Pusad Assembly Election Result: पुसदमध्ये इंद्रनील नाईक विजयी, शरद मैंद यांना पराभवाचा धक्का
Pusad Vidhan Sabha election : पुसद विधानसभा मतदारसंघात राष्ट्रवादी काँग्रेसचे इंद्रनील नाईक यांनी शरद पवारांच्या राष्ट्रवादीचे शरद मैंद यांचा पराभव केला आहे.
यवतमाळ : यवतमाळ जिल्ह्यात विधानसभेचे 7 मतदारसंघ आहेत. जिल्ह्यात यवतमाळ, राळेगाव, वणी, आर्णी,पुसद, दिग्रस आणि उमरखेड हे मतदारसंघ आहेत. पुसद विधानसभा मतदारसंघावर नाईक कुटुंबाचं वर्चस्व राहिलेलं आहे. महायुतीमध्ये ही जागा अजित पवार यांच्या राष्ट्रवादी काँग्रेसला सोडण्यात आली होती. शरद पवारांच्या राष्ट्रवादीनं शरद मैंद यांना उमेदवारी दिली होती. इंद्रनील नाईक यांना 127964 मतं मिळाली. तर, राष्ट्रवादी काँग्रेस पार्टी शरदचंद्र पवार पक्षाचे उमेदवार शरद मैंद यांना 37195 मतं मिळाली. तर, वंचितच्या महादेव वैद्य यांना 36575 मतं मिळाली आहेत. इंद्रनील नाईक यांनी शरद मैंद यांचा पराभव करत विजयावर नाव कोरलं.
पुसदमध्ये दोन्ही राष्ट्रवादीमध्ये लढत
2019 च्या विधानसभा निवडणुकीत यवतमाळ जिल्ह्यातील 7 जागांपैकी 6 जागा महायुतीला मिळाल्या होत्या. भाजपनं 5 आणि शिवसेनेनं एका जागेवर विजय मिळवला होता. केवळ एका मतदारसंघात काँग्रेस- राष्ट्रवादी काँग्रेसला यश मिळालं होतं. पुसद मतदारसंघात राष्ट्रवादी काँग्रेसचे इंद्रनील नाईक विजयी झाले होते. इंद्रनील नाईक यांनी 2019 ला भाजपच्या निलय नाईक यांचा पराभव केला होता. यावेळी मात्र, राष्ट्रवादी काँग्रेसमध्ये फूट पडल्यानंतर दोन्ही गट आमने सामने आले होते.
लोकसभेला पुसदमध्ये काय घडलं?
यवतमाळ जिल्ह्यातील विधानसभा मतदारसंघ तीन लोकसभा मतदारसंघात विभागले गेले आहेत. चंद्रपूर, यवतमाळ-वाशिम आणि हिंगोली या लोकसभा मतदारसंघात सात विधानसभा मतदारसंघ विभागलेले आहेत. यवतमाळ जिल्ह्यातील मतदारांनी लोकसभा निवडणुकीत महाविकास आघाडीला पाठिंबा दिला होता. सात पैकी सहा मतदारसंघात महाविकास आघाडीच्या उमेदवारांना आघाडी दिली होती. केवळ पुसद मतदारसंघातून महायुतीच्या उमेदवारला आघाडी मिळाली होती. पुसद विधानसभा मतदारसंघातून शिवसेनेच्या राजश्री पाटील यांना आघाडी मिळाली होती. तर, संजय देशमुख या मतदारसंघात पिछाडीवर राहिले होते. राजश्री पाटील यांना 79984 मतं मिळाली होती. तर,संजय देशमुख यांना 76786 मतं मिळाली आहेत.
पुसद विधानसभा मतदारसंघात 2019 च्या विधानसभा निवडणुकीत इंद्रनील नाईक यांनी लढत दिली होती. इंद्रनील नाईक यांना त्यावेळी 89143 मतं मिळाली होती. तर, निलय नाईक यांना 79442 मतं मिळाली होती. अपक्ष उमेदवार ज्ञानेश्वर बेळे यांना 11255 मतं मिळाली होती. यावेळी भाजप, शिवसेना आणि राष्ट्रवादी काँग्रेस एकत्र असल्यानं महायुतीकडून इंद्रनील नाईक रिंगणात आहेत. विरोधात शरद मेंद निवडणूक लढवत होते.
इतर बातम्या :
महत्त्वाच्या बातम्या
