भाऊ कदमच्या लेकीचं लग्न झालं? पोस्ट तुफान व्हायरल; मृण्मयी म्हणाली, 'माझं लग्न अन् मलाच बोलवलं...'
Wedding Rumours Around Bhau Kadams Daughter Go Viral: भाऊ कदमच्या लेकीचं लग्न झालं असल्याची चर्चा. मृण्मयी कदमचं अफवांवर सडेतोड उत्तर.
Mrunmayee Kadam wedding rumours truth: मे महिना जवळ आला की सर्वत्र लगीनघाई सुरु होते. अनेकांची मार्च, एप्रिल, मे या महिन्यात लग्नसोहळा पार पडते. मराठी सिनेसृष्टीतही लगीनघाई पाहायला मिळत आहे. अलिकडेच अभिनेत्री अपूर्वा गोरे, रुमानी खरे यांनी आपल्या पार्टनरसह साताजन्माची गाठ बांधली. त्यांच्या लग्नाचेही फोटो सोशल मीडियात व्हायरल होत आहेत. दरम्यान, प्रसिद्ध अभिनेते आणि कॉमेडियन भाऊ कदम यांच्या लेकीच्याही लग्नाची प्रचंड चर्चा होत आहे. या चर्चांदरम्यान, भाऊ कदमच्या लेकीनं एक व्हिडिओ सोशल मीडियात शेअर केला आहे. अफवा पसरवणाऱ्यांना तिनं सडेतोड उत्तर दिलं आहे.
अभिनेता भाऊ कदम यांची मुलगी मृण्मयी कदम ही सध्या लग्नाच्या चर्चांमुळे प्रकाशझोतात आहे. भाऊ कदमच्या लेकीचं लग्न झालं, अशा आशयाची पोस्ट सध्या सोशल मीडियात व्हायरल होत आहे. अगदीच मोजक्या पाहुण्यांच्या उपस्थितीत त्यांचं लग्न झालं असल्याची चर्चा आहे. दरम्यान, मृ्ण्मयी कदम हिचं लग्न झालं आहे की नाही? असा प्रश्न चाहत्यांकडून उपस्थित होत आहे. मृण्मयी कदम हिचं खरंच लग्न झालं आहे की, केवळ अफवा आहे? या प्रश्नाचं उत्तर भाऊ कदमच्या लेकीनं आपल्या व्हिडिओतून दिला आहे.
भाऊ कदमच्या लेकीच्या लग्नाची पोस्ट व्हायरल
भाऊ कदमच्या लेकीचं लग्न झालं आहे, अशा आशयाची पोस्ट सध्या सोशल मीडियात व्हायरल होत आहे. 'मृण्मयी कदमच्या लग्नात वडील भाऊ कदम हे भावुक झाले. संघर्षाच्या दिवसाची आठवण काढत कुटुंबासह उपस्थितांच्या डोळ्यात पाणी आलं', अशा आशयाची पोस्ट सध्या सोशल मीडियात व्हायरल होत आहे. ही पोस्ट व्हायरल होताच मृण्मयी कदम हिनं प्रतिक्रिया दिली आहे. तसेच ही अफवा असून, अफवा पसरवणाऱ्यांना सडेतोड उत्तर दिलं आहे. तिनं अमेरिकेत व्हिडिओ शूट करुन व्हिडिओ शेअर केला आहे.
मृण्मयी आपल्या व्हिडिओत म्हणते, 'माझ्या लग्नात तुम्ही मलाच आमंत्रण दिलं नाही. हे काही योग्य नाही. मला तरी कळायलं हवं ना, मी मॅरीड आहे, माझं लग्न झालं आहे. ते देखील मी अमेरिकेत असताना... मला हे सगळं आता कळालं आहे. प्लिज कृपया माझ्या लग्नात मला बोलवा', असं मृण्मयीनं आपल्या व्हिडिओत म्हटलं आहे. मृण्मयीचा हा अंदाज चाहत्यांना आवडला असून, नेटकऱ्यांनी कमेंट करुन मृण्मयीचं कौतुक केलं आहे. एका नेटकऱ्याने आपल्या पोस्टमध्ये म्हटलं की, 'वेडिंग खूप प्रायव्हेट होतं वाटतं, म्हणून नवरी मुलीलाही बोलवलं नाही वाटतं', अशी कमेंट केली आहे.
महत्त्वाच्या बातम्या
