Maharashtra Assembly Election 2024 : 'मी आमदार झालो तर सर्व पोरांची लग्न लावून देईन'; धनंजय मुंडेंच्या विरोधातील उमेदवाराचं अजब आश्वासन
बाबूराव तुमचं लग्न करायचंय..त्यामुळं आगे बढो म्हणल्याशिवाय तुम्हाला पर्याय नाही असं म्हणताच मतदारांमध्येही हशा पिकला होता. तरुण पोरांना काम मिळवून देणार असं आश्वासनही त्यांनी केले.
Beed: राज्यात विधानसभा निवडणुकांच्या प्रचाराला सुरुवात झाली आहे. मतदारांना आपल्याकडे खेचण्यासाठी उमेदवारांची आश्वासनं सुरु झाली आहेत. आता राष्ट्रवादी काँग्रेसच्या शरद पवार गटाच्या उमेदवारानं काहिसं हास्यास्पद आश्वासन देत परळीच्या मतदारांचं लक्ष वेधून घेतलंय. मी आमदार झालो तर सगळ्या पोरांची लग्न करून देऊ असं म्हणत राष्ट्रवादी काँग्रेसच्या शरद पवार गटाच्या या उमेदवारानं प्रचाराचा शुभारंभ केल्याचं दिसतंय. बीड जिल्ह्याच्या परळी मतदारसंघात केलेल्या या अजब आश्वासनाची सध्या जोरदार चर्चा रंगली आहे.
राष्ट्रवादी काँग्रेसच्या शरद पवार गटाने बीडमधील परळी विधानसभा मतदारसंघातून राजेसाहेब देशमुख यांना उमेदवारी दिली आहे.
आमदार झालो तर सगळ्या पोरांची लग्न!
परळीत आपल्या प्रचाराचा शुभारंभ करताना शरद पवार गटाचे परळीचे उमेदवार राजेसाहेब देशमुख यांनी अजब आश्वासनं देत मतदारांचं लक्ष वेधून घेतलं आहे. ते म्हणाले, तरुण पोरांना लग्नासाठी विचारताना लोक विचारतात, पोराला नोकरी आहे का विचारतात. सरकारच देत नाही तर कशी लागणार..काही उद्योगधंदा आहे का? पालकमंत्र्याचाच उद्योगधंदा नाही तर पोरांचा कसा असेल. यामुळं सगळ्या पोरांचं लग्न होणं अवघड झालंय. त्यामुळं सगळ्या पोरांना मी आश्वासन देतो, जर मी आमदार झालो तर सगळ्या पोरांची लग्न लावून देऊ असं अजब आश्वासन राजेसाहेब देशमुख यांनी केलंय.
बाबूराव तुमचं लग्न करायचंय..त्यामुळं आगे बढो म्हणल्याशिवाय तुम्हाला पर्याय नाही असं म्हणताच मतदारांमध्येही हशा पिकला होता. तरुण पोरांना काम मिळवून देणार असं आश्वासनही त्यांनी केले.
कूचकामी पालकमंत्री म्हणत धनंजय मुंडेंवर टीका
काय चाललंय जिल्ह्यात हुकमी एक्का आणि दादागिरी.. दिसेल त्याला दाबणे. जिल्ह्यात निश्क्रीय आणि कुचकामी पालकमंत्री असल्याचं सांगत त्यांनी पालकमंत्री धनंजय मुंडे यांच्यावर हल्लाबोल केलाय.
महत्त्वाच्या बातम्या
