Jalgaon Rural Vidhan Sabha Result 2024: जळगाव ग्रामीणमध्ये महायुतीचं 'गुलाब' फुललं! मविआची सपशेल हार, चुरशीची लढत
Jalgaon Rural Vidhan Sabha Constituency: 2019 मध्ये गुलाबराव पाटील सलग दुसऱ्यांदा आमदार झाले होते. यंदाही जनतेचा पाठिंबा त्यांनाच मिळाला आहे.
Jalgaon Rural Vidhan Sabha Constituency: महाराष्ट्र विधानसभा निवडणूक 2024 चं (Maharashtra Assembly Election 2024) रणशिंग फुंकलं असून सर्वात चर्चेचा जळगाव ग्रामीण विधानसभा मतदारसंघात (Jalgaon Rural Vidhan Sabha Constituency) उमेदवारांनी आपली कंबर कसल्याचं पाहायला मिळालं. या मतदार संघात आपल्याला थेट लढत पाहायला मिळाली. यंदा महायुतीचे उमेदवार मंत्री गुलाबराव पाटील (Gulabrao Patil) विजयी झाले असून त्यांच्या विरोधात महाविकास आघाडीचे माजी मंत्री गुलाबराव देवकर (Gulabrao Devkar) रिंगणात होते.
यंदा जनतेचा पाठिंबा महायुतीला..!
20 नोव्हेंबरला संपूर्ण राज्यात एकाच टप्प्यात मतदान पार पडले. तर 23 नोव्हेंबरला निकाल सर्वांसमोर आला आहे. राज्यातील दोन बड्या पक्षांमध्ये फूट पडल्यानंतर यंदा प्रथमच निवडणुका होत असल्याने यंदाच्या निवडणुकीत वेगळेच वातावरण पाहायला मिळाले. महाराष्ट्रातील 288 विधानसभा जागांपैकी जळगाव ग्रामीण ही जागा 14 व्या क्रमांकावर आहे. जळगाव ग्रामीण जागेवर यंदाही गुलाबराव रघुनाथ पाटील जिंकून आले आहेत. 2019 मध्ये गुलाबराव पाटील सलग दुसऱ्यांदा आमदार झाले. यावेळी येथील जनतेचा पाठिंबा महायुतीलाच मिळाला आहे. यापूर्वी जळगाव ग्रामीणची जागा राष्ट्रवादीकडे होती. 2008 च्या परिसीमनानंतर जळगाव ग्रामीण विधानसभा अस्तित्वात आली.
गुलाबराव पाटलांनी विश्वास कायम ठेवला
महाराष्ट्रात 2019 च्या विधानसभा निवडणुकीत गुलाब रघुनाथ पाटील यांना शिवसेनेकडून दुसऱ्यांदा तिकीट मिळाले होते, तर अपक्ष चंद्रशेखर प्रकाश अत्तरदे यांनी उमेदवारी दाखल केली होती. अपक्ष उमेदवारी दाखल केल्यानंतरही चंद्रशेखर अत्तरदे यांना निवडणुकीत 59,066 मते मिळाली होती. तर शिवसेनेचे गुलाब रघुनाथ पाटील यांना 105,795 मते मिळाली होती. या निवडणुकीत शिवसेनेचे गुलाब रघुनाथ पाटील यांनी अपक्ष उमेदवार चंद्रशेखर अत्तरदे यांचा 46729 मतांनी पराभव केला होता.
मतमोजणीच्या अपडेटस् आणि अंतिम निकाल कुठं पाहणार?
महाराष्ट्राच्या 288 जागांच्या मतमोजणीच्या वेगवान अपडेटस आणि अंतिम निकाल तुम्हाला एबीपी माझा वाहिनीवर आणि एबीपी माझाची वेबसाईट https://marathi.abplive.com/elections वर पाहता येईल. याशिवाय एबीपी माझाचं यूट्यूब चॅनेल, सोशल मीडिया प्लॅटफॉर्मवर मतमोजणी आणि निकालाच्या अपडेटस पाहता येईल. एबीपी माझाच्या राज्यभरातील प्रतिनिधींकडून देण्यात येणाऱ्या निकालाच्या सुपरफास्ट अपडेट तुम्हाला एबीपी माझावर पाहता येतील. एबीपी माझाच्या वेबसाईटस भारत निवडणूक आयोगाच्या वेबसाईटवर देखील निकाल पाहता येईल. https://results.eci.gov.in/ या वेबसाईटवर तुम्ही मतमोजणीचे ट्रेंडस आणि निकालाचे अपडेट पाहू शकता.
हेही वाचा>
Jamner Vidhan Sabha Constituency: जामनेरमधील विजयाचा मुकूट कोणाच्या हाती? कोण उधळला विजयाचा गुलाल?
महत्त्वाच्या बातम्या
ट्रेंडिंग न्यूज
