Abhijit Panse On Anand Dighe: अपघात झाला तेव्हा आनंद दिघे माझ्या पुढच्या गाडीत होते, अभिजीत पानसेंनी सांगितला 'तो' प्रसंग
Abhijit Panse On Anand Dighe: अभिजीत पानसे 'रेगे' सिनेमामुळे प्रसिद्धीझोतात आले. त्यानंतर अभिजीत पानसेंनी शिवसेनाप्रमुख बाळासाहेब ठाकरे यांच्या आयुष्यावर आधारित ठाकरे सिनेमा केला.
Abhijit Panse On Anand Dighe: धर्मवीर म्हणून ओळखले जाणाऱ्या आनंद दिघे (Anand Dighe) अख्ख्या महाराष्ट्राला (Maharashtra News) माहीत होते, पण 'धर्मवीर' सिनेमामुळे (Dharmaveer Movie) त्यांच्या आयुष्यातील अनेक पैलू नव्यानं सर्वांना कळाले. राज्याचे उपमुख्यमंत्री यांचे राजकारणातले गुरू असलेले आनंद दिघेंनी ठाण्यात शिवसेना रुजवली, वाढवली. फक्त राजकारणातलेच नाहीतर मनोरंजन विश्वातले अनेकजण आनंद दिघेंच्या जवळ होते. त्याच्यापैकीच एक म्हणजे, अभिजीत पानसे.
आपल्या वेगळ्या धाटणीच्या सिनेमासाठी अभिजीत पानसे ओळखले जातात. हाडाचे शिवसैनिक असलेले अभिजीत पानसे सध्या राज ठाकरेंसोबत मनसेमध्ये आहेत. अभिजीत पानसे 'रेगे' सिनेमामुळे प्रसिद्धीझोतात आले. त्यानंतर अभिजीत पानसेंनी शिवसेनाप्रमुख बाळासाहेब ठाकरे यांच्या आयुष्यावर आधारित ठाकरे सिनेमा केला. फक्त महाराष्ट्रातच नाहीतर जगभरात या सिनेमाची चर्चा रंगलेली. नुकत्याच एका मुलाखतीत बोलताना अभिजीत पानसेंनी आनंद दिघेंच्या आठवणींना उजळा दिला आहे.
View this post on Instagram
अभिजीत पानसे नेमकं काय म्हणाले?
अमोल परचुरेंच्या कॅचअप चॅनलला दिलेल्या मुलाखतीत अभिजीत पानसे म्हणाले, "वंदे मातरम नाटकाच्या रिहर्सलला आनंद दिघे साहेब आले होते, तेव्हा माझा गोंधळ उडाला होता. नंतर ते प्रयोगाला आले. गणेश दर्शन स्पर्धेच्या आधीचा जो कार्यक्रम होता तो मी बसवला होता. तेव्हा मनोहर जोशी सर लोकसभा अध्यक्ष होते. असं म्हणतात ना, दिघे साहेब आता नाहीयेत तर मी कसा त्यांच्या जवळ वगैरे होतो, तर असं नाहीये. एवढा जवळ वगैरेचा भाग नाहीये, पण निश्चित मी मला त्यांचा सहवास लाभला."
"दिघे साहेबांबरोबर मी ऑडिओ कॅसेट केली. उदय सबनीस यांनी त्याचं निवेदन केलं होतं. त्या कॅसेटमध्ये त्यांची बायोग्राफी होती. ती फार त्यांना आवडलेली. पण माझा राजकीय काही संदर्भ नव्हता. गणेश दर्शन स्पर्धेचे परीक्षक आम्ही होतो त्यावेळेला दिघे साहेबांचा अपघात झाला होता. माझ्या पुढच्या गाडीत दिघे साहेब होते तेव्हा वंदनाच्या इथे तो अपघात झाला. आम्ही उजवीकडे वळून गडकरीला गेलो होतो." अशाप्रकारे अभिजीत पानसेंनी आनंद दिघेंबद्दलची भावुक आठवण शेअर केली आहे. अभिजीत पानसे लवकरच एक नवीन सिनेमा प्रेक्षकांच्या भेटीला आणणार आहेत.
महत्त्वाच्या इतर बातम्या :
महत्त्वाच्या बातम्या
