Prajaktta Mali : ‘लहान तोंडी मोठा घास…पण आता बोलायला हवे!’, प्राजक्ता माळीची पोस्ट सोशल मीडियावर चर्चेत

‘पावनखिंड’ हा मराठी चित्रपट 18 फेब्रुवारीला प्रेक्षकांच्या भेटीस येणार आहे. या चित्रपटातील अभिनेत्री प्राजक्ता माळी हिने सोशल मीडियावर एक व्हिडीओ पोस्ट केला आहे, जो सध्या चर्चेत आला आहे.

Prajaktta Mali

Prajaktta Mali : कोरोना विषाणूचा जोर आता काहीसा ओसरलेला दिसतोय. बऱ्याच ठप्प झालेल्या गोष्टी आता पूर्ववत होताना दिसत आहेत. अशातच आता अनेक चित्रपट देखील चित्रपटातगृहात प्रदर्शित होण्याच्या मार्गावर आहेत. ‘पावनखिंड’ हा मराठी चित्रपट देखील 18 फेब्रुवारीला प्रेक्षकांच्या भेटीस येणार आहे. या चित्रपटातील अभिनेत्री प्राजक्ता माळी हिने सोशल मीडियावर एक व्हिडीओ पोस्ट केला आहे, जो सध्या चर्चेत आला आहे.

प्राजक्ता माळी हिने (Prajaktta Mali) या व्हिडीओत महाराष्ट्र सरकारकडे एक मागणी केली आहे. या व्हिडीओत अभिनेत्री म्हणते की, आता कोरोनाचा जोर बराच ओसरला आहे. बरेचसे निर्बंध देखील शिथिल झाले आहेत. मात्र, चित्रपटगृह आणि नाट्यगृह अजूनही 50% क्षमतेनेच सुरु आहेत. आता बरेच अडकलेले प्रोजेक्ट रिलीज होणार आहेत. तर आता ही मर्यादा हटवून पुन्हा पूर्ण क्षमतेने थिएटर सुरु करावे, अशी सरकारला विनंती.’

पाहा व्हिडीओ :

‘पावनखिंड’ या चित्रपटाचे लेखन आणि दिग्दर्शन हे दिग्पाल लांजेकर यांनी केले आहे. तर अजय आरेकर, अनिरूद्ध आरेकर आणि भाऊसाहेब आरेकर यांनी या चित्रपटाची निर्मीती केली आहे. चित्रपटाचा ट्रेलर पाहून प्रेक्षक या चित्रपटाची उत्सुकतेने वाट पाहात आहेत. 18 फेब्रुवारी रोजी हा चित्रपट प्रदर्शित होणार आहे. या चित्रपटाच्या माध्यमातून महाराष्ट्राचं आराध्य दैवत छत्रपती शिवाजी महाराजांच्या सुवर्ण इतिहासातील आणखी एक सोनेरी अध्याय मोठ्या पडद्यावर पहायला मिळणार आहे. चित्रपटात छत्रपतींची भूमिका अभिनेता चिन्मय मांडलेकर साकारणार आहे.

‘पावनखिंड’ या चित्रपटात मृणाल कुलकर्णी (Mrinal Kulkarni), चिन्मय मांडलेकर (Chinmay Mandlekar), प्राजक्ता माळी (Prajakta Mali) , अंकित मोहन (Ankit Mohan), क्षिती जोग (kshitee jog), अजय पूरकर (Ajay Purkar), समीर धर्माधिकारी (Sameer Dharmadhikari) आणि शिवराज वायचळ (Shivraj Waichal) या कलाकारांनी महत्वाच्या भूमिका साकारल्या आहेत.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha