Anant Jog : 'मी तिच्या दोन सिनेमात काम केलं पण तिने पैसेच दिले नाहीत', अनंत जोग यांनी सांगितला क्षितीचा मजेशीर किस्सा 

Anant Jog :  अभिनेते अनंत जोग यांनी त्यांची मुलगी आणि अभिनेत्री क्षिती जोग हिचा एक मजेशीर किस्सा सांगितला आहे. तसेच यावेळी त्यांनी उज्वला जोग यांच्यासोबतच्या नात्यावरही भाष्य केलं आहे.

Anant Jog

Anant Jog : मराठी सिनेसृष्टीतले खलनायक म्हणून अनंत जोग (Anant Jog) यांची खलनायक म्हणून विशेष ओळख आहे. आतापर्यंत त्यांनी बॉलीवूडसह अनेक मराठी सिनेमांमध्येही कामं केली आहेत. पण त्यांची खलनायिकेची भूमिका विशेष प्रसिद्ध आहे. दरम्यान अनंत जोग यांची मुलगी देखील याच सिनेसृष्टीत कार्यरत आहे. क्षिती जोग (Kshitee Jog) आणि अभिनेते अनंत जोग यांची मुलगी. क्षिती ही सध्या निर्माती म्हणूनही काम पाहते. नुकतच अनंत जोग यांनी क्षितीचा एक मजेशीर किस्सा सांगितला आहे. 

क्षितीने झिम्मा सिनेमापासून निर्मिती क्षेत्रात पाऊल ठेवलं आहे. तसेच तिच्या झिम्मा सिनेमामध्ये अनंत जोग यांनी देखील भूमिका साकारली आहे. यामध्ये अनंत जोग यांनी निर्मिती सावंत यांच्या पतीची भूमिका केली आहे. पण क्षितीच्या दोन सिनेमांत काम करुनही तिने त्याचे मला पैसे दिले नाही, असा मिश्किल आरोपही अनंत जोग यांनी यावेळी केला आहे. अनंत जोग यांनी नुकतच सुलेखा तळवळकर यांच्या दिल के करीबला मुलाखत दिली.

अनंत जोग यांनी काय म्हटलं?

क्षितीने या क्षेत्रात यायचं ठरवलं तेव्हा तुमची भावना काय होती? यावर बोलताना अनंत जोग यांनी म्हटलं की, आम्हाला खूप छान वाटलं. विनय आपटेनी एका एकांकिका स्पर्धेमध्ये तिचं काम पाहिलं आणि तिचं नाव त्याने कांचन अधिकारीला सुचवलं. तेव्हा कांचनचा मला फोन आला. अनंत तुझी मुलगी दिसायला सुंदर आहे का? ती माझ्या मालिकेत मुख्य भूमिका करेल का? अशी तिची सुरुवात झाली. आता ती निर्माती देखील झालीये. तिने मला तिच्या दोन तीन सिनेमात कामही दिलं, पण त्याचे पैसे नाही दिले, मग काय उपयोग. मुलगी असली म्हणून काय झालं,मला दोन वेळेला जेवायला लागतचं की, असा मिश्किल अनुभव अनंत जोग यांनी सांगितला. 

उज्वला जोग यांच्यासोबतचं नातं

अनंत जोग आणि अभिनेत्री उज्वला जोग यांचा घटस्फोट झाला असला तरीही आजही आमचं मैत्रीचं नात असल्याचं त्यांनी म्हटलं आहे. यावर त्यांनी म्हटलं की, जरी आमचा घटस्फोट झाला असला तरीही आमचं नातं हे,मैत्रीचं आहे. तिने कधी बोंबलाचं कालवण केलं की मला फोन करते. पण आजही आम्ही फोनवर बोलतो. भेटायला जातो.

ही बातमी वाचा :