‘व्हेज फ्राईड राइस’ की ‘ट्रिपल शेजवान मंचूरियन’..बिग बॉस मराठीच्या घरात आयुष-तन्वीची मजेशीर केमिस्ट्री चर्चेत!
घरातील आयुष आणि तन्वी यांच्यात आज मनमोकळी गप्पा होणार असून, या चर्चेत आयुषने रुचिताला दिलेली एक मजेशीर उपमा सध्या चर्चेचा विषय ठरत आहे.
Bigg Boss Marathi 6: कलर्स मराठीवरील ‘बिग बॉस मराठी’च्या घरातमध्ये सध्या तन्वी आणि आयुष यांच्यात आज एक चर्चा रंगणार आहे. ज्यामध्ये आयुष तन्वीला एकेमकांच्या स्वभावाबद्दल सांगताना दिसणार आहे. बिग बॉस मराठीच्या घरात रोज नवनवीन नाट्य पाहायला मिळतं. पण यावेळी भांडणाऐवजी चर्चा रंगली आहे ती आयुष आणि तन्वीमधील गप्पांची. आयुषने त्यांच्या दोघांच्या स्वभावातील फरक सांगण्यासाठी चक्क जेवणातील पदार्थांची मदत घेतली आहे. आयुषने स्वतःला 'ब्लँड' (साधा) तर तन्वीला 'स्पायसी' म्हटलं आहे. घरातील आयुष आणि तन्वी यांच्यात आज मनमोकळी गप्पा होणार असून, या चर्चेत आयुषने रुचिताला दिलेली एक मजेशीर उपमा सध्या चर्चेचा विषय ठरत आहे.
आयुष आणि तन्वीच्या गप्पा
आयुष स्वतःला ‘ब्लँड’ म्हणजेच साधा असल्याचं सांगतो, तर तन्वीला तो ‘स्पायसी’ म्हणतो. आयुषच्या मते, दोघांचे स्वभाव एकमेकांपेक्षा पूर्णपणे वेगळे आहेत आणि त्यामुळे अपेक्षांमध्येही फरक जाणवतो. या संवादात तन्वी म्हणते की, ती खूप इमोशनल आहे आणि जशी आहे तसंच तिला समोरच्याकडून अपेक्षित असतं. यावर आयुष शांतपणे सांगतो की, प्रत्येक माणूस वेगळा असतो आणि आपण दोघंही एकमेकांच्या अगदी विरुद्ध स्वभावाचे आहोत. तो तन्वीला आपल्याकडून कमी अपेक्षा ठेवायला सांगतो, मात्र तन्वीला ते मान्य होत नाही.यानंतर आयुष आपली उपमा देत म्हणतो की, तो स्वतः ‘व्हेज फ्राईड राइस’सारखा साधा आहे, तर तन्वी म्हणजे ‘ट्रिपल शेजवान मंचूरियन ग्रेव्ही’, त्यावर ऑम्लेट,म्हणजेच भरपूर फ्लेवर्स असलेली. आयुषची ही तुलना ऐकून तन्वी गालातल्या गालात हसताना दिसते. ही ‘फ्राईड राइस’ आणि ‘मंचूरियन’ची जोडी पुढे घरात काय धमाल करणार, याकडे आता सगळ्यांचं लक्ष लागलं आहे.
View this post on Instagram
दुसरीकडे बिगबॉसच्या घरात भांडणही टोकाला जाणार आहे.नुकत्याच समोर आलेल्या नव्या प्रोमोमध्ये दिपाली आणि रुचिता यांच्यात जोरदार भांडण झाल्याचं पाहायला मिळतंय, ज्यामुळे संपूर्ण घरात खळबळ उडाली आहे.या वादात रुचिताने असा आरोप केला की, दिपालीने इतर सदस्यांसमोर एक स्टेटमेंट केल्याचं तिने ऐकलं होतं. यावर दिपाली संतापून स्पष्टपणे सांगते की, ते विधान तिचं नव्हतंच. वाद वाढत जातो आणि दोघीही एकमेकींवर आवाज चढवताना दिसतात. बोट दाखवणं, अंगावर येणं अशा गोष्टींमुळे हा वाद अधिकच उग्र होत जातो. दिपाली आणि रुचिता यांच्यातील हा संघर्ष घरातील समीकरणं बदलणार का, की हा वाद आणखी मोठा होणार, हे आजच्या भागात स्पष्ट होणार आहे.
महत्त्वाच्या बातम्या
