Maharashtra Assembly Election Result 2024: मुंबईचा 'किंग' कोण? ठाकरे विरुद्ध शिंदे काँटे की टक्कर, मनसेमुळे गणित बिघडणार?

Maharashtra Assembly Election Result 2024 LIVE: मुंबई जिल्ह्यात एकूण 36 मतदारसंघ येतात. त्यापैकी 10 मुंबई शहरात आणि उर्वरित 26 मतदारसंघ मुंबई उपनगरात येतात. मुंबईतील लढती या आगामी राजकारणाच्यादृष्टीनं अत्यंत महत्त्वाच्या मानल्या जात आहेत.

Maharashtra Mumbai Vidhan Sabha Nivadnuk Nikal 2024

Source : ABP Majha

Mumbai District Vidhan Sabha Election 2024: महाराष्ट्र विधानसभा निवडणूक निकाल 2024 (Vidhan Sabha Election 2024) आता थोड्याच वेळात स्पष्ट होणार आहे. काही वेळातच सुरुवातीचे कल हाती येतील. गेल्या अडीच वर्षात राज्यानं अनुभवलेल्या अभूतपूर्व सत्तासंघर्षानंतर राज्यातील मतदार राजानं कुणाच्या पदरात मतांचं दान टाकलं? हे आज स्पष्ट होणार आहे. राज्यातील जनता सत्तेच्या चाव्या कुणाच्या हाती सोपवणार? याचा फैसला आज होणार आहे. अशातच संपूर्ण राज्याचं काय? तर देशाचं लक्ष लागलं आहे, ते मुंबईकडे (Mumbai Vidhan Sabha Elecltion 2024). आगामी काळात गेल्या बऱ्याच वर्षांपासून रखडलेल्या निवडणुका येत्या काळात लागण्याची शक्यता आहे. त्यामुळे आगामी महापालिका निवडणुकांच्या दृष्टीनं मुंबई जिल्हा विधानसभा मतदारसंघात जास्तीत जास्त आमदार निवडणून आणणं याकडे प्रत्येक पक्षाचं लक्ष असणार आहे. अशातच यापूर्वी पार पडलेल्या लोकसभा निवडणुकांमध्ये मुंबईवर ठाकरेंचं वर्चस्व पाहायला मिळालं होतं. त्यामुळे आता विधानसभेत ठाकरे आपलं अस्तित्व टिकवणार की, शिंदे ठाकरेंवर मात करणार? हे पाहणं महत्त्वाचं ठरणार आहे. 

राज्यातील विधानसभा निवडणुकीत 288 जागांसाठी एकूण 4140 उमेदवार रिंगणात उतरले आहेत. मुंबई जिल्ह्यात एकूण 36 मतदारसंघ येतात. त्यापैकी 10 मुंबई शहरात आणि उर्वरित 26 मतदारसंघ मुंबई उपनगरात येतात. मुंबईतील लढती या आगामी राजकारणाच्यादृष्टीनं अत्यंत महत्त्वाच्या मानल्या जात आहेत. जो पक्ष मुंबईत बाजी मारतो, त्या पक्षाचा आगामी मुंबई महानगरपालिका निवडणुकीत वरचष्मा राहतील, अशा चर्चा सुरू आहेत. यादृष्टीनं मुंबई शहरातील 10 मतदारसंघाचा निकाल हा महायुती आणि महाविकास आघाडी यांच्या दृष्टीनं महत्त्वपूर्ण मानला जात आहे. 

Disclaimer: निवडणुकीचे निकाल येण्यास सुरुवात झाली आहे. विजयी उमेदवारांची यादी अपडेट होत आहे. त्यानुसार बातमी रिफ्रेश करा.   

मुंबई शहरात कोणत्या मतदारसंघात कोणत्या पक्षाकडून कोण निवडणुकीच्या रिंगणात...? 

विधानसभा मतदारसंघ	मविआचे उमेदवार	महायुतीचे उमेदवार	इतर पक्षांचे उमेदवार
कुलाबा विधानसभा	हिरा नवाजी देवासी (काँग्रेस)	राहुल नार्वेकर (भाजप)	अर्जुन गणपत रुखे (बहुजन समाज पार्टी)
मलबार हिल विधानसभा	भेरुलाल दयालाल चौधरी (ठाकरे गट)	मंगल प्रभात लोढा (भाजप)
मुंबादेवी विधानसभा	अमीन पटेल (काँग्रेस)	शायना मनिष चुडासमा मुनोत (शिवसेना)
भायखळा विधानसभा	मनोज जामसुतकर (ठाकरे गट)	यामिनी यशवंत जाधव (शिवसेना)	फैयाज अहमद रफीक अहमद खान  (एआयएमआयएम)
शिवडी विधानसभा	अजय चौधरी (ठाकरे गट)		बाळा नांदगावकर (मनसे)
वरळी विधानसभा	आदित्य ठाकरे (ठाकरे गट)	मिलिंद देवरा (शिवसेना)	संदीप देशपांडे (मनसे)
माहीम विधानसभा	महेश सावंत (ठाकरे गट)	सदा सरवणकर (शिवसेना)	अमित राज ठाकरे (मनसे)
वडाळा विधानसभा	श्रद्धा जाधव (ठाकरे गट)	कालिदास कोळंबकर (भाजप)	स्नेहल सुधीर जाधव (मनसे)
सायन-कोळीवाडा विधानसभा	गणेश कुमार यादव  (काँग्रेस)	कॅप्टन आर तमिल सेल्वन (भाजप)	संजय प्रभाकर भोगले (मनसे)
धारावी विधानसभा	डॉ. ज्योती एकनाथ गायकवाड (काँग्रेस)	राजेश शिवदास खंदारे (शिवसेना)	मनोहर केदारी रायबागे (बहुजन समाज पार्टी)

महत्त्वाच्या इतर बातम्या :