Karnataka Election 2023: कर्नाटक निवडणुकीत सोनिया गांधींची एन्ट्री, राहुल गांधींच्या 3 जाहीर सभा, काँग्रेसने आतापर्यंत किती रॅली आणि रोड शो केले? जाणून घ्या...
Karnataka Elections: कर्नाटक निवडणुकीच्या पार्श्वभूमीवर सोनिया गांधी हुबळी येथे सभा करणार आहेत. मल्लिकार्जुन खर्गे देखील जाहीर सभेला उपस्थित राहणार आहेत. तर, राहुल गांधीही आज 3 जाहीर सभा घेणार आहेत.
Karnataka Elections: कर्नाटक (Karnataka) राज्यातील निवडणुकींच्या पार्श्वभूमीवर राजकीय पक्षांसाठी शनिवार (6 मे) हा अत्यंत व्यस्त दिवस असणार आहे. एकीकडे पंतप्रधान मोदींसह (PM Modi) भाजपच्या बड्या दिग्गजांचे रोड शो आणि जाहीर सभा होणार आहेत, तर दुसरीकडे काँग्रेसच्या माजी अध्यक्षा सोनिया गांधीही आज निवडणूक प्रचाराच्या रिंगणात उतरल्या आहेत.
सोनिया गांधी (Sonia Gandhi) हुबळी येथे निवडणूक रॅलीला संबोधित करणार आहेत. त्याचवेळी, काँग्रेसचे अध्यक्ष मल्लिकार्जुन खर्गे (Mallikarjun Kharge) हेही सोनिया गांधींसोबत हुबळीच्या (Hubli) जाहीर सभेला उपस्थित राहणार आहेत. याशिवाय काँग्रेस नेते राहुल गांधीही आज जाहीर सभेला संबोधित करणार आहेत. राहुल गांधींचा 7 मे रोजी बंगळुरूमध्ये (Bengluru) भव्य रोड शो होणार आहे.
सोनिया गांधी पहिल्यांदाच निवडणूक प्रचारात
गेल्या चार वर्षांत सोनिया गांधी (Sonia Gandhi) पहिल्यांदाच प्रचार करणार आहेत. सोनिया गांधी हुबळी-धारवाड सेंट्रलमधून काँग्रेसचे उमेदवार आणि माजी मुख्यमंत्री जगदीश शेट्टर (Jagdish Shettar) यांच्या बाजूने जाहीर सभेला संबोधित करणार आहेत. भाजपकडून तिकीट न मिळाल्याने जगदीश शेट्टर काँग्रेसमध्ये आले आहेत. तर, भाजपकडून हुबळी-धारवाड मतदारसंघातून महेश टेंगीनकाई यांना उमेदवारी देण्यात आली आहे.
Get ready to be a part of this significant event as the Congress Parliamentary Party Chairperson, Smt. Sonia Gandhi ji, shares her vision for a brighter future for Karnataka.
— Congress (@INCIndia) May 6, 2023
Stay tuned to our social media handles for live updates.
📺: https://t.co/NGgQ2sGraH
📺:… pic.twitter.com/ORrLQ2Hx6i
सोनिया गांधींची एकमेव जाहीर सभा
सोनिया गांधी यांची कर्नाटकातील (Karnataka) ही एकमेव जाहीर सभा आहे. संध्याकाळी 6 वाजता हुबळी येथे जगदीश शेट्टर (Jagdish Shettar) यांच्या बाजूने निवडणूक रॅलीला त्या संबोधित करणार आहे आणि त्यानंतर तिथून परततील. सोनिया गांधींच्या जाहीर सभेत मल्लिकार्जुन खर्गेही सहभागी होणार आहेत.
Today, the Congress President Shri @Kharge is scheduled to attend a highly-anticipated public meeting in Hubli.
— Congress (@INCIndia) May 6, 2023
Stay tuned to our social media handles for live updates.
📺: https://t.co/NGgQ2sGraH
📺: https://t.co/17P1scygNJ
📺: https://t.co/4uLWRC44PR
📺:… pic.twitter.com/y2HFPhbvYN
राहुल गांधींच्या एकाच दिवशी तीन जाहीर सभा
कर्नाटकात प्रचारादरम्यान राहुल गांधींचे (Rahul Gandhi) सलग 3 कार्यक्रम होणार आहेत. बेळगावच्या यमकनमर्डी येथे दुपारी 2.50 वाजता राहुल गांधी एका सभेला संबोधित करतील. यानंतर ते बेळगावमधील (Belgaon) चिक्कोडी येथे दुपारी 4.10 वाजता आणि हुबळी येथे 6 वाजता जाहीर सभांना संबोधित करतील. हुबळीच्या जाहीर सभेत सोनिया गांधींसोबत राहुल गांधीही उपस्थित राहणार आहेत.
Shri @RahulGandhi is all set to attend a series of exciting public meetings today in Yemkanmardi, Chikkodi and Hubli.
— Congress (@INCIndia) May 6, 2023
Stay tuned for insightful speeches and captivating discussions.
Stay tuned to our social media handles for live updates.
📺: https://t.co/NGgQ2sGraH
📺:… pic.twitter.com/LKVcjWRqJH
काँग्रेसच्या रॅली आणि रोड शो
कर्नाटकातील निवडणूक (Karnataka Election) प्रचारात काँग्रेसने कोणतीही कसर सोडलेली नाही. मल्लिकार्जुन खर्गे, राहुल गांधी आणि प्रियांका गांधी वड्रा यांनी यासाठी मेहनत घेतली आहे. पक्षाच्या या दिग्गजांनी आतापर्यंत 43 रॅली, 13 रोड शो, महिला आणि तरुणांशी 6 संवाद आणि कार्यकर्त्यांसोबत 5 बैठका घेतल्या आहेत. रविवारी (7 मे), राहुल आणि प्रियंका गांधी बंगळुरूच्या शिवाजी नगरमध्ये संयुक्त रॅली काढणार आहेत.
10 मे रोजी कर्नाटकातील 224 सदस्यीय विधानसभेसाठी एकाच टप्प्यात मतदान होणार आहे. त्याचा निकाल 13 मे रोजी जाहीर होणार आहे. या विधानसभा निवडणुकीत एकूण 5,21,73,579 मतदार मतदान करणार असल्याची माहिती निवडणूक आयोगाने दिली आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
