Junnar Vidhansabha election 2024 : जुन्नर मतदारसंघात दोन्ही राष्ट्रवादींना मोठा धक्का! मतदारांचा कौल अपक्ष उमेदवाराला, शरददादा सोनावणेंच्या गळ्यात विजयाची माळ
Junnar Vidhansabha election 2024 : जुन्नर विधानसभा मतदारसंघामध्ये राष्ट्रवादी काँग्रेसच्या दोन्ही पक्षांना मोठा धक्का बसला आहे. मतदारांनी अपक्ष उमेदवाराला आपला कौल दिला आहे.
Junnar Vidhansabha election 2024 : पुणे जिल्ह्यात विधानसभेच्या (Pune Vidhansabha election) काही मतदारसंघामध्ये राष्ट्रवादी विरूध्द राष्ट्रवादी अशी लढत झाली. जुन्नर विधानसभा मतदारसंघामध्ये देखील राष्ट्रवादी विरूध्द राष्ट्रवादी आणि अपक्ष अशी लढत झाली. राष्ट्रवादी काँग्रेस अजित गटाने या मतदारसंघात विद्यमान आमदार अतुल बेनके यांना तिकीट दिले असले तरी पुणे जिल्हा हा शरद पवारांचा राजकीय प्रभाव असलेला मतदारसंघ मानला जात होता. त्यामुळे बेनकेंना यावेळी फटका बसण्याची शक्यता वर्तण्यात येत होती. मात्र, या मतदारसंघात दोन्ही राष्ट्रवादींना धक्का बसला आहे.
अपक्ष उमेदवार शरददाद सोनावणे यांना 73355 इतकी मते मिळाली आहेत. तर विद्यमान आमदार अतुल बेनके यांना 48100 इतकी मते मिळली आहेत. तर शरद पवारांच्या राष्ट्रवादी काँग्रेसच्या सत्यशील शेरकर यांना 66691 इतकी मते मिळाली आहेत.
जुन्नर मतदारसंघ 1972 पासून आतापर्यंत या विधानसभेच्या निवडणुकीत काँग्रेसने 4 वेळा तर राष्ट्रवादी काँग्रेसने 3 वेळा विजय मिळवला आहे. याशिवाय 2019 च्या विधानसभा निवडणुकीमध्ये या मतदारसंघातून राष्ट्रवादी काँग्रेसचे अतुल बेनके यांनी शिवसेनेचे शरद भीमाजी सोनवणे यांचा 9068 मतांनी पराभव केला होता.
जुन्नरमध्ये कोणाचं वर्चस्व?
जुन्नर विधानसभेच्या (Pune Vidhansabha election) गेल्या तीन निवडणुकांची स्थिती पाहिली तर 2 वेळा राष्ट्रवादी काँग्रेस आणि एकदा मनसेने विजय मिळवला असला तरी, गेल्या पाच वर्षांमध्ये राज्याच्या राजकारणात बरेच बदल झाले आहेत. गेल्या निवडणुकीत अतुल बनके यांनी अविभाजित राष्ट्रवादी काँग्रेसकडून निवडणूक लढवली होती. यावेळी राष्ट्रवादी काँग्रेसमध्ये फूट पडली होती. या मतदारसंघात देखील शरद पवारांबद्दल जनतेत सहानुभूतीची लाट निर्माण झाली तर अतुल बेनके यांचा मार्ग अवघड होऊ शकतो, अशी शक्यता वर्तवली होती. मात्र, दोन्ही पवारांना मोठा धक्का बसला आहे.
उमेदवारांची नावे
महाविकास आघाडीमध्ये (MVA) ही जागा शरद पवारांच्या पक्षाला देण्यात आलेली होती. शरद पवारांच्या (NCP Sharad Pawar) राष्ट्रवादी काँग्रेसकडून जुन्नरचे काँग्रेसचे नेते, विघ्नहर सहकारी साखर कारखान्याचे संचालक सत्यशील शेरकर यांना संधी देण्यात आली होती. तर राष्ट्रवादी काँग्रेस अजित पवारांच्या पक्षाकडून पुन्हा एकदा विद्यमान आमदार अतुल बेनके यांना संधी देण्यात आली होती मात्र, अपक्ष नेत्यांने विजयाचा गुलाल उधळला.
2019 विधानसभा निवडणुकीत काय झालं?
2019 च्या निवडणुकीमध्ये अविभाजित राष्ट्रवादी काँग्रेसच्या अतुल बेनके (Atul Benke) यांनी विजय मिळवला होता. मनसेमधून शिवसेनेत प्रवेश केलेल्या शरद सोनवणेंचा पराभव झाला होता. अतुल बेनकेंना 74,958 तर शरददादा सोनवणेंना 65,890 आणि अपक्ष लढलेल्या आशाताई बुचकेंना 50,041 मते मिळाली होती. या विधानसभा निवडणुकीवेळी पक्षफुटीचा फटका बसण्याची शक्यता वर्तवली जाते आहे.
महत्त्वाच्या बातम्या
