Daund Assembly Election: रमेश थोरातांना राहुल कुल यांचा धक्का; दौंड विधानसभा मतदारसंघात पुन्हा भाजपने उधळला गुलाल, शरद पवारांच्या राष्ट्रवादीच्या उमेदवाराचा पराभव
Daund Assembly Election: भाजपचे आमदार राहुल कुल यांनी दौंड विधानसभा मतदारसंघात विजय मिळवला आहे.
Daund Assembly Election: महाराष्ट्रात विधानसभा निवडणुकीचे निकाल हाती येत आहेत. पुणे जिल्ह्यातील दौंड मतदारसंघाचा (Daund Assembly Election) निकाल आता स्पष्ट झाला आहे. दौंडमधील मतमोजणीला सुरुवात झाल्यानंतर भाजपचे उमेदवार राहुल कुल (Rahul Kul) आघाडीवर होते. त्या आघाडीची घौडदौड कायम ठेवत विजय मिळवला आहे. राष्ट्रवादी काँग्रेस शरद पवार पक्षाचे उमेदवार रमेश थोरात (Ramesh Thorat) यांना मोठा धक्का बसला आहेत. दौंड (Daund Assembly Election) तालुक्यात यंदा अटीतटी लढत झाली. राहुल कुल (Rahul Kul) यांना टक्कर देण्यासाठी शरद पवारांनी रमेश थोरात यांना उमेदवारी दिली होती. 13678 मतांनी भाजपचे राहुल कुल (Rahul Kul) विजयी झाले आहेत. 2019च्या विधानसभा निवडणुकीत आमदार राहुल कुल (Rahul Kul) यांचा विजय हा काठावर झाला होता. रमेश थोरात यांचा अवघ्या 746 मतांनी निसटता पराभव झाला होता. यावेळी देखील रमेश थोरात यांनी (Ramesh Thorat) पुन्हा राहुल कुल (Rahul Kul)यांच्याविरूध्द लढत दिली पण या विधानसभा निवडणुकीत देखील त्यांना धक्का बसला आहे. (Daund Assembly Election)
विधानसभेच्या 2009 च्या विधानसभा निवडणुकीमध्ये रमेश थोरात अपक्ष निवडून आले होते, त्यानंतर त्यांनी राष्ट्रवादी काँग्रेसमध्ये प्रवेश केला होता मात्र, यावेळी देखील त्यांना पराभवाचा सामना करावा लागला आहे. राज्यातील काही मतदारसंघांमध्ये निकाल आता समोर येत आहेत, त्यावरून राज्यात पुन्हा एकदा महायुती सरकार स्थापन होण्याची चिन्हं दिसून येत आहेत. महाविकास आघाडीसाठी हा एक मोठा धक्का आहे. भाजपकडून विद्यमान आमदार राहुल कुल (Rahul Kul) यांना उमेदवारी देण्यात आली होती. भाजपने जाहीर केलेल्या पहिल्याच उमेदवार यादीत आमदार राहुल कुल यांची उमेदवारी निश्चित केली होती.
2019 ला मिळालेले मताधिक्य
राहुल कुल - 103664
रमेश थोरात - 102918
2019च्या निवडणुकीत रमेश थोरात यांचा पराभव
2019च्या विधानसभा निवडणुकीमध्ये आमदार राहुल कुल यांचा विजय अगदी काठावर झालेला होता. राहुल कुल यांना 746 मत जास्त मिळाली त्यामुळे रमेश थोरातांचा निसटता पराभव झाला होता. त्या पराभवाचा वचपा ते यंदा काढतील अशी चर्चा असतानाच रमेश थोरात यांना पुन्हा एकदा धक्का बसला आहे. विधानसभेच्या 2009 च्या विधानसभा निवडणुकीमध्ये रमेश थोरात अपक्ष निवडून आले होते, त्यानंतर त्यांनी राष्ट्रवादी काँग्रेसमध्ये प्रवेश केला. मात्र महाविकास आघाडीचा पाठिंबा मिळूनही त्यांना अपयश आलं आहे.
Before You Go
Vijay Thalapathy : तामिळनाडूनत काँग्रेस का हाथ अभिनेता विजय के साथ
महत्त्वाच्या बातम्या
