Niphad Vidhan Sabha Constituency : विधानसभेची खडाजंगी : निफाडमध्ये दिलीप बनकर बाजी मारणार की अनिल कदम पराभवाचा वचपा काढणार?
Niphad Vidhan Sabha Constituency : 2019 च्या निवडणुकीत दिलीप बनकर यांना 96 हजार 354 मतं मिळाली. तर अनिल कदम यांना 78 हजार 686 मतं मिळाली होती.
Niphad Vidhan Sabha Constituency : महाराष्ट्रात विधानसभा निवडणूक 2024 (Maharashtra Assembly Election 2024) एकाच टप्प्यात होणार आहेत. 20 नोव्हेंबरला मतदान होणार असून 23 नोव्हेंबरला मतमोजणी होणार आहे. निफाड विधानसभा मतदारसंघात (Niphad Vidhan Sabha Constituency) महायुतीकडून राष्ट्रवादी अजित पवार गटाने (NCP Ajit Pawar Group) विद्यमान आमदार दिलीप बनकर (Dilip Bankar) यांना पुन्हा एकदा निवडणुकीच्या रिंगणात उतरवले आहे. त्यांच्या विरोधात महाविकास आघाडीकडून (Mahavikas Aghadi) शिवसेना ठाकरे गटाने (Shiv Sena UBT) अनिल कदम (Anil Kadam) यांना उमेदवारी दिली आहे. निफाड विधानसभा मतदारसंघात अनिल कदम की दिलीप बनकर? कोण बाजी मारणार? हे पाहणे महत्त्वाचे ठरणार आहे.
2009 च्या विधानसभा निवडणुकीत निफाडची लढत ही राष्ट्रवादीचे दिलीप बनकर विरुद्ध शिवसेनेचे अनिल कदम यांच्यात झाली होती. अनिल कदम यांना 90 हजार 65 मतं मिळाली आणि ते विजयी झाले. तर दिलीप बनकर यांना 56 हजार 920 मतं मिळाली होती. यानंतर 2014 मध्ये पुन्हा एकदा निफाडमध्ये दिलीप बनकर विरुद्ध अनिल कदम यांचा सामना झाला. या निवडणुकीत अनिल कदम यांना 78 हजार 186 मतं मिळाली तर दिलीप बनकर यांना 74 हजार 265 मतं मिळाली. अवघ्या 3 हजार 921 मतांनी अनिल कदम यांचा निसटता विजय झाला होता. यानंतर दोन पराभवांचा वचपा दिलीप बनकर यांनी भरुन काढला. राष्ट्रवादीच्या तिकिटावर लढलेल्या बनकरांना 2019 च्या निवडणुकीत 96 हजार 354 मतं मिळाली. तर त्यांच्या विरोधात उभ्या असलेल्या अनिल कदम यांना 78 हजार 686 मतं मिळाली.
दिलीप बनकर विरुद्ध अनिल कदम यांच्यात लढत
राष्ट्रवादी पक्षाच्या फुटीवेळी दिलीप बनकर यांनी राष्ट्रवादीचे सर्वेसर्वा शरद पवार (Sharad Pawar) यांची साथ सोडत अजित पवारांसोबत जाण्याचा निर्णय घेतला. अजित पवार यांनी दिलीप बनकर यांना पुन्हा एकदा संधी दिली आहे. तर त्यांच्या विरोधात पराभवाचा वचपा काढण्यासाठी अनिल कदम पुन्हा निवडणुकीच्या मैदानात उतरले आहेत. आता निफाड विधानसभा मतदारसंघातून दिलीप बनकर बाजी मारणार की अनिल कदम 2019 च्या पराभवाचा वचपा काढणार? याकडे सर्वांचे लक्ष लागले आहे.
इतर महत्त्वाच्या बातम्या
महत्त्वाच्या बातम्या
ट्रेंडिंग न्यूज
