Abhijeet Bichukale : 'माझ्याशिवाय मराठी बिग बॉस चालणारच नाही, पाचव्या सिझनमध्ये एन्ट्री फिक्स'; अभिजीत बिचुकलेंना 1लाख टक्के आत्मविश्वास
Abhijeet Bichukale : अभिजीत बिचुकले हे बिग बॉस मराठीच्या दुसऱ्या सिझनमध्ये सहभागी झाले होते. त्यानंतर आता ते पाचव्या सिझनमध्येही सहभागी होणार असल्याचं त्यांनी निश्चित केलंय.
Abhijeet Bichukale : बिग बॉस मराठीच्या (Bigg Boss Marathi new season) घर हे आतापर्यंत अनेक सदस्यांनी गाजवलं. पहिला, दुसरा, तिसरा आणि चौथा सिझन प्रेक्षकांच्याही पसंतीस उतरला. आता पाचव्या सिझनमध्येही घरातले राडे, भांडणं या सगळ्यावर सोशल मीडियाच्या माध्यमातून प्रेक्षक व्यक्त होत असतात. त्यातच आता पाचव्या सिझनच्या वाईल्ड कार्ड एन्ट्रीची सगळ्यांना उत्सुकता लागून राहिली आहे.
पाचव्या सिझनच्या वाईल्ड कार्ड एन्ट्रीसाठी आता अभिजीत बिचुकलेंच्या नावाची जोरदार चर्चा सुरु झालीये. त्यातच त्यांनी नुकतीच रेडीओ सिटीला दिलेल्या मुलाखतीमध्ये यावर भाष्यही केलं आहे. त्याचप्रमाणे त्यांच्याशिवाय बिग बॉस मराठी चालणारच नाही, असा विश्वासही त्यांनी व्यक्त केलाय.
'माझ्याशिवाय बिग बॉस मराठी चालणार नाही'
अभिजीत बिचुकले यांनी म्हटलं की, 'बिग बॉसचा पहिला सिझन कुणालाही माहिती नव्हता. म्हणूनच बिग बॉसच्या दुसऱ्या सिझनमध्ये मला नेलं. आजही 3,4 आता 5 सिझन झाले पण अभिजीत बिचुकलेशिवाय बिग बॉस मराठी चालणार नाही.' आता वाईल्ड कार्ड एन्ट्री स्पर्धक म्हणून घरात तुमची एन्ट्री होणार का असा प्रश्नही त्यांना विचारण्यात आला. त्यावर अभिजीत बिचुकले यांनी म्हटलं की, 'पाचव्या सिझनमध्येही मला एकलाख टक्के बोलवणार.'
अभिजीत बिचुकलेचं नाव चर्चेत
'बिग बॉस मराठी'च्या पहिल्या सीझनमध्ये अभिजीत बिचुकले हे एकमेव राजकीय नेते होते. अभिजीत बिचुकले घरातील वादामुळे कायमच चर्चेत होता. बिग बॉस मराठीमुळे अभिजीत बिचुकलेची महाराष्ट्राचा चांगलीच ओळख झाली होती. त्यानंतर हिंदी बिग बॉसमुळे बिचुकलेला देशात ओळख मिळाली. आता त्याची बिग बॉस मराठीत पुन्हा एन्ट्री होणार असल्याचं बोललं जात आहे. दरम्यान, याबाबत अद्याप कोणतीही माहिती समोर आलेली नाही.
बिग बॉस मराठीत राखी सावंतला वाईल्ड कार्डचं तिकीट?
'बिग बॉस मराठी'च्या घरात पहिल्याच दिवसापासून आरडाओरड आणि आक्रमक भूमिकेने निक्की तांबोळीने (Nikki Tamboli) सगळ्यांचेच लक्ष वेधलं आहे. निक्की तांबोळीने पहिल्या दिवसापासून वर्षा उसगावंकर (Varsha Usgaonkar) यांच्यासोबत वाद घातला. त्यासोबत ती घरातील इतर सदस्यांसोबतही भांडताना दिसत आहे. 'भाऊचा धक्का'मध्येही रितेश देशमुखने (Riteish Deshmukh) निक्कीला यावरून वारंवार झापलं आहे. निक्कीमध्ये कोणतीही सुधारणा झाली नाही. त्यामुळे निक्कीला अद्दल घडवण्यासाठी नेटकऱ्यांनी थेट राखी सावंतला (Rakhi Sawant) वाईल्ड कार्ड एन्ट्री देण्याची मागणी केली आहे.
ही बातमी वाचा :
महत्त्वाच्या बातम्या
ट्रेंडिंग न्यूज
