Maharashtra Vidhansabha Election 2024: कर्जत मतदारसंघात महायुतीने उधळला गुलाल; शिंदे गटाचे महेंद्र थोरवे यांचा विजय
Maharashtra Assembly Election 2024: महायुतीत असणाऱ्या राष्ट्रवादीच्या अजित पवारांच्या शिलेदारकडून महेंद्र थोरवे यांच्याविरोधात शक्तिप्रदर्शन केले जात आहे.
Karjat Vidhansabha Election 2024: कर्जत विधानसभा मतदारसंघात पुन्हा शिवसेनेच्या शिंदे गटाने बाजी मारली आहे. महायुतीचे उमेदवार महेंद्र थोरवे यांनी पुन्हा विजय मिळवला आहे.महेंद्र थोरवे यांनी 5 हजार 694 मतांनी विजय मिळवला आहे. महेंद्र थोरवे यांना एकूण 94 हजार 871 मते मिळाली. महेंद्र थोरवे यांनी ठाकरे गटाचे नितीन सावंत यांचा पराभव केला.
2019 च्या विधानसभा निवडणुकीत काय झालं?
2019 मध्ये हा मतदारसंघ शिवसेनेने जिंकला होता. कर्जत हा महाराष्ट्र राज्यातील रायगड जिल्ह्यांतर्गत येतो. 2019 च्या विधानसभा निवडणुकीत कर्जतमधून एकुण 11 उमेदवार रिंगणात होते. शिवसेनेचे महेंद्र सदाशिव थोरवे आणि राष्ट्रवादी काँग्रेसचे सुरेशभाऊ नारायण लाड यांच्यात मुख्य लढत झाली. यामध्ये महेंद्र थोरवे यांनी बाजी मारत सुरेशभाऊ लाड यांचा पराभव केला. महेंद्र थोरवे यांनी या मतदारसंघात पहिल्यांदा एक लाख मतदानाचा टप्पा पार केला. 189 कर्जत विधानसभा मतदारसंघात 70.81 टक्के मतदान झाले होते. कर्जत मतदारसंघात कधीही कोणताही उमेदवार सलग तीन वेळा निवडून आले नाहीत, ते आमदार सुरेश लाड यांच्या पराभवाने 2019 च्या निवडणुकीत पुन्हा एकदा सिद्ध झाले होते.
2024 च्या लोकसभेच्या निवडणुकीत काय घडलं?
नुकत्याच झालेल्या लोकसभा निवडणुकीत अजित पवार गटाच्या सुनील तटकरे यांचा विजय झाला. तर ठाकरे गटाचे नितीन गिते यांना पराभवाचा सामना करावा लागला. सुनील तटकरे यांनी 508352 मते मिळवत अनंत गिते यांचा पराभव केला. सुनील तटकरे यांनी ही निवडणूक 82,784 मतांनी जिंकली. तर ठाकरे गटाच्या अनंत गीते यांना 425568 मते मिळाली. त्यामुळे सुनील तटकरे हे गेल्या निवडणुकीच्या तुलनेत 2024 च्या लोकसभा निवडणुकीत मोठ्या फरकाने निवडून आले आहेत.
गेले दोन वर्षांत अनेक राजकीय भूकंप-
गेल्या दोन वर्षांत महाराष्ट्राच्या राजकीय वर्तुळात अनेक राजकीय भूकंप झाल्याचं पाहायला मिळालं आहे. सर्वात आधी शिवसेनेतील अंतर्गत बंडाळी, त्यानंतर सत्तेत असलेलं महाविकास आघाडी सरकार कोसळणं, शिंदेंनी भाजपच्या साथीनं महायुती सरकार स्थापन करुन स्वतः मुख्यमंत्रीपदी विराजमान होणं, त्यानंतर अजित पवारांच्या बंडानंतरची राष्ट्रवादीतील फूट, तसेच एकनाथ शिंदे आणि अजित पवार यांनी थेट शिवसेना आणि राष्ट्रवादी काँग्रेस पक्षावर ठोकलेला दावा. यासर्व घडामोडी राज्याच्या राजकारणाला हादरे देणाऱ्या ठरल्या. त्यामुळे ज्या मतदार राजानं हे राजकीय हादरे झेलले, तो मतदार राजा यंदा राज्याचं सिंहासन कुणाच्या हवाली करणार हे पाहणं महत्त्वाचं ठरणार आहे.
संबंधित बातमी:
महत्त्वाच्या बातम्या
