Entertainment News Live Updates 25 August : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
कॉमेडियन कृष्णा अभिषेकचाही ‘द कपिल शर्मा शो’ला गुडबाय! कारण देताना म्हणाला..
कपिल त्याच्या संपूर्ण टीमसोबत कॅनडा दौऱ्यावर होता आणि तिथे त्याने अनेक ठिकाणी त्याचे शो देखील केले. या दौऱ्यात कृष्णा अभिषेकही कपिलसोबत होता. आता टीम मायदेशात परतली आणि आता शोच्या नवीन सीझनची तयारी सुरू केली आहे. दरम्यान, कृष्णा आता या शोचा भाग नसल्याची बातमी समोर आली आहे. मीडिया रिपोर्टनुसार, कृष्णा अभिषेक याने कपिल शर्मा शो सोडला आहे आणि आता शोच्या चौथ्या सीझनमध्ये तो दिसणार नाही. अभिनेत्याने शो सोडण्यामागील कारण अ‍ॅग्रीमेंट इशू असल्याचे म्हटले आहे. शोचे निर्माते अभिनेता कृष्णाने मागितलेले मानधन देण्यास तयार नाहीत आणि हेच त्याच्या शोमधून बाहेर पडण्याचे मुख्य कारण मानले जात आहे.
सोनाली फोगट यांच्या मृत्यूमागे षडयंत्र? आज शवविच्छेदन होणार, पोलिसांकडून अनैसर्गिक मृत्यूची नोंद
सोनाली फोगाट यांचा मृत्यू हृदयविकाराच्या झटक्यानं झाल्याचं डॉक्टरांनी सांगितलं होतं. आज सोनाली फोगाट यांचं पोस्टमार्टम करण्यात येणार आहे. डॉक्टरांच्या म्हणण्यानुसारस, पोस्टमार्टमनंतरच सोनाली यांच्या मृत्यूचं कारणं समोर येतील. तसेच, त्यांच्या शरीरावर कोणत्याही प्रकारच्या जखमा आढळून आलेल्या नाहीत. उत्तर गोव्यातील अंजुना येथील रुग्णालयात डॉक्टरांच्या पथकानं त्यांना मृत घोषित केलं. गोवा पोलिसांनी याप्रकरणी अनैसर्गिक मृत्यूची (Unnatural Death) नोंद केली आहे.
विजयादशमीच्या शुभमुहूर्तावर प्रेक्षकांच्या भेटीला येणार ‘शिवप्रताप गरुडझेप’!
छत्रपती शिवाजी महाराजांच्या आग्र्याहून सुटकेचा प्रसंग जिवंत करणारा डॉ. अमोल कोल्हेंचा 'शिवप्रताप गरुडझेप' (Shivpratap Garudjhep) हा चित्रपट आता लवकरच प्रेक्षकांच्या भेटीला येणार आहे. नुकतीच या चित्रपटाच्या रिलीजची घोषणा करण्यात आली आहे. यंदाच्या विजया दशमीच्या मुहूर्तावर अर्थात 5 ऑक्टोबर 2022 रोजी हा चित्रपट प्रेक्षकांच्या भेटीला येणार आहे. अभिनेते-निर्माते डॉ. अमोल कोल्हे (Amol Kholhe) यांनी सोशल मीडियाच्या माध्यमातून याची घोषणा केली आहे.
हृतिक रोशन-सैफ अली खानचा दमदार अभिनय, 'विक्रम वेधा'चा धमाकेदार टीझर रिलीज
अभिनेता हृतिक रोशन मोठ्या ब्रेकनंतर ‘विक्रम वेधा’ (Vikram Vedha) या चित्रपटातून प्रेक्षकांच्या भेटीला येणार आहे. सैफ अली खान (Saif Ali Khan) आणि हृतिक रोशन (Hrithik Roshan) अभिनित ‘विक्रम वेधा’ या चित्रपटाचा टीझर नुकताच प्रेक्षकांच्या भेटीला आला आहे. अ‍ॅक्शन पॅक्ड व्हिज्युअल्स आणि आशयघन कथानक असलेला 'विक्रम वेधा' या हिंदी चित्रपटाचा टीझर म्हणजे प्रेक्षकांसाठी एक आश्चर्याचा सुखद धक्काच आहे. या चित्रपटात ‘वेधा’च्या भूमिकेत अभिनेता हृतिक रोशन झळकणार आहे, तर सैफ अली खान ‘विक्रम’ साकारत आहे.
‘रिपोर्टर’ बनून शाळेच्या दुरावस्थेची माहिती देणाऱ्या मुलाचा व्हिडीओ व्हायरल! अभिनेता सोनू सूद मदतीसाठी पुढे सरसावला
हातात काठी आणि त्यावर प्लास्टिकची बाटली लावून, त्याचा माईक बनवून आपल्याच शाळेमध्ये रिपोर्टिंग करणारा अवघ्या 12 वर्षांचा हा चिमुकला सरफराज (Sarfaraj) त्याच्या हटके स्टाईलमुळे सोशल मीडियावर चांगलाच चर्चेत (Viral Video) आला आहे. त्याचा हा व्हिडीओ पाहून अनेकांनी त्याचे कौतुक केले आहे. त्चाया हा व्हिडीओ आणि शिकण्याची जिद्द पाहून अभिनेता सोनू सूदने त्याला मदतीचा हात दिला आहे.
'डान्स का भूत', 'ब्रह्मास्त्र'चं नवं गाणं प्रेक्षकांच्या भेटीला!
'इमर्जन्सी'मध्ये 'फील्ड मार्शल सॅम माणेकशॉं'ची भूमिका साकारणार मिलिंद सोमण! पाहा लूक...
'इमर्जन्सी' या आगामी चित्रपटामधील अभिनेता मिलिंद सोमणचा फर्स्ट लूक रिलीज झाला आहे. कंगना रनौतच्या या चित्रपटात मिलिंद 'फील्ड मार्शल सॅम माणेकशॉं'ची भूमिका साकारत आहे.
View this post on Instagram
राजू श्रीवास्तव यांच्या प्रकृतीत सुधारणा, कॉमेडियनला शुद्ध आल्याची माहिती!
राजू श्रीवास्तव यांना 15 दिवसांनी आज शुद्ध आली आहे. त्यांच्यावर दिल्लीतील एम्स रुग्णालयात डॉक्टर उपचार करत आहेत. त्यांची प्रकृती सुधारत असल्याचे त्यांचे सेक्रेटरी गर्वित नारंग यांनी माहिती देताना सांगितले आहे. जिममध्ये वर्कआऊट करत असताना छातीत दुखू लागल्याने आणि बेशुद्ध झाल्याने 10 ऑगस्ट रोजी त्यांना रुग्णालयात दाखल करण्यात आले होते.
Raju Srivastava gained consciousness today after 15 days, he's being monitored by doctors at AIIMS Delhi. His health condition is improving: Garvit Narang, his Personal Secy
— ANI (@ANI) August 25, 2022
He was admitted here on Aug 10 after experiencing chest pain & collapsing while working out at the gym. pic.twitter.com/kmPfqRey1a
जॉन अब्राहमचा 'पठाण' चित्रपटातील फर्स्ट लूक रिलीज!
View this post on Instagram
महत्त्वाच्या बातम्या
ट्रेंडिंग न्यूज
