बॉर्डर-2 ते बेबी जॉन, 'या' तीन चित्रपटांत दिसणार वरूण धवन; बॉक्स ऑफिसवर कमाल दाखवणार?
वरून धवण आगामी काळात काही दमदार चित्रपटांत दिसणार असून त्याच्या या चित्रपटांची सध्या सगळीकडे चर्चा होत आहे.
मुंबई : अभिनेता सनी देओलच्या कल्ट क्लासिटक चित्रपट 'बॉर्डर ' चा सिक्वेल येणार आहे. 'बॉर्डर 2' या चित्रपटाची जोरदार चर्चा चालू आहे. अभिनेता आयुष्यमान खुराना 'बॉर्डर 2' या चित्रपटात अभिनय करणार होता. परंतू आयुष्मानने 'बॉर्डर 2' चित्रपटात काम करण्यास नकार दिला. सनीच्या चित्रपटात 'स्त्री 2' या चित्रपटातील अभिनेत्याची एन्ट्री झाली आहे.
वरुण धवन हा हिंदी सिनेसृष्टीतील आघाडीच्या अभिनेत्यांपैकी एक आहे. त्याने आतापर्यंत अनेक चित्रटात काम केलं असून ते सुप्रसिद्धही ठरले आहेत. आपल्या अभिनयाच्या जोरावर त्यांने रसिकांच्या मनात आपली जागा निर्माण केली आहे. वरुण गेल्या 12 वर्षांपासून चित्रपटसृष्टीत काम करतोय. त्याचे अनेक चित्रपट हिट ठरले असले तरीदेखील कलंक, स्ट्रीट डान्सर- 3डी यासारखे काही चित्रपट बॉक्स ऑफिसवर फारसी चांगली कामगिरी करू शकलेले नाहीत. दरम्यान, वरून धवण आगामी काळात काही दमदार चित्रपटांत दिसणार असून त्याच्या या चित्रपटांची सध्या सगळीकडे चर्चा होत आहे.
1. 'भेडिया 2' (Bhediya)
वरुण धवण (varun Dhawan) याआदी 2022 साली 'भेडिया' या चित्रपटात दिसला होता. भेडिया हा चित्रपट बॉक्सऑफिवर चांगली कामगिरी करू शकला नाही. चांगला गल्ला जमवता आला नसला तरी प्रेक्षकांनी या चित्रपटाची कथा आणि वरुणच्या अभिनयाचे कौतुक केले होते. दरम्यान वरूणच्या आगामी चित्रपटांच्या यादीत भेडिया या चित्रपटाच्या स्विक्वेलचा समावेश आहे. वरुणने मागील वर्षाच्या एप्रिल महिन्यात 'भेडिया 2' या चित्रपटाची घोषणा केली होती. भेडिया एक हॉरर चित्रपट आहे.
2.'बेबी जॉन' (Baby John)
अभिनेता शाहरुख खान प्रमुख भूमिकेत असलेल्या जवान या चित्रपटाची भारतभरात चर्चा झाली होती. सुप्रसिद्ध दिग्दर्शक अॅटलीने हा चित्रपट दिग्दर्शित केला होता. या चित्रपटाने तेव्हा 1150 कोटी रुपयांची कमाई केली होती. याच अॅटली या दिग्दर्शकाचा 'बेबी जॉन' हा नवा चित्रपट येत आहे. हा चित्रपट या वर्षी म्हणजेच 25 डिंसेबर रोजी प्रदर्शित होणार आहे. या चित्रपटाच अभिनेता वरुण धवण प्रमुख भूमिकेत दिसणार आहे. शाहरुख खानचा जवान ज्या पद्धतीने ब्लॉकबस्टर ठरला अगदी त्याच पद्धतीने बेबी जॉन हा चित्रपटही बॉक्स ऑफिसवर आपली जादू दाखवणार का, याची उत्सूकता सर्वांना लागली आहे.
3. 'बॉर्डर 2' (border 2)
सध्या 'बॉर्डर 2' या चिपटाची सर्वत्र चर्चा आहे. या चित्रपटाचा पहिला भाग 1997 प्रदर्शित झाला होता. अभिनेता सनी देओलच्या या चित्रपटाला प्रेक्षकांनी तेव्हा चांगली पंसती दिली होती. हा चित्रपट बॉक्सऑफिसवर ब्लॉकबस्टर ठरला होता. दरम्यान, बॉर्डर-2 या चित्रटात वरुण धवनही झळकणार असल्याचे म्हटले जात आहे. दरम्यान याबाबत अद्याप कोणतीही अधिकृत माहिती समोर आलेली नाही. मात्र वरूण धवन या चित्रपटात झळकलाच तर त्याचा हा तिसरा चित्रपट असेल. बॉर्डर-2 हा चित्रपट 25 जानेवारी 2026 रोजी प्रदर्शित होणार आहे.
हेही वाचा :
महत्त्वाच्या बातम्या
ट्रेंडिंग न्यूज
