Arjun Reddy Actor Rahul Ramakrishna Brother Dies: किटकनाशकामुळे प्रसिद्ध अभिनेत्यानं भाऊ गमावला; संतापून थेट मोदींना ट्वीट करत म्हणाला...
Arjun Reddy Actor Rahul Ramakrishna Brother Dies: किटकनाशकामुळे अर्जुन रेड्डीमधील अभिनेत्यानं भाऊ गमावला असून त्याच्या मृत्यूनं सगळे हादरले आहेत. अशातच आता नरेंद्र मोदींनी ट्वीट करुन सगळं सांगितलं आहे.
Arjun Reddy Actor Rahul Ramakrishna Brother Dies: 'अर्जुन रेड्डी' (Arjun Reddy) सिनेमातील भूमिकेमुळे ओळखला जाणारा अभिनेता राहुल रामकृष्ण (Rahul Ramakrishna) याच्यावर दुःखाचा डोंगर कोसळला आहे. 'पॅराक्वाट' या विषामुळे (Paraquat Poison) त्याच्या भावाचं निधन झालंय. राहुल रामकृष्ण यानं स्वतःच ही दुःखद बातमी सोशल मीडियावर शेअर केली आहे. याशिवाय त्यानं पंतप्रधान नरेंद्र मोदी (PM Narendra Modi) आणि तेलंगणाच्या मुख्यमंत्र्यांकडे 'पॅराक्वाट'वर बंदी घालण्याची मागणी केली आहे. मानवासाठी अत्यंत घातक असूनही, 'पॅराक्वाट' किती सहजपणे उपलब्ध होऊ शकतं, याबद्दल राहुलनं आश्चर्यही व्यक्त केलं आहे.
अभिनेत्याच्या भावाचा बळी घेणारं कीटकनाशक 'पॅराक्वाट' कशासाठी वापरलं जातं?
येथे हे नमूद करणे महत्त्वाचे आहे की, 'पॅराक्वाट' हे एक अत्यंत विषारी कीटकनाशक आहे, ज्याचा वापर प्रामुख्यानं शेतीमध्ये तण नष्ट करण्यासाठी केला जातो. हे रसायन इतकं जीवघेणं आहे की, जर एखाद्या मानवाचा याच्याशी संपर्क आला किंवा ते पोटात गेलं, तर त्या व्यक्तीचा मृत्यूही होऊ शकतो किंवा एखादा जीवघेणा आजाराही होऊ शकतो. राहुल रामकृष्ण याच्या भावाचा 'पॅराक्वाट'शी नेमका संपर्क कसा आला, हे रहस्यच आहे. याबाबत अद्याप कोणतीही माहिती समोर आलेली नाही, त्याच्या मृत्यूचं मूळ कारण मात्र हेच विष ठरलंय, असं सांगितलं जात आहे.
Honourable Sirs @TelanganaCMO @PMOIndia,
— Rahul Ramakrishna (@eyrahul) March 26, 2026
Lost my brother today to Paraquat poisoning. It’s terrifyingly lethal and widely misused for self-destruction. Shocked by how easily it is available everywhere. Doctors are overwhelmed by the amount of cases.Please ban it ASAP-save lives🙏🏽
अभिनेत्याचं थेट मोदींना आवाहन
राहुल रामकृष्ण यांनी आपल्या ट्विटरवर एक ट्वीट केलंय. पंतप्रधान नरेंद्र मोदी आणि तेलंगणाचे मुख्यमंत्री रेवंत रेड्डी यांना टॅग करत त्यानं लिहिलंय की, "आज 'पॅराक्वेट'च्या विषबाधेमुळे मी माझ्या भावाला गमावलंय. हे अत्यंत प्राणघातक रसायन असून, आत्महत्येसाठी याचा मोठ्या प्रमाणावर गैरवापर केला जातो. हे रसायन सर्वत्र इतक्या सहजपणे उपलब्ध असल्याचं पाहून मला मोठा धक्का बसलाय. डॉक्टरांसमोर येणाऱ्या अशा प्रकरणांची संख्या सातत्यानं वाढतेय आणि परिस्थिती हाताबाहेर जात आहे. कृपया यावर त्वरित बंदी घाला आणि लोकांचे प्राण वाचवा..."
राहुल रामकृष्ण कोण?
राहुल रामकृष्णबाबत बोलायचं झालं तर, तो तेलुगू फिल्म इंडस्ट्रीतला एक गुणी अभिनेता, रॉयटर आणि जर्नलिस्ट आहे. त्यानं Sainma नावाची शॉर्टफिल्मही केलीय. पण, त्याला खरी प्रसिद्धी 'अर्जुन रेड्डी' सिनेमात साकारलेल्या मुख्य भूमिकेमुळे मिळाली. यानंतर त्यानं अनेक सिनेमे केले, ज्यामध्ये 'भारत अने नेनु', 'सम्मोहनम', 'मिठाई', 'गीता गोविंदम' आणि 'ची ला सो' यांसारख्या सिनेमांचा समावेश आहे. 2025 मध्ये तो फिल्म Andhra King Taluka मध्ये झळकलेला.
महत्त्वाच्या इतर बातम्या :
महत्त्वाच्या बातम्या
