Amruta Khanvilkar : 'चला भेट झालीच आपली...', अमृता खानविलकरने शेअर केली आलिशान घराची पहिली झलक; ठेवलंय 'हे' खास नाव
Amruta Khanvilkar : अभिनेत्री अमृता खानविलकरने तिच्या आलिशान घराची पहिली झलक शेअर केली आहे.
Amruta Khanvilkar : अनेक भूमिकांमधून प्रेक्षकांच्या पसंतीस उतरलेली अभिनेत्री अमृता खानविलकरने (Amruta Khanvilkar) नुकतच तिच्या चाहत्यांसोबत एक गोड बातमी शेअर केली आहे. अमृताने तिच्या सोशल मीडियावर एक व्हिडीओ शेअर केलाय. या व्हिडीओला अमृताने दिलेल्या कॅप्शने साऱ्यांचच लक्ष वेधून घेतलंय. अमृताने तिच्या आलिशान घराची पहिली झलक साऱ्यांसोबत शेअर केलीये. अमृता मुंबईत तिचं हक्काचं घर घेतलं असून लवकरच ती या घरात राहायला जाणार आहे.
अमृताने तिच्या या नव्या घरासाठी एक खास मेसेजही दिला आहे. तसेच तिने या घराचं एक खास नावंही ठेवलंय. त्याचा अर्थही अमृताने तिच्या सोशल मीडियावरुन सांगितलाय. अमृताने तिच्या या घराचं नाव एकम असं ठेवलंय. ज्याचा अर्थ सुरुवात असा होतो. अमृताने तिच्या या घराविषयी सांगताना 22 व्या मजल्यावरचं 3 बीएचकेचं छोटसं विश्व असा उल्लेख केलाय.
अमृताने घरासाठी दिला खास मेसेज
अमृताने तिच्या घरासाठी एक खास मेसेजही दिला आहे. तिने तिच्या घराचा व्हिडीओ शेअर करत म्हटलं की, चला भेट झालीच आपली.. कधी काळी दूर कुठेतरी तुझं स्वप्न पाहिलं होतं आणि ते पूर्ण करण्याचा प्रयत्न रोज सुरू होता. तर ही आपली पहिली दिवाळी...तुला खूप गोष्टी सांगायच्या आहेत,मला काय आवडतं, काय नाही,मनातलं गुपित, शांततेतलं ….सारं काही..हळूहळू तुला कळेलच..तुलाही मला खूप काही सांगायचं असेल…माझी पूर्ण तयारी आहे.
पुढे तिने म्हटलं की, तू अजून हळूहळू आकार घेतोयस,तुझ्या कानाकोपऱ्यात मी माझं सगळं जग बसवायचा प्रयत्न करतेय.तू ही अगदी माझ्या हो ला हो म्हणतोयस...आवडतंय मला...लवकरच भेटू..नव्या कोऱ्या भिंतींसह..नव्या आठवणी बनवण्यासाठी..नवं आयुष्य उलगडण्यासाठी...
दरम्यान अमृताचा या महिन्यात वाढदिवस आहे आणि लक्ष्मीपूजनाच्या मुहूर्तावर अमृताने तिच्या घराची खास झलक शेअर केलीये. तसेच या घराचं काम सध्या सुरु असून लवकरच ते पूर्ण होणार आहे. अमृताच्या या व्हिडीओवर अनेक कलाकारांनाही कमेंट्स करत तिला शुभेच्छा दिल्यात.
View this post on Instagram
ही बातमी वाचा :
महत्त्वाच्या बातम्या
