्यावर चढणार? (Aamir Khan Wedding) 

आमिर खान तिसऱ्यांदा बोहल्यावर चढणार असल्याचं म्हटलं जात आहे. गेल्या काही दिवसांपासून तो फातिमा सना शेखसोबत रिलेशनमध्ये असून आता लवकरच तो ते लग्न करणार असल्याची चर्चा आहे. अद्याप लग्नाच्या चर्चांवर आमिरने भाष्य केलेलं नाही. 

संबंधित बातम्या