एक्स्प्लोर

काँग्रेसने सहा वर्षांसाठी निलंबित केलेल्या सुलभा खोडके यांची अजित पवारांच्या पक्षातून वर्णी; पहिल्याच यादीत अमरावतीतून उमेदवारी

Amravati Assembly Constituency: काँग्रेसने सहा वर्षांसाठी निलंबित केलेल्या आणि विदर्भातील महत्त्वाचा मतदारसंघ असलेल्या अमरावती विधानसभा मतदारसंघातून आमदार सुलभा खोडके यांना उमेदवारी देण्यात आली आहे.

By : एबीपी माझा वेब टीम | Edited By: Vishal Deokar | Updated at : 23 Oct 2024 01:27 PM (IST)

Sulbha Khodke who was suspended by Congress for six years is the candidate of Ajit Pawar ncp party from Amravati Assembly Constituency Maharashtra Vidhan Sabha Election 2024 काँग्रेसने सहा वर्षांसाठी निलंबित केलेल्या सुलभा खोडके यांची अजित पवारांच्या पक्षातून वर्णी; पहिल्याच यादीत अमरावतीतून उमेदवारी

Sulbha Khodke on Amravati Assembly Constituency

Maharashtra Vidhan Sabha Election 2024 मुंबई : महाराष्ट्र विधानसभा निवडणूक 2024 साठी अजित पवार (Ajit Pawar) यांच्या राष्ट्रवादी काँग्रेसने आज आपली पहिली उमेदवार यादी जाहीर केली आहे. पहिल्या यादीमध्ये राष्ट्रवादी काँग्रेसच्या बड्या नेत्यांचा समावेश आहे. यामध्ये धनंजय मुंडे यांना परळीतून, दिलीप वळसे पाटील यांना आंबेगाव मधून, तर स्वात: बारामतीमधून अजित पवार, येवलामधून छगन भुजबळ इत्यादींसह अनेक दिग्गज नेत्यांचा या यादीत समावेश आहे.

दरम्यान, या यादीत विदर्भातील महत्त्वाचा मतदारसंघ असलेल्या अमरावती विधानसभा मतदारसंघातून (Amravati Assembly Constituency) आमदार सुलभा खोडके (Sulbha Khodke) यांना उमेदवारी देण्यात आली आहे. सुलभा खोडके या काँग्रेसच्या (Congress) नेत्या असून त्यांनी पक्ष विरोधी कारवाया केल्याचा ठपका ठेवत काँग्रेस पक्षातून त्यांना सहा वर्षांसाठी निलंबित करण्यात आले होते. त्यानंतर त्या अजित पवारांच्या पक्षात जाण्याच्या चर्चा रंगल्या होत्या. अखेर या चर्चेवर आता शिक्कामोर्तब झाला असून सुलभा खोडके यांची राष्ट्रवादी काँग्रेसच्या पहिल्या यादीत वर्णी लागली आहे.

पहिल्याच यादीत वर्णी, अमरावतीतून उमेदवारी

राज्यातील विधानसभा निवडणूक एक महिन्यावर येऊन ठेपली आहे. येत्या 20 नोव्हेंबरला महाराष्ट्रातील 288 मतदारासंघात एकाच टप्प्यात मतदान पार पडणार आहे. तर 23 नोव्हेंबरला निकाल जाहीर केले जाणार आहेत. निवडणुकांचे बिगुल वाजताच आता विविध पक्षांकडून उमेदवारांच्या यादी जाहीर केल्या जात आहेत. आज राष्ट्रवादीच्या अजित पवार गटाची यादी जाहीर करण्यात आली आहे. विधानसभेसाठी उमेदवारांच्या नावाची पहिली यादी जाहीर करण्यात आली. या यादीमध्ये 38 उमेदवारांचा समावेश आहे. राष्ट्रवादी काँग्रेसचे नेते अजित पवार, सुनील तटकरे, प्रफुल पटेल यांनी आज पत्रकार परिषद घेत ही पहिली यादी प्रसिद्ध केली आहे.

दरम्यान, अमरावती जिल्ह्यातील अनेकांनी आज अजित पवार यांच्या राष्ट्रवादी काँग्रेस पक्षात प्रवेश केला आहे. सेजल कदम आणि सुलभा खोडके यांनी आज पक्षात प्रवेश केला आहे. तसेच राज्यात कालपासून अनेक उमेदवारांना उमेदवारी अर्ज दिला जातोय, अशी माहितीही अजित पवार यांनी दिली.