Chinchwad Assembly Election 2024 : चिंचवड विधानसभेत भाजपने नोंदवला मोठा विजय, शरद पवारांच्या पक्षाला मोठा धक्का
Chinchwad Assembly Election 2024 : चिंचवड विधानसभेच्या जागेवर राष्ट्रवादीकडून राहुल कलाटे हे रिंगणात होते, तर भाजपने शंकर जगताप यांना तिकीट दिले होते.
Chinchwad Assembly Election 2024 : चिंचवड विधानसभा मतदारसंघ हा एकेकाळी काँग्रेस आणि राष्ट्रवादीचा बालेकिल्ला होता. पण तो गेल्या काही निवडणुकांपासून भारतीय जनता पक्षाचा बालेकिल्ला झाला आहे. या मतदारसंघात भाजपमध्ये गेलेले बहुतांश स्थानिक नेते काँग्रेस आणि राष्ट्रवादी काँग्रेसचे आहेत. चिंचवडमध्ये विद्यमान आमदार अश्विनी जगताप आहेत. तर या विधानसभेवेळी अश्विनी जगताप यांच्या दिराला शंकर जगताप यांना संधी दिली होती, त्यांनी विजयाचा गुलाल उधळला आहे.
चिंचवड विधानसभेच्या जागेवर राष्ट्रवादीकडून राहुल कलाटे हे रिंगणात होते, तर भाजपने शंकर जगताप यांना तिकीट दिले होते. गेल्या निवडणुकीत या विधानसभा जागेवर भारतीय जनता पक्षाने विजयाचा झेंडा फडकावला होता. या जागेवर जगताप कुटुंबीयांचे वर्चस्व आहे. 2009 मध्ये लक्ष्मण पांडुरंग जगताप यांनी अपक्ष म्हणून निवडणूक लढवत या जागेवर विजय मिळवला होता. त्यानंतर त्यांनी भाजपमध्ये प्रवेश केला. 2014 ची निवडणूकही त्यांनी भाजपकडून लढवली आणि जिंकली.यानंतर त्यांना 2019 मध्येही तिकीट देण्यात आले. 2023 मध्ये त्यांचे निधन झाले. त्यानंतर पोटनिवडणुकीत याच कुटुंबातील अश्विनी लक्ष्मण जगताप विजयी झाल्या.
भाजपचे उमेदवार लक्ष्मण पांडुरंग जगताप यांना 235323 इतकी मते मिळाली आहेत. तर राहुल कलाटे यांना 131458 इतकी मते मिळाली आहेत. जगताप यांचा 103865 इतक्या मतांनी विजय झाला आहे
भाजपने पक्ष निरीक्षकांनी घेतलेल्या अभिप्रायामध्ये शंकर जगताप एक नंबरवरती आहेत. अश्विनी जगताप दुसऱ्या नंबरवरती व कुठेच चर्चेत नसलेले काळुराम बारणे तिसऱ्या नंबरवरती होते. दिवंगत आमदार लक्ष्मण जगताप यांच्या कुंटूबात आणि विरोधी दोन्ही पक्षात इच्छुक उमेदवारांची संख्या वाढलेली होती. भाजपचे माजी नगरसेवक शत्रुघ्न काटे व चंद्रकांत नखाते यांनीही पक्षाकडे उमेदवारी मागितली होती.
2019 मध्ये विधानसभा निवडणुकीमध्ये अपक्ष असलेल्या राहुल कलाटे यांनी भाजपचे दिवंगत आमदार लक्ष्मण जगताप यांना चांगली टक्कर दिली होती. पोटनिवडणुकीत देखील कलाटे यांनी जवळपास 45 हजार मत घेतली होती. त्यांच्यामुळे पक्षाकडून अधिकृत उमेदवारी मिळालेले नाना काटे यांचा पराभव झाला. कलाटेंमुळे काटेंची मते फुटली होती.
राहुल कलाटे यांनी उमेदवारी मिळवून देण्यासाठी खासदार अमोल कोल्हे आग्रही होते. दोन वेळा अपक्ष लढून पराभव पत्करलेले राहुल कलाटे यावेळी अपक्ष लढण्याच्या मानसिकतेत नव्हते. त्यानंतर राष्ट्रवादी काँग्रेस शरद पवारांच्या पक्षाने त्यांना उमेदवारी दिली, मात्र त्यांना पराभवाचा सामना करावा लागला.
2019 ला मिळालेले मताधिक्य
लक्ष्मण जगताप - 150723
राहुल कलाटे - 112225
महत्त्वाच्या बातम्या
