Golmaal 5: हसून हसून लोटपोट व्हाल, 'गोलमाल 5'चा VIDEO व्हायरल; एका नव्या कलाकाराचीही दमदार एन्ट्री
Golmaal 5 Shooting Begins in Ooty: 'गोलमाल 5'चं शूटिंग ऊटीमध्ये सुरू झालं आहे.
Ajay Devgn Shares Golmaal 5 Behind The Scenes Video: अजय देवगणने (Ajay Devgn) आपल्या कारकि‍र्दीत विविध जॉनरच्या चित्रपटात काम केलं. त्याचा कॉमेडी 'गोलमाल' (Golmal) या सिनेमालाही प्रेक्षकांकडून विशेष पसंती मिळाली. आता या सिनेमाचा 5वा पार्ट प्रेक्षकांच्या भेटीस येणार आहे. सध्या अजय देवगण 'गोलमाल' सिनेमाच्या पाचव्या पार्टमुळे चर्चेत आहे. अलिकडेच अभिनेत्याने या चित्रपटाच्या संबंधित एक पोस्ट सोशल मीडियात शेअर केली आहे. चाहते तसेच नेटकऱ्यांनी या पोस्टवर कमेंट करुन उत्सुकता दर्शवली. अजयने आपल्या चाहत्यांसोबत एक मजेशीर व्हिडीओ शेअर केला आहे. हा व्हिडीओ पाहून 'गोलमाल'च्या आठवणी ताज्या झाल्या, असं नेटकऱ्यांनी म्हटलं आहे.
ऊटीमध्ये चित्रपटाच्या शूटिंगला सुरूवात (Rohit Shetty Golmaal 5 Teaser Announcement)
अजय देवगण सध्या त्याच्या आगामी 'गोलमाल 5' च्या शूटिंगमध्ये व्यस्त आहे. 'गोलमाल 5'ची टीम ऊटी या निसर्गरम्य ठिकाणी शूटिंगमध्ये व्यस्त आहे. अजयने त्याच्या आगामी चित्रपटाच्या संबंधित एक व्हिडीओ शेअर केला आहे. या व्हिडीओत 'गोलमाल' मधील तिच आयकॉनिक बाईक दिसत आहे. तसेच त्या बाईकवर अर्शद वारसी, तुषार कपूर, श्रेयस तळपदे, शरमन जोशी आणि कुणाल खेमू दिसत आहे. तर अजय देवगण या बाईकला धरुन उभा आहे. 'यावेळची सवारी मोठी आणि मनोरंजक असणार आहे', असं त्या व्हिडीओला कॅप्शन देण्यात आलं आहे.
रोहित शेट्टीने टीझर शेअर करुन, या सिनेमाची मागिती दिली होती (Ajay Devgn shares Golmaal 5)
दरम्यान, चाहते आणि प्रेक्षक या सिनेमाची झलक पाहून खूप खूश आहेत. हा सिनेमा कधी रिलीज होणार, हे जाणून घेण्यासाठी उत्सुक आहेत. यापूर्वी रोहित शेट्टीने 14 मार्च 2026 रोजी आपल्या वाढदिवशी 'गोलमाल 5' या सिनेमाची ऑफिशियल अनाउंसमेंट केली होती. रोहित शेट्टीने या सिनेमाचा छोटा टीझर शेअर केला होता. या टीझरमध्ये शूटिंगचे काही क्लिप्स दिसत आहे. तसेच शूटिंग सुरू केले आहे, असं जाहीर केलं. या सिनेमात जुन्या कलाकारांसह आणखी एका नव्या कलाकाराची यात एन्ट्री होणार आहे.
या सिनेमाचा अक्षय कुमार भाग असणार असल्याची माहिती आहे. या चित्रपटात त्याचा वेगळा लूक पाहायला मिळत आहे. 'गोलमाल 5' या सिनेमात अक्षय कुमार नेमकं कोणती भूमिका साकारणार? याची अद्याप अधिकृत माहिती समोर आलेली नाही. दरम्यान, 'गोलमाल 5' हा कॉमेडी सिनेमा कधी रिलीज होणार? हे जाणून घेण्यासाठी प्रेक्षक आतुर आहेत.
महत्त्वाच्या इतर बातम्या:
महत्त्वाच्या बातम्या
