Bajya Bajya Upcoming Marathi Movie: नाटकातली जोडी आता सिनेमात झळकणार; आगामी सिनेमात 'आई कुठे काय करते' फेम अभिनेता 'या' प्रसिद्ध अभिनेत्रीसोबत स्क्रिन शेअर करणार
Bajya Bajya Upcoming Marathi Movie: 'बाज्या बैज्या' (Bajya Bajya) असं अनोखं नाव असलेल्या सिनेमातून आता रसिक प्रेक्षकांच्या भेटीस येणार आहे.
Bajya Bajya Upcoming Marathi Movie: चित्रपट (Movie), मालिका (TV Serials), नाटक अशा तिन्ही क्षेत्रात आपल्या अभिनयाचा अनोखा ठसा उमटवलेला आणि घराघरांत पोहचलेला अभिनेता ओमकार गोवर्धन (Omkar Govardhan) आता पुन्हा एकदा रुपेरी पडद्यावर झळकण्यास सज्ज झाला आहे. 'बाज्या बैज्या' (Bajya Bajya) असं अनोखं नाव असलेल्या सिनेमातून आता रसिक प्रेक्षकांच्या भेटीस येणार आहे.
बोधी सिनेमा या निर्मिती संस्थेअंतर्गत या सिनेमाची निर्मिती आणि प्रस्तुती करण्यात येणार आहे. चित्रपटाची कथा आणि दिग्दर्शन अभिषेक जावीर करणार असून संगीत आणि पार्श्वसंगीत समाधान ऐवळे हे करणार आहेत. नुकत्याच प्रदर्शित झालेल्या वाघ्या मुरळी परंपरेवर आधारित असलेल्या 'फुला' चित्रपटातून अभिषेक जावीर आणि समाधान ऐवळे यांनी मराठी चित्रपटसृष्टीत आपलं पहिलं पाऊल टाकलं होतं. 'फुला' सिनेमाच्या यशानंतर अभिषेक आणि समाधान हे पुन्हा एकदा जोमानं या सिनेमाच्या तयारीसाठी सज्ज झाले आहेत.
View this post on Instagram
स्वातंत्र्यपूर्व काळामध्ये माणदेशात घडलेल्या सत्य कथेवरती आधारित हा चित्रपट आहे. कुकुडवाड मायणी या भागामध्ये प्रसिद्ध असणारे दोन नरवीर बाज्या आणि बैजा यांच्या जीवनावरती हा चित्रपट आहे. तिच्या समोर हे दोन्ही नरवीर गोफण नेमबाजी करण्यासाठी प्रसिद्ध होते. त्यांनी गोरगरीब आणि शेतकऱ्यांवरती होणारे अन्याय या विरोधात बंड केले होते. सशस्त्र इंग्रजा विरुद्ध त्यांनी आपल्या माणदेशी दुर्गम भागाचा वापर करून लढा उभारला होता. बंदूकधारी इंग्रज सैनिकांचे या दोन्ही नरवीरांनी आपल्या गोफनीने कित्येक वेळा डोके फोडले होते.गाव गावगाड्यातील जुलमी सावकार यांना त्यांनी सळो की पळो करून सोडले होते. अशा थरारक आणि साहसी ऐतिहासिक घटनेवरती या चित्रपटाची कथा आधारलेली असल्याचे दिग्दर्शक अभिषेक जावीर यांनी सांगितले.
अभिनेता ओमकार गोवर्धन सोबत आजवर मालिकांमधून झळकणारी अभिनेत्री अश्विनी कासार हिची देखील मध्यवर्ती भूमिका साकारणार आहे. 'फुला' चित्रपटातील अभिनेत्री मंजुशी खेत्री, आरोही गडदे, सनी कदम, सृष्टी जाधव, उमेश बोलके यांचाही अभिनय आपल्याला या चित्रपटात पहायला मिळणार आहे. या चित्रपटातील गीतांसाठी वेगळा बाज वापरणार असल्याचे संगीतकार समाधान ऐवळे यांनी सांगितले. चित्रपटाचे चित्रीकरण आता लवकरच सुरु होणार आहे.
महत्त्वाच्या इतर बातम्या :
महत्त्वाच्या बातम्या
