देवी तुळजाभवानीला भवानीशंकरांची खरी ओळख पटणार? येत्या दिवसांत रंजक कथाभाग उलगडणार
Aai Tulja Bhavani Serial Track: देवींची कन्या अशोकसुंदरीला आलेला भवानीशंकराबद्दलचा संशय वाढू लागला आहे. पण, महादेवांना देखील आई तुळजाभवानीसमोर खऱ्या रुपात येण्याची आतुरता लागून राहिली आहे.
Aai Tulja Bhavani Serial Track: कलर्स मराठी (Colours Marathi) वाहिनीवरील 'आई तुळजाभवानी' (Aai Tulja Bhavani) या मालिकेत अनेक घटना घडत आहेत. अशातच आता देवीनं शाकंभरी देवीच्या रुपात दर्शन दिलं आणि सृष्टीचं महत्त्व सांगितलं. तर दुसरीकडे, देवीच्या हाकेला ऐकून काळभैरव भूतलावर प्रकटले आहेत. देवी आपलं अढळ स्थान शोधण्याची जबाबदारी भैरवाला देते. या आठवड्याच्या उत्तरार्थात तुळजाभवानी आणि भवानीशंकर यांच्या नात्यातील रुसवे - फुगवे, नात्यातील गोड क्षण बघायला मिळणार आहेत. त्यांच्यातला समज – गैरसमजाचा गुंता अधिक वाढत जात असून भवानीशंकर रूपात पृथ्वीवर निवास करणाऱ्या महादेवांना देवी ओळखणार का? हा रंजक कथाभाग उलगडत आहे.
देवींची कन्या अशोकसुंदरीला आलेला भवानीशंकराबद्दलचा संशय वाढू लागला आहे. पण, महादेवांना देखील आई तुळजाभवानीसमोर खऱ्या रुपात येण्याची आतुरता लागून राहिली आहे. तर दुसरीकडे शृंगीचे पृथ्वीवर आगमन झाल्यावर साऱ्यांचा आनंद गगनात मावेनासा झाला आहे. पण, श्रुंगी महाराजांचं असं अचानक पृथ्वीवर येण्याचे नेमके कारण काय असेल? याचा खुलासा हळूहळू होईलच. भैरवाला देवीने अढळ स्थान शोधण्याची दिलेल्या जबाबदारीत अध्येमध्ये जाणवणारे शिवतत्व यामुळे देवीचा संशय बळावला असून देवींना सत्य समजल्यावर त्यांची नेमकी प्रतिक्रिया काय असेल, त्यांच्या रागात भर पडेल ? की कुटुंब एकत्र आल्याचा आनंद असेल? हा अत्यंत उत्कंठावर्धक कथानकाचा प्रवास येत्या शनिवार 25 जानेवारीपर्यंतच्या आई तुळजाभवानीच्या भागात दिसणार आहे.
View this post on Instagram
मानवीरूपात देवांना ही भोगांना सामोरं जावं लागणं, हा कथेचा विषय जितका अनोखा तितकाच आदिशक्तीच्या या रचनेपाठची लीला ही आवर्जून जाणून घेण्यासारखी आहे. येत्या काही भागांत मालिकेत अनेक महत्त्वाचे टप्पे प्रेक्षकांना पाहायला मिळणार आहेत, अशी माहिती निर्मात्यांनी दिली आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
