Karnataka Government Formation: कर्नाटकच्या मुख्यमंत्रीपदाचा निर्णय दिल्लीत होण्याची शक्यता; सिद्धारमय्या दिल्ली दौऱ्यावर

Karnataka Election Result 2023: कर्नाटक विधानसभा निवडणुकीत स्पष्ट बहुमत मिळवून काँग्रेसने भाजपला सत्तेतून हद्दपार केलं आहे. आता मुख्यमंत्रीपदाच्या नावावरून पक्षात मंथन सुरू आहे.

Who will be Karnataka New CM? ( Image Source :PTI )

Karnataka Government Formation: कर्नाटकात काँग्रेसने (Congress) एक हाती सत्ता स्थापन केली आहे. पण कर्नाटकचा पुढचा मुख्यमंत्री कोण? याबाबत अद्याप कोणताही निर्णय झालेला नाही. कर्नाटकचा (Karnataka) पुढील मुख्यमंत्री कोण होणार यावर सस्पेन्स कायम आहे, पण लवकरच काँग्रेस अध्यक्ष मल्लिकार्जुन खर्गे याबाबतची घोषणा करणार असल्याची माहिती मिळतेय.

कर्नाटकमध्ये गुरुवारी (18 मे) मुख्यमंत्रीपदाचा शपथविधी होऊ शकतो. माजी मुख्यमंत्री सिद्धारमय्या (Siddaramaiah) आणि काँग्रेसचे प्रदेशाध्यक्ष डी.के. शिवकुमार (D. K. Shivakumar) हे मुख्यमंत्री पदाच्या शर्यतीत आघाडीवर आहेत. एबीपी न्यूजला काँग्रेसच्या सूत्रांकडून मिळालेल्या माहितीनुसार, मुख्यमंत्रीपदासाठी सिद्धारमय्या यांचं नाव आघाडीवर आहे.

मुख्यमंत्रीपदासाठी सिद्धारमय्या यांना बहुतांश आमदारांचा पाठिंबा?

बहुतांश आमदारांनी मुख्यमंत्री पदासाठी सिद्धारमय्या यांना पाठिंबा दिला असल्याची शक्यता आहे, मात्र जर डीके शिवकुमार यांना अधिक पाठिंबा मिळाला, तर निर्णय त्यांच्या बाजूने जाऊ शकतो, असे मानले जात आहे. काँग्रेसच्या सूत्रांनी दिलेल्या माहितीनुसार, येत्या दोन दिवसांत मुख्यमंत्र्यांच्या नावाची घोषणा करून गुरुवारी शपथविधी घेण्याचा पक्ष नेतृत्वाचा विचार आहे. एक मुख्यमंत्री आणि एक उपमुख्यमंत्री यांच्यासह 24-25 मंत्री एकाच वेळी शपथ घेऊ शकतात.

सिद्धारमय्या यांना मुख्यमंत्री न केल्यास फूट पडू शकते

सूत्रांनी दिलेल्या माहितीनुसार, डी.के. शिवकुमार यांच्याबाबत अनेक मुद्दे आहेत जे लक्षात ठेवावे लागतील. मुख्यमंत्र्यांनी कोणत्याही प्रकारच्या आरोपांपासून दूर असले पाहिजे. त्यामुळे, डी.के. शिवकुमार यांना मुख्यमंत्री न केल्यास पक्षात फूट पडण्याची चिन्हं नाहीत, पण सिद्धारमय्या यांना मुख्यमंत्री पद न दिल्यास काँग्रेस पक्षात नाराजी पसरू शकते, असे सूत्रांचे म्हणणे आहे.

सिद्धारमय्या मुख्यमंत्री नसतील तर फूट पडू शकते

सूत्रांनी दिलेल्या माहितीनुसार, डीके शिवकुमार यांच्यासोबत इतरही अनेक मुद्दे आहेत ज्या लक्षात ठेवाव्या लागतील. मुख्यमंत्र्यांनी कोणत्याही प्रकारच्या आरोपांपासून स्वच्छ असले पाहिजे. डीके शिवकुमार यांना मुख्यमंत्री न केल्यास पक्षांमध्ये फूट पडेल, सिद्धारमय्या यांना मुख्यमंत्री न केल्यास पक्षांमध्ये नाराजी निर्माण होईल, असे सूत्रांचे म्हणणे आहे.

सिद्धारमय्या दिल्लीला रवाना

कर्नाटकातील मुख्यमंत्र्याची निवड करण्यासाठी पर्यवेक्षकांची टीम तयार करण्यात आली आहे. ही टीम याबाबतचा अहवाल काँग्रेस अध्यक्ष मल्लिकार्जुन खर्गे यांच्याकडे सोपवणार आहे. त्यासाठी आज सिद्धारमय्या आणि अनेक बडे नेते दिल्लीत मल्लिकार्जुन खर्गेंची भेट घेणार आहेत. यासाठी सिद्धारमय्या दिल्लीला रवाना झाले आहेत, तर दुसरीकडे शिवकुमार म्हणतात की, त्यांना दिल्लीत येण्याचा फोन आलेला नाही. रविवारी सीएलपीच्या बैठकीत नवनिर्वाचित आमदारांनी पुढील मुख्यमंत्री निवडण्याचे काम मल्लिकार्जुन खर्गे यांच्यावर सोपवले.

हेही वाचा: