राधिका आपटेचा विना कपड्यांमधील सीन, पण सेन्सॉर बोर्डाने कात्री लावली, चाहते निराश; कोणतं सर्टिफिकेट दिलं?
Bollywood Sister Midnight Actress Radhika Apte obscene scene : सेन्सॉर बोर्डाच्या आक्षेपानंतर, अभिनेत्री राधिका आपटेचा वादग्रस्त सीन चित्रपटातून काढून टाकण्यात आलाय. मात्र काही लोकांनी सोशल मीडियावर आपली निराशा व्यक्त केली. मात्र, अभिनेत्रीने यापूर्वी काही चित्रपटांमध्ये न्यूड सीन दिले आहेत.
Bollywood Sister Midnight Actress Radhika Apte obscene scene : "बदल घडवण्यासाठी अनेक वेळा तुम्हाला वेगळी खेळी करावी लागते," असे शब्द आहेत त्या प्रसिद्ध अभिनेत्रीचे, जीच्या एका सीनवर मोठा वाद झाला होता. त्या अशा मोजक्या कलाकारांपैकी एक आहेत, ज्या आपल्या भूमिकेतील सच्चेपणासाठी धाडसी सीन करण्यास तयार होतात. एका अभिनेत्रीने काही चित्रपटांमध्ये विना कपड्यांचे अनेक सीन शूट केले होते. सध्या ती अभिनेत्री ‘कान्स फिल्म फेस्टिव्हल’मध्ये गाजलेल्या त्यांच्या नव्या चित्रपटामुळे चर्चेत आहेत. सेंसर बोर्डाने या चित्रपटातील वादग्रस्त सीन काढून टाकण्याचा सल्ला दिला. जर निर्मात्यांनी हे सीन काढले नसते, तर भारतात हा चित्रपट प्रदर्शित होऊ शकला नसता.
आपण बोलत आहोत राधिका आपटे हिच्याबद्दल, राधिका तिच्या बेधडक भूमिकांसाठी प्रसिद्ध आहेत. भूमिका साकारताना ती आपलं सौंदर्य उघड करण्यास मागेपुढे पाहत नाहीत. याआधीही त्यांनी काही चित्रपटांमध्ये धाडसीपणे अनेक बोल्ड सीन दिलेले आहेत, ज्यावर टीका झालेलीही पाहायला मिळाली होती. आता करण कंधारी यांच्या दिग्दर्शनाखाली तयार झालेला 'सिस्टर मिडनाइट' या चित्रपटालाही अशाच परिस्थितीला सामोरे जावे लागत आहे. या चित्रपटातील राधिकाच्या नग्न दृश्यावर सेंसर बोर्डाने कात्री चालवण्याचा सल्ला दिला होता.
‘कान्स फिल्म फेस्टिव्हल’मध्ये लक्ष वेधून घेणारा ‘सिस्टर मिडनाइट’ आता वादाच्या भोवऱ्यात सापडला आहे. सेंसर बोर्ड नेहमीच संवेदनशील कंटेंटवर बंदी घालत आला आहे. त्यांनी या चित्रपटातील नग्न दृश्य काढून टाकण्यास सांगितले आहे.
या चित्रपटातील वादग्रस्त दृश्य एक तास 11 मिनिटांनंतर सुरू होते. मीडिया रिपोर्ट्सनुसार, हे दृश्य सेंसर बोर्डाच्या मार्गदर्शक तत्त्वांनुसार अयोग्य ठरले. त्यामुळे भारतात चित्रपट प्रदर्शित करायचा असेल, तर निर्मात्यांना हे दृश्य काढून टाकावे लागेल, असे सांगण्यात आले.
ब्रिटनच्या सेंसर बोर्डानेही या चित्रपटात अभिनेत्रीचे खासगी अवयव दाखवले गेले असल्याचे लक्षात घेऊन त्या दृश्यावर लक्ष केंद्रीत केले होते. ब्रिटिश बोर्ड ऑफ फिल्म क्लासिफिकेशनने आधीच भारतीय आवृत्तीसाठी हे दृश्य हटवले होते. या बदलांनंतरही ‘सिस्टर मिडनाइट’ या चित्रपटाला ‘A’ म्हणजे प्रौढ प्रेक्षकांसाठीचे प्रमाणपत्र देण्यात आले आहे. तसेच, चित्रपटातील आक्षेपार्ह शब्दही म्यूट करण्याचे निर्देश CBFC ने दिले आहेत.
सेंसर बोर्डाने आणखी एक अट ठेवली – चित्रपटाच्या सुरुवातीला अंधश्रद्धा वाढवण्याचा उद्देश नसल्याचे स्पष्ट करणारा डिस्क्लेमर द्यावा, ज्यात लिहिले आहे की – “ही फिल्म पूर्णतः काल्पनिक आहे. या चित्रपटाचे निर्माते, दिग्दर्शक, कलाकार किंवा इतर कोणत्याही व्यक्तीचा उद्देश अंधश्रद्धा, तंत्र-मंत्र किंवा जादूटोणा यांना कोणत्याही प्रकारे प्रोत्साहन देणे हा नाही.”
‘सिस्टर मिडनाइट’ चित्रपटात राधिका आप्टे यांनी उमा या विवाहित महिलेची भूमिका साकारली आहे. पतीच्या अत्याचारांनी त्रस्त झालेल्या उमाच्या जीवनात एक धक्कादायक वळण येते. ही कहाणी आधीच आंतरराष्ट्रीय पातळीवर चर्चेचा विषय बनली आहे. तिच्या धाडसी मांडणीसाठी कान्स फिल्म फेस्टिव्हलमध्ये या चित्रपटाचे कौतुक झाले.
आता ‘सिस्टर मिडनाइट’ ला चांगली रेटिंग्स आणि अभिप्राय मिळत आहेत. मात्र मूळ आवृत्ती पाहायला न मिळाल्यामुळे अनेक प्रेक्षक सोशल मीडियावर नाराजी व्यक्त करत आहेत. हा चित्रपट भारतात 30 मे 2025 रोजी सिनेमागृहात प्रदर्शित झाला. राधिका आप्टे याआधी ‘द वेडिंग गेस्ट’ या चित्रपटात अभिनेता देव पटेलसोबत इंटिमेट सीन करताना चर्चेत आल्या होत्या.
इतर महत्त्वाच्या बातम्या
एक आठवड्यानंतर सडलेल्या अवस्थेत सापडला मृतदेह, पाकिस्तानी अभिनेत्री आयेशा खानचं निधन
महत्त्वाच्या बातम्या
