Bollywood Actress Richa Chaddha Trolling: '.. म्हणून जेष्ठांचा सन्मान करू नका...' बॉलिवूड अभिनेत्रीच्या वक्तव्यावरून सोशल मीडियावर गदारोळ, नेमकं काय म्हणाली?
ज्येष्ठ नागरिकांबाबत केलेल्या तिच्या विधानानंतर इंटरनेटवर जोरदार चर्चा रंगली असून, अनेकांनी तिच्यावर टीका केली आहे
Bollywood Actress Richa Chadda Trolling: बॉलिवूड अभिनेत्री रिचा चड्ढा तिच्या दमदार अभिनयासोबतच स्पष्टवक्तेपणासाठीही ओळखली जाते. मात्र, तिच्या एका ताज्या वक्तव्यामुळे सोशल मीडियावर मोठा वाद निर्माण झालाय. ज्येष्ठ नागरिकांबाबत केलेल्या तिच्या विधानानंतर इंटरनेटवर जोरदार चर्चा रंगली असून, अनेकांनी तिच्यावर टीका केली आहे, तर काहींनी तिच्या मताचं समर्थन केलं आहे.
ज्येष्ठ नागरिकांबाबत रिचा चड्ढाचं वक्तव्य
रिचा चड्ढाने म्हटलं की, 'फक्त एखादी व्यक्ती ज्येष्ठ नागरिक आहे म्हणून तिचा सन्मान करू नका... काही जणांना 'भक्ती-डिमेन्शिया' झाल्यासारखं वाटतं. त्यामुळे त्यांना आपण तरुणांशी भिडू शकतो, असा भ्रम होतो; पण रात्री पाच वेळा बाथरूमला न जाता त्यांची रात्रही जात नाही.केवळ वय झालं म्हणून त्यांचा आपोआप सन्मान करू नका. ते फक्त तुमच्यापेक्षा आधी जन्माला आले आहेत. त्यांनी त्यांच्या वागणुकीतून आणि कृतीतून तो सन्मान मिळवावा.रस्त्याच्या कोपऱ्यात, सुरक्षित अंतर ठेवून वर्तमानपत्रावर थोडं अन्न ठेवा. त्यांच्याशी वाद घालू नका किंवा संवाद साधू नका."
Please don’t respect buddhe just because they’re senior citizens… some look like they have developed Bhakti- dementia. It makes them delusional that they can take on the young, when they can’t even kaato a night without 5 trips to the bathroom.
— RichaChadha (@RichaChadha) July 24, 2026
Don’t automatically respect them… https://t.co/1KI7rxmkPM
सोशल मीडियावर रंगली जोरदार चर्चा
रिचाने शिक्षणाशी संबंधित आंदोलनादरम्यान एका तरुण आंदोलनकर्त्याला पाठिंबा देत X वर ही पोस्ट शेअर केली होती. एका युजरने लिहिलं, "जसं तुमच्या बॉलिवूड कारकिर्दीला कोणी गांभीर्याने घेत नाही, तसंच तुमच्या वक्तव्यालाही महत्त्व नाही. तुम्ही नेहमी देशविरोधी भूमिका घेत आल्या आहात." दुसऱ्या एका युजरनेही रिचावर निशाणा साधत तिच्या वक्तव्याला आक्षेपार्ह म्हटलं. दुसरीकडे, अनेकांनी रिचा चड्ढाच्या भूमिकेचं समर्थनही केलं. त्यांच्या मते, तिचा मुद्दा वयाचा नव्हता, तर जबाबदारी आणि वर्तनाचा होता. तिच्या वक्तव्याचा चुकीचा अर्थ काढला जात असल्याचं म्हणत अनेकांनी तिला समर्थनही दिलंय.
रिचा चड्ढाचे आगामी प्रोजेक्ट्स
कामाच्या आघाडीवर, रिचा चड्ढा लवकरच 'आखिरी सोमवार' या चित्रपटातून लेखिका आणि अभिनेत्री म्हणून पदार्पण करणार आहे. याशिवाय ती अभिनेता अली फजलसोबत दिल्लीवर आधारित एका सिच्युएशनल कॉमेडी प्रोजेक्टमध्ये दिसणार आहे. तसेच, एका ओटीटी क्राइम-थ्रिलर मालिकेत ती डिटेक्टिव्हच्या भूमिकेतही झळकणार आहे.
महत्त्वाच्या बातम्या
