75 वर्षापासून एकाच घराकडे सत्ता, गोड बोलून मतदारांना गुळ लावणाऱ्यांना त्यांची जागा दाखवा, हेमंत पाटलांचा अशोक चव्हाणांना टोला
Hemant Patil : गोड बोलून ज्यांनी ज्यांनी मतदारांना गुळ लावला आहे, त्यांना त्यांची जागा दाखवा, असे आवाहन शिवसेना शिंदे गटाचे आणदार हेमंत पाटील यांनी मतदारांना केले आहे.
Hemant Patil : गोड बोलून ज्यांनी ज्यांनी मतदारांना गुळ लावला आहे, त्यांना त्यांची जागा दाखवा, असे आवाहन शिवसेना शिंदे गटाचे आणदार हेमंत पाटील यांनी मतदारांना केले आहे. मकर संक्रातीच्या निमित्ताने संक्रमण करण अपेक्षित आहे. मागील 75 वर्षापासून नांदेडची महानगरपालिका ही चव्हाण परिवाराच्या हातामध्ये आहे. नांदेड शहराचे रूपांतर बकाल अशा खेड्यामध्ये झाले आहे. नांदेड शहरामध्ये पाचशे मीटरचा रस्ता खड्डा नसलेला, शाबित असलेलं ड्रेनेज झाकण, पेवर ब्लॉक उखडलेला फुटपाथ दाखवा, अशोक चव्हाण यांना एक लाख रुपयांच बक्षीस देतो असा टोला देखील हेमतं पाटील यांनी अशोक चव्हाण यांना लगावला.
सातत्याने सर्वांचा सन्मान ठेवून गोड बोलण्याचा माझा प्रयत्न
सातत्याने सर्वांचा सन्मान ठेवून गोड बोलण्याचा माझा प्रयत्न असतो असे हेमंत पाटील म्हणाले. मतदारांना भेटतोय सर्वांना तिळगुळ देतोय, ज्यांनी ज्यांनी गोड बोलून मतदारांना गुळ लावलेला आहे त्यांना त्यांची जागा दाखवावी असं आवाहन देखील त्यांनी मतदारांना केलं आहे. एवढ्या मोठ्या महानगरपालिकेमध्ये उमेदवारीवरून मतभेद असू शकतात. मीनल पाटील यांचे पती शासन आपल्या दारी लाडकी बहीण या योजनेसाठी ते काम करत असतात, त्यामुळं एकनाथ शिंदे आणि श्रीकांत शिंदे साहेबांकडूनच त्यांना लॉन्च करण्यात आलं होतं. कार्यालयाच्या उद्घाटन प्रसंगी गेलो होतो काँग्रेसमध्ये असलेले पूर्वीचे नगरसेवक त्यांना शिवसेनेमध्ये घेण्यात आले आहे. ज्यांनी शिवसेनेसाठी खस्ता खाल्ल्या आहेत, त्यांना तर उमेदवारी मिळावी असा माझा आग्रह होता असे हेमतं पाटील म्हणाले.
रोज का मटन आणि कमळाचे दाबा बटन
मी आणि माझा गट असा काही लोकांचा आग्रह होता. आम्ही शिवसेना वाढवण्यासाठी काम करतो गट वाढवण्यासाठी नाही असे हेमंत पाटील म्हणाले. नांदेड वाघाळा महानगरपालिकेवरती संमिश्र असं चित्र असेल. काल रात्रीपासून मतदारांमध्ये मोठ्या प्रमाणामध्ये पैशाचं वाटप चालू झालं आहे. रोज का मटन आणि कमळाचे दाबा बटन असा अशोक चव्हाण यांनी घोषणा दिली आहे. त्यामुळं मतदारांची तुलना पाव किलो मटणामध्ये केली आहे त्यामुळे ते काय होईल काय सांगता येत नाही असे हेमंत पाटील म्हणाले.
कदा बदल घडवा आणि शिवसेनेच्या ताब्यात महानगरपालिका द्या
सातत्याने अशोक चव्हाण आणि त्यांनी आणलेले आयुक्त हे सातत्याने 20 टक्के जादा दराने टेंडर देत असतात. हक्काच्या महानगरपालिकेच्या सर्व जागा खासगी विकासकांना देतात त्यामधून पैसे काढतात आणि तेच पैसे निवडणुकीमध्ये वापरतात. 75 वर्षापासून सातत्याने एकाच घराण्याकडे तुम्ही सत्ता दिलेली आहे नांदेडमध्ये बदल पाहिजे असेल तर एकदा बदल घडवा आणि शिवसेनेच्या ताब्यात महानगरपालिका द्या असे आवाहन हेमंत पाटील यांनी केले.
महत्त्वाच्या बातम्या
