Bigg Boss Marathi 6: भाऊंचा कडक धक्का! राकेशच्या अंगावर जाणं विशालला भोवलं; ट्रॉफीवरचा चान्स हकनाक गमावला?
Bigg Boss Marathi 6: बिग बॉसच्या घरात दोन दिवसांपूर्वी विशाल आणि राकेशमध्ये झटापट झाल्याचं दिसलेलं. सध्या दोघांनाही सुनावतानाचे प्रोमो कलर्स मराठीने शेअर केले आहेत.
Bigg Boss Marathi 6: बिग बॉसच्या घरात शनिवारचा 'भाऊचा धक्का' पाहण्यासाठी प्रेक्षक उत्सुक होते. (Bhaucha Dhakka) राकेश आणि विशालमध्ये झालेल्या राड्यानंतर रितेश भाऊंचा (Riteish Deshmukh) प्रोमो व्हायरल झाला होता. रितेश भाऊ कोणाला धक्का देणार अशी चर्चा सुरु होती. दरम्यान, शनिवारच्या भाऊच्या धक्यावर रितेश भाऊंनी विशाल आणि राकेशला कडक धक्का दिला. (Vishal Rakesh Fight) विशाल तुम्ही राकेशला नाही तर बिग बॉसच्या ट्रॉफीला धक्का दिला असं म्हणत रुपेश भाऊंनी विशालला सुनावलं. तर राकेशने आपल्या वागण्यातून घराच्या मर्यादा ओलांडल्याचं सांगत राकेशची चूक विशालपेक्षा छोटी असली तरी ती बरोबर ठरत नाही असं त्यांनी सांगितलं. (Bigg Boss Marathi 6)
बिग बॉसच्या घरात दोन दिवसांपूर्वी विशाल आणि राकेशमध्ये झटापट झाल्याचं दिसलेलं. विशालने राकेशच्या घटस्फोटाचा मुद्दा काढल्याने तोही चिडलेला. नॉमिनेशन टास्कनंतर झालेल्या या राड्यानंतर प्रेक्षकांना उत्सुकता होती भाऊच्या धक्क्यावर रितेश भाऊ कोणाला सुनावणार. सध्या दोघांनाही सुनावतानाचे प्रोमो कलर्स मराठीने शेअर केले आहेत.
राकेशला नाही ट्रॉफीला धक्का मारला !
कलर्स मराठीने शेअर केलेल्या प्रोमोमध्ये रितेश भाऊ विशालला कडक शब्दात सुनावताना दिसतात. " तुम्ही फक्त राकेशला नाही धक्का मारलात. तुम्ही बिग बॉसच्या ट्रॉफीला धक्का मारला आहे. तुम्ही गेम्स खराब करताय स्वतःचा. हे एक्सेप्टेबल नाही. तुम्हाला थेट सांगतो, महाराष्ट्राला पटलेलं नाही हे ' असं भाऊ म्हणाले.
View this post on Instagram
राकेश हे बिग बॉसचं घर आहे. ही बाहेरची दुनिया नाही. या शोमध्ये भडकवला जाणार हे सगळ्यांनाच माहित आहे. ही काही नवीन गोष्ट झालेली नाही, की कोणीतरी तुम्हाला उचकवत आहे. कोणीतरी चूक करतंय म्हणून तुम्हीही तेच करणार, त्यांच्या तुलनेत तुमची चूक कमी असली तरी ती बरोबर ठरत नाही. मी म्हणत नाही कोणी काही बोलत असेल तर वाद घालू नका. एक बाउंड्री आपण मेंटेन करतो. ह्या मर्यादा राखल्या गेल्याच पाहिजेत. असं रितेश भाऊंनी राकेशला सांगितलं.
View this post on Instagram
कोण धरणार घरचा रस्ता?
मागील आठवड्यात बिग बॉसच्या घरातून प्रभू शेळके आणि वाइल्ड कार्ड म्हणून एन्ट्री घेतलेला संकेत पाठक दोघांनाही घराबाहेर पडावं लागलं. प्रभू ने बाहेर आल्यानंतर तन्वी कोलते बिग बॉसची विजेती व्हावी असं म्हटलं. दरम्यान रितेश भाऊ आज कोणाची शाळा घेणार आणि आठवड्यात कोण घरचा रस्ता धरणार याकडे सर्वांचे लक्ष लागले आहे. बिग बॉसच्या घरात सध्या आठ सदस्य आहेत. यात तन्वी, अनुश्री, सागर, राखी, राकेश, रेवा, दिपाली, विशाल यांचा समावेश आहे.
महत्त्वाच्या बातम्या
