बॉलिवूडच्या दिग्गज डायरेक्टरला साप चावला, पण तो सापच मेला; संपूर्ण सिनेक्षेत्रात रंगली होती चर्चा
Bollywood : एका चित्रपटाच्या शूटींगदरम्यान, अशी एक घटना घडली ज्याने संपूर्ण सेट हादरून गेला. दिग्दर्शकाला सापाने चावलं… पण दुसऱ्या दिवशी जेव्हा तो परतला तेव्हा सर्वांच्या नजरा एकाच व्यक्तीवर खिळल्या होत्या.
Bollywood :1981 साली एका चित्रपटाच्या शूटिंगदरम्यान सुरुवातीला सगळं काही व्यवस्थित सुरू होतं. पण काही क्षणांतच वातावरण पूर्णपणे बदलून गेलं. दिग्दर्शक ओ. पी. रल्हन आपल्या ‘प्यास’ या चित्रपटाच्या एका सीनचं चित्रीकरण करत होते. त्या सीनमध्ये खरी अनुभूती यावी म्हणून सेटवर खऱ्या सापाचा वापर केला गेला होता, आणि त्यासोबत एक अनुभवी गारुडीही उपस्थित होता.
शूटिंग सुरू असताना अचानक रल्हन यांना वाटलं की आपण या सापाला हात लावून पाहावं. त्यांनी जसं हात पुढे केला, तसं त्या सापाने अचानक वळून त्यांच्या अंगठ्यावर जोरात चावलं. ही घटना इतकी अचानक घडली की सेटवर सगळे थक्क होऊन गेले.
साप चावताच रल्हन हादरले, पण त्यांनी स्वतःला सावरलं. त्यांनी वेळ न दवडता सापाची मान पकडली आणि त्याला एवढ्या जोरात फेकून दिलं की तो दूर जाऊन आपटला. या घटनेनंतर सेटवर एकच गोंधळ उडाला आणि शूटिंग तात्काळ थांबवण्यात आलं.
केवळ काही मिनिटांतच रल्हन यांची तब्येत खालावू लागली. रक्तदाब खालावला, डोळ्यांसमोर अंधार येऊ लागला आणि शरीर बधीर होऊ लागलं. त्यांना तात्काळ अँटी-वेनमचा इंजेक्शन देण्यात आलं. सेटवर भीतीचं आणि चिंतेचं वातावरण पसरलं — काही अनर्थ तर घडणार नाही ना, ही भीती सर्वांनाच सतावत होती.
पण दुसऱ्या दिवशी जेव्हा सगळ्यांना वाटलं की रल्हन अजूनही हॉस्पिटलमध्ये असतील, ते स्वतः चालत सेटवर आले. अगदी सामान्य, कुठलीही कमजोरी किंवा भीती त्यांच्या चेहऱ्यावर नव्हती. त्यांची ही पुनरागमनच सगळ्यांसाठी धक्कादायक होतं.
सेटवर बसलेला गारुडी मात्र खूपच शांत आणि दुःखी दिसत होता. जेव्हा रल्हन यांनी त्याच्याकडे सापाबद्दल विचारलं, तेव्हा त्याने शांतपणे मान झुकवत उत्तर दिलं – “ज्या सापाने तुम्हाला चावलं, तो मरून गेला.” हे ऐकताच सगळेच अवाक झाले.
या घटनेनंतर हे प्रकरण बॉलीवूडमधील चर्चेचा विषय बनलं. आजही लोक म्हणतात – "ज्याला ओ. पी. रल्हनने फेकलं, तो सापही वाचला नाही." एक असं वाक्य, जे ऐकायला जरी फिल्मी वाटत असलं तरी प्रत्यक्षात घडलं आणि सर्वांनाच हादरवून गेलं.
इतर महत्त्वाच्या बातम्या
देवमाणूस पुन्हा दानव बनणार, सरू आजीचा कायमचा काटा काढणार, अजित कुमारचं भयंकर रुप VIDEO
ही प्रतिभा दुसऱ्या कोणाकडेही नाही, तो त्याच्या आवाजाने बरे करायचा आजार! रियाज करताना मृत्यूने गाठलं
महत्त्वाच्या बातम्या
